imena news

Blog

  • Umwami W’Ubwongereza Yasanganywe Cancer 

    Umwami W’Ubwongereza Yasanganywe Cancer 

    Byatangajwe ko umwami w’Ubwongereza bamusanganye cancer. N’ubwo ubwoko bw’iyi cancer butaratangazwa, birashoboka ko yaba ikomeye kubera ko BBC itangaza ko abaganga b’umwami Charles III bamubujije kugira izindi nshingano zose zimusaba kujya mu ruhame yongera gukora.

    Hari hashize igihe gito abazwe prostate kandi ibwami batangaje ko, guhera kuri uyu wa Mbere taliki 05, Gashyantare 2024, umwami yatangiye kwitabwaho n’abaganga.

    Ibiro bye bivuga ko umwami w’Abongereza afite akanyamuneza kandi yizeye ko ari bukire vuba akagaruka mu nshingano ze bidatinze.

    Kuba atazaboneka mu bikorwa byasabaga ko umwami abyitabira bivuze ko hari bushakwe undi uzajya abimuhagarariramo.

    Umwami Charles III afite imyaka 75 y’amavuko.

    Ku Cyumweru gishize yagiye mu misa ahahurira n’abaturage arabasuhuza.

    Mbere ho Icyumweru yari yavuriwe mu bitaro bye byihariye biba mu Murwa mukuru London.

    Uyu mwami ashimirwa ko yashyize ahagaragara iby’uburwayi bwa prostate kugira ngo ashishikarize n’abandi bagabo kuyisuzumisha no kuyivuza.

  • Hari indwara zitandura zigiye kujya zivurirwa kuri Mituweli 

    Hari indwara zitandura zigiye kujya zivurirwa kuri Mituweli 

    Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside yaganiriye na Minisitiri w’Ubuzima Dr Nsanzimana Sabin n’Umuyobozi Mukuru Wungirije w’Ikigo cy’Igihugu cy’Ubwiteganyirize RSSB Louise Kanyonga ku bibazo byabajijwe kuri raporo y’uburenganzira bwa muntu mu mwaka wa 2022/2023.

    Minisitiri Dr Nsanzimana yasobanuye ko kuba hari indwara zivurizwaga hanze hatakoraga Mituweli, ariko ko ubwo zatangiwe kuvurirwa mu gihugu, harebwa uko na zo zashyirwa muri gahunda y’ubwisungane mu kwivuza, Mituweli.

    Yagize ati: ” Hari urutonde rushya mu bijyanye n’insimburangingo zihenze n’inyunganirangingo, hari n’urutonde rw’imiti mishya ya kanseri n’izindi ndwara zikomeye umuntu atabashaga kwivurizaho harimo nko gusimbuza impyiko, kubaga umutima kuko zivurizwaga hanze n’ubundi bitakorerwaga ku bwisungane mu kwivuza. Ubu rero ubwo birimo gukorerwa mu Rwanda bigomba kujyana n’uko serivisi zishyurwa n’abanyamuryango ba Mituweli hano mu Rwanda. Nko gusimbuza impyiko, ubu turi muri gahunda yo kuyishyira muri Mituweli.”

    Ku kibazo cy’uko ibitaro bitanga serivisi ku bafite ubumuga bikorana na Mituweli bikiri bike, Minisitiri w’Ubuzima Dr Nsanzimana yavuze ko kuri ubu hari ibitaro byongereweho ku bikorana na Mituweli bitanga serivisi z’insimburangingo n’inyunganirangingo ndetse bizakomeza kongerwa.

    Dr Nsanzimana yavuze ko Minisiteri yakoze ikoranabuhanga rya ‘DMIS’ ryo kumenya no kwandika abafite ubumuga bose kugira ngo hamenyekane ubumuga bafite n’ubufasha bakeneye kugira ngo bifashe mu igenamigambi ry’uburyo bakomeza gufashwa.

    Ku kigendanye n’igikorwa ku miti ikenerwa n’abageze mu zabukuru itabasha kuboneka muri farumasi n’ibitaro bya Leta, Minisitiri w’Ubuzima yavuze ko n’ubwo ubushobozi bwa Mituweli bukiri buke, kuri ubu urutonde rw’ibyishyurwa rwavuye kuri 887 rukaba rugeze kuri 1400 muri uyu mwaka.

    Umuyobozi Mukuru Wungirije w’Ikigo cy’Igihugu cy’Ubwiteganyirize yavuze ko hari ingamba zo gushaka ubundi bushobozi bwo kongera mu kigega cya Mituweli, hateganyijwe ko hashobora kongerwamo aafaranga y’u Rwanda agera kuri miliyoni 25 Kandi ko hakazakomeza no gushakisha ubundi bushobozi kugira ngo serivisi zishyurwa ziyongere.

    Kanyonga yavuze ko bateganya kandi gukorana n’amavuriro mu buryo bwa ‘capitation’ akajya ahabwa amafanga akenewe mbere, kugira ngo serivisi zihabwa abanyamuryango zikomeze kunozwa.

    Yanavuze kandi ko hazanongerwa imbaraga mu kugenzura imikorere kugira ngo bizatange umusaruro.

  • Ikigo BASI GO RWANDA cyatanze izindi Bisi zikoresha amashanyarazi

    Ikigo BASI GO RWANDA cyatanze izindi Bisi zikoresha amashanyarazi

    Mugwego rwo gukomeza kunoza serivisi zo gutwara abantu n’ibintu mu mujyi wa kigali,Ikigo BASI GO cyatanze izindi Bisi nini ebyiri zikoresha amashanyarazi Ni muri gahunda yo gukomeza guhangana nimihindagurikire yikirere, iki kigo cyongeye guha sosiyete zitwara abantu n’ibintu izindi bisi nini ebyiri zikoresha amashanyarazi, izi bisi zikaba zitezweho gutanga umusaruro.

    Izi Bisi ebyiri nini zatanzwe zaje ziyongera kuzindi zari zaratanzwe mu minsinsi yashize zahawe zimwe muri companyi zizanzwe zitwara abantu n’ibintu hano mumujyi wa Kigali arizo KBS ndetse Royal Express, zikaba zigiye kugira uruhare runini mu gukemura ikibazo cy’uburyo bwo gutwara abantu n’ibintu mu mujyi wa Kigali, ndetse zikanafasha mu kubungabunga ibidukikije by’umwihariko mu kugabanya ibyuka bihumanya ikirere bituruka ku modoka zikoresha ibikomoka kuri peteroli.

    Umuyobozi Mukuru wa Sosiyeta ya KBS bwana Charles Ngarambe, avuga ko ugereranyuje n’izindi modoka bari basanzwe bafite izi modoka zikoresha ingufu z’amashanyarazi zitanga umusaruro ushimishije, aho ashimira ikigo cya BASI GO kuba cyaragize igitekerezo cyo kuzana izi modoka by’umwihariko bakaziha ikigo ayobora.

    Yagize ati: “Mbere na mbere reka dushimire BASI GO yaduhaye amahirwe yo kugira ngo tumenye ko izi Bisi zikora, twari tubizi ariko tutarazibona, gusa icyo tumaze kubona ni uko ari bisi zimeze neza, cyane cyane twebwe n’abantu bakora ibintu bya transport (gutwara abantu n’ibintu) tuba gukeneye kureba aho ibiciro by’amavuta biduhendukira, tukaba twarabonye ari bisi nziza, twari twabonye imwe bari baduhaye n’iya kabiri tugiye gukomeza kugerageza, ariko icyo nababwira ni uko mu mezi abiri tumaranye twabonye ari bisi nziza,..tugize amahirwe n’izo dufite bakazishiramo iyi tekinoloji byaba ari byiza kuko iyi tekinoloji ntabwo ihenze nk’igiciro cy’amavuta.”

    Umuyobozi Mukuru wa Sosiyeta ya KBS bwana Charles Ngarambe

    Johns Kizihira, ukuriye ibikorwa bya Tap &Go mu Rwanda, yemeza ko kuba izi bisi nini zitanzwe kandi zikaba zaranatangiye kwifashishwa mu gutwara abantu n’ibintu mu mujyi wa Kigali ari intambwe ikomeye cyane, ndetse ahamya ko hari abazishimiye cyane ku buryo abahise bataga gahunda yo kugura izindi bagera kuri 92, agahamya ko nibura uyu mwaka wa 2024 uzajya kurangira mu mujyi wa Kigali hari izi modoka nini zikoresha amashanyarazi zigera ku ijana.

    Yagize ati: “Iyi ni intambwe nziza itewe mu gihe gitoya, icyo tumaze kubona ni uko abatwara abantu n’ibintubishimiye izi modoka, icya mbere imikorere yazo ni myiza, mbere harimo gutinya, ariko ubu bamaze kuzikoresha n’abatarazikoresha urabona ko bazishaka, hari order (izikenewe) 92, dushaka kuzatumiza mu kwezi kwa kane, ku buryo uyu mwaka wajya kurangira nibura izindi 100 ziyongereye mu muhanda, gahunda iracyari yayindi y’uko twashyira imodoka z’umuriro mu muhanda mu gihe cy’amezi 18 utangiye kubara mu kwa mbere k’uyu mwaka….twizeye ko bizakomeza bigakora neza, natwe abo muri Tap & Go turabona ko bizafasha abo mu gisata cyo gutwara abantu n’ibintu muri rusange, kuba cyakomeza kwaguka kikanoza serivise abagenzi biguza uyu munsi.”

    Johns Kizihira, ukuriye ibikorwa bya Tap & Ho

    Winner Nilla, Umuyobozi Mukuru wungirije wa Royal Express, yashimiye BASI GO kuba yabaheye iyi bisi nini ikoresha amashanyarazi, ndetse anizeza ko bagiye kuyikoresha batanga umusanzu ukomeye mu gutwara abantu n’ibintu mu mujyi wa Kigali, kandi ngo bagiye gutanga umusanzu wabo mu kugabanya ibyuka bihumanya ikirere.

    Winner Nilla, Umuyobozi Mukuru wungirije wa Royal Express

    Fidelite Bambanze, Umukanishi w’imodoka zikoresha ingufu z’amashanyarazi akaba w’umukozi wugirije ushinzwe gucunga ububiko muri BASI GO, avuga ko izi modoka zishobora kugenda ibirometero 300 mu gihe icaginze yuzuye, ndetse ngo mu kuyisharija bitarwa isaha imwe gusa ikaba yuzuye.

    Yagize ati: “Bisi yacu y’amashanyarazi ishobora kugenda ibirometero 300 bayisharije ikuzura, kubera ko Kigali bias n’aho ati ntoya bisi yacu yirirwa ikora umunsi wose, twakifuje ko yajya igaruka nibura harimo 20% y’umuriro ikoresha, ariko akenshi igaruka irimo 35% cyangwa se 40%, twageze neza byo twakoraga kubera ko iragenda tukayisharija nimugoroba, kuyisharija bitwara isaha imwe kugira ngo imodoka ibe yuzuye.”

    Fidelite Bambanze yemeza ko hari umusanzu ukomeye izi modoka zitanga haba mu kubungabuka ibidukikiha hagabanywa ibyuka bihumanya ikirere, ndetse zikanatanga inyungu yo hejuru ku bantu bazikoresha mu gutwara abantu n’ibintu.

    Uyu munsi hamuritswe ku mugaragaro bisi nini ebyiri zikoresha amashanyarazi ziza ziyongera ku zindi ebyiri zimaze amezi abiri zikorera muri Kigali, izi ebyiri zatanzwe imwe iriyongera ku yindi KBS yari isanzwe ifite, indi irajya muri Royal Express, iya kane yarisanzwe ikoreshwa na Volcano Express.

  • Ishyaka rya Green Party Ryerekanye abazarihagararira mu matora y’abadepite 

    Ishyaka rya Green Party Ryerekanye abazarihagararira mu matora y’abadepite 

    Kuri uyu wa Gatanu, itariki 26 Mutarama 2024, Abayobozi bakuru n’abarwanashyaka ba Democratic Green Party of Rwanda (DGPR) bateraniye mu Karere ka Gasabo muri Congress yigiwemo ingingo zitandukanye zigomba kongerwa muri manifesto izakoreshwa mu matora ateganyijwe uyu mwaka.

    Ibitekerezo byatanzwe n’abarwanashyaka bizanozwa n’itsinda rishinzwe gutegura manifesto, kugirango bijye muri manifesto izemezwa burundu muri congress yo ku rwego rw’igihugu iteganya kuba mu kwezi kwa Gicurasi 2024.

    Muri iyi Congress y’Ishyaka DGPR-Green Party mu mujyi wa Kigali, habaye amatora y’abakandida baturuka mu turere tw’umujyi wa Kigali bazahagarira ishyaka mu matora y’abadepite azaba uyu mwaka wa 2024.

    Byari biteganyijwe ko buri Karere gatora abakandida 2 ( umugore n’umugabo) kandi iyi gahunda izakomeza no mu Ntara zose z’igihugu.

  • Kamonyi: FXB irakataje muguhashya virusi itera Sida  mu miryango

    Kamonyi: FXB irakataje muguhashya virusi itera Sida  mu miryango

    Mu Karere Ka Kamonyi ahaherereye umushinga  wa FXB ufasha  abantu  bafite virusi itera sida ndetse  bagafasha nabatarayandura   babicishije mubukangurambaga  ndetse no mu mikino ihuza imirenge kugirango habashwe gutambutsamo ubutumwa bwo kwirinda virusi itera Sida .

    Hagenimana Felix  akuriye urubyiruko rwa Kamonyi aganira n’itangazamakuru agira Ati.’’ Nibyo koko urubyiruko rwacu  rugeze mugihe cya adoresa murumvako rutorohewe gusa fxb yaje arigisubizo mugukorera mukarere kacu kuko ibasha kutwitaho.’’

    Hagenimana Felix, Ahagarariye urubyiruko muri Kamonyi

    Aho yaga rutse kubikorwa abagenerwa  bikorwa  bahambwa na  fxb ibafasha kwiteza imbere ndetse  nabakangurira kwipimisha virusi itera sida kubatarandura yasanga hari abanduye ikabakangurira  gufata imiti ,

    Fxb kandi yita kubantu bose ndetse akarusho   nuko nabafite ingo ibahuriza hamwe ikabigisha  gukora uturima twibikoni kugirango bajye bafata amafunguro  afite indyo yuzuye hatabuzemo imboga  kuko zubaka umubiri.

    Appoline  Nyirantagorana, Ahagarariye indangamirwa muri Kamonyi

     Appoline  Nyirantagorana uhagarariye  indangamirwa muri Kamonyi  nawe yagize icyo abwira ikinyamakuru Imena  agira Ati .’’  Nyobora  indangamirwa 599 mu Karere Ka  Kamonyi kose  bakaba barangiriye ikizere  gikomeye aho iyo hagize ugira  ikibazo anyisangaho nkamugira inama sibyo kandi tugira n’iminsi duhuriraho tugakora inama tureba ibitaragenze neza  .’’

     Yongeyeho ko  afite indangamirwa  173 zifata imiti igabanya ubukana bwa virusi itera Sida   ,  akaba azikurikirana  arebako bubahiriza gahunda za Muganga,  akaba akomeje gushimira indangamirwa   zitwara neza arinaho avugako afite indangamirwa 16 mu Karere  kose yashyingiye akaba marene ,akaba nanenga abagore bari mungo  baseka indangamirwa  kandi nabo baca inyuma abagabo babo bajya guhura n’abagabo bahura n’indangamirwa kandi hariho iziba zaramaze kwandura virusi itera Sida  urumvako nabo bashiduka bahashye  virusi kuko baba bagiye bihishe.

    Appoline  akaba ashimira FXB  mu myaka itatu bamaranye ko yabitayeho mukubahugura  no kubaha ibikoresho byo kwirinda virusi itera sida  harimo   udukingirizo ndetse ndetse n’amavuta  bakoresha  ku bahuza ibitsina kugirango badakomeretsa .

    Mukakarangwa Appolinarie  n’umuganga ukorera  kubitaro bya  Remera-Rukoma akaba  ahagarariye ishami ry’indwara zandura  nka Maraliya ,Sida ,igituntu , Hipatites n’izindi  akaba n’ umunansi  akaba akunze guhura n’urubyiruko  cyane ruje kwipimisha nubwo hakiri mbogamizi  aho usanga nkokuva kumyaka 14-24 ,baba bari kukigero 5 % banduye iyo baje  kwipimisha usanga  abenshi  baramaze  kwandura naho 85 % nababyitabira ugasanga bafite hasi ya sharije virare ya 200 .

    Mukakarangwa Appolinarie, Muganga ukorera ku bitaro bya Remera-Rukoma

    Mukakarangwa  akomeza anenga ababyeyi  batabika ibanga ry’abarwayi  kuko batuma bagira imfunwe ryokuza kwipimisha virusi itera Sida iyo babasanze kukigo nderabuzima ,Aho yagize Ati.’’Nkubu urubyiruko twaruhaye kuzajya ruza ku wa gatandatu kuko aricyo gihe abantu bakuru bamwe  baba bataje gufata imiti ndetse  no kwipimisha  ibyo bituma bisanga bakisanzura.’’

    Akomeza agaragaza ko  umbwandu bushya bukomeza kwiyongera  kubera urubyiruko rumwe na rumwe rugira imfunwe ryo kuza kwipimisha arko akaba ashimira FXB idahwema kurwegera irukangurira kwipimisha aho  basanga hari abamaze  kwandura  bakabashishikariza kugana ikigo nderabuzima kugirango gikomeze kubitaho cyibagira inama n’uburyo  bafata imiti bakabaho igihe kirekire   ndetse baka narandura virusi itera Sida  bakagera kugipimo cya zero.

    Kayitare   Emmanuel  n’Umunyamabanga Nshingwabikorwa wa  FXB  avugako  kuba bakora mu Karere    Ka Kamonyi aribyagaciro kuko ubuyobozi bw’Akarere bubafa kugera ku bagenerwa bikorwa babo,aho agira Ati.’’dukorera  mu Murenge wa  Runda ,  na Musambira nu wa Rubaka ,Gacurabwenge Rukoma  ahohose  Akarere kadufasha kugera  kugera kubaturage.’’

    Yongeyeho ko  kuba bafatanya n’Akarere ndetse ninzego zibanze aribyagaciro kuko bituma  bagera nkuntego biyemeje yo kurandura virusi itera Sida mu miryango  biciye mi mikino ikunda guhuzwa n’imirenge  bagatangiramo inyihisho ndetse icyogihe habaho no gupima abaturage kubuntu tukamenya uko bahagaze tugafata ingamba tubinyujije mubusabane.

    Uwamaliya Florence

  • Nyamirambo: Hari abantu bafite ubumuga biteje imbere binyuze mu ikoranabuhanga

    Nyamirambo: Hari abantu bafite ubumuga biteje imbere binyuze mu ikoranabuhanga

    Mu Karere Ka Nyarugenge mu Murerenge wa Rwezamenyo  abantu bafite ubumuga ntibahejwe mu kwihangira imirimo aho bamwe batanga serivisi z’irembo ndetse n’izo guhanahana amakuru bita Kafe interinete (Internet café).

    Munyentwari Jackson, ufite ubumuga bw’ingingo yashoboye gushiinga kafe interneti

    Munyentwari   Jackson, umwe mubantu bafite ubumuga bw’ingingo afite café internet isakaza amakuru iherereye mu Murenge wa Nyamirambo, Akarere ka Nyarugenge, ahazwi nko kuri mirongo ine (kuri 40).

    Avuga ko kuba afite ubumuga bw’ingingo bitamubuza gutunganya akazi ke no guha serivisi nziza abamugana.

    Munyentwari asobanura ko ubumuga bw’ingingo bwavuye ku ndwara y’imbasa, aho agira ati’’: Navukanye ingingo nzima nk’abandi bana, nyuma ababyeyi banjye baza gusanga hari izidakora neza, babibonye bajyana kwa muganga bababwira ko ndwaye imbasa ndavurwa, mpabwa n’insimburangingo’’.

    Akomeza ati: “Ibi byatumye mbasha kugana   ishuri ndiga, ndetse nyuma yaho nashoboye no kwiteza imbere. Nshimira ababyeyi banjye bagize umuhate wo kumvuza no kushyigikira kuko hari benshi nzi batabashije kuvuzwa, bityo bakavutswa uburenganzira bwabo,  bakaba babayeho mu buzima butari mbwiza”.

    Murekatete valentine nawe n’umwe ufite ubumuga bw’ingingo, akaba ari umu ajenti (Agent) ukora ibijyanye no kohereza no kwakira amafaranga, hamwe na serivisi zo kwishyura imisoro ya Leta hifashishijwe ikoranabuhanga.

    Murekatete Valentine, umwe kubafite Ubumuga wabashije kwiteza imbere binyuze mu kazi akora k’ubu ajenti (agent).

    Murekatete ukorera mu Karere ka Nyarugenge, mu Murenge wa Rwezamenyo ashishikariza abari n’abategarugori kwiteza imbere mu ikoranabuhanga, haba ku bafite ubumuga n’abatabufite.

    Yagize ati:’’Akazi nkora kanshoboje kwiteza imbere, kuko nabashije kwigurira inzu mbikesha ubu-ajenti, mbayeho neza n’umugabo wanjye n’umwana wacu. Inzu zanjye ndazikodesha bakampa amafaranga nifuza, ikirenzeho nijye winjiza menshi mu rugo.’’

    Akomeza agaragaza ko ashoboye, ndetse ko kuba atanga serivisi zinogeye abakiriya, byatumye agirirwa icyizere ku buryo bamugana ari benshi, ndetse ngo niyo ataragera mu kazi hari abamusanga mu rugo akabakorera.

    Asaba abakobwa n’abagore kuvana amaboko mu mufuka bagakora bakiteza imbere, birinda gutega amaboko no kumva ko hari abantu bashinzwe kubagirira impuhwe kuko bifitemo ubushobozi.

    Mukantwari Ansilla, ni Umuyobozi w’Umudugudu w’intwari, nawe yagize icyo avuga kuri ba rwiyemezamirimo bakorera  mu mudugudu we, aho  yagize Ati’’: Yaba  Murekatete cyangwa Munyentwari jackson,   ni bamwe  mu baturage nyobora bubahiriza  gahunda za Leta,   yemwe no mu muganda  nabo bifatanya n’abandi kuwitabira.’’

    Mukantwari, anenga abaturage bafite ingingo zitarwaye batajya bitabira Umuganda, akanasaba abantu bagifite imyumvire yo kwita abafite ubumuga amazina abatesha agaciro kubicikaho. Nyamirambo: Hari abafite ubumuga biteje imbere binyuze mu ikoranabuhanga

    UWAMALIYA Florence

  • Root Foundation Yizihije Noheli Hamwe n’Abanyamuryango bayo ‘christmas charity event’

    Root Foundation Yizihije Noheli Hamwe n’Abanyamuryango bayo ‘christmas charity event’

    Abana bafashwa n’ikigo Root Foundation barishimira ibyo kimaze kubagezaho yewe ntibahwema no kuvuga ko Root Ari umubyeyi wabo.

    Ibi byagarutsweho ubwo umushinga usanzwe ufasha abana batishiboye uhereye kubaba mu muhanda kugirango abana Bose bo mu gihugu babashe kugira Ubuzima bwiza, ndetse babone amahirwe nkayo abandi Bana bishoboye babona, wari wateguye igikorwa cyo gusangira no kwizihiza umunsi mukuru wa Noheli cyiswe ‘Christmas charity event’.

    J. Claude n’umunyeshuri mu mwaka wa 3 w’amashuri yisumbiye akaba afashwa n’ umushinga Root Foundation mukumurihirira amashuri ndetse n’ibindi byangombwa akenera m’ubuzima bwe bwa buri munsi.

    J. Claude Ati.”Ubundi iyo ndihano (Kuri Root) mba mbizi neza ko ndi murugo kuko ibintu tuhigira nibyo tuhakorera ntago bitandukanye nibyo murugo.

    Akomeza avugako ashimimira Root Foundation ko hari Aho yamukiye Ari mpamvu ayifata nk’umubyeyi we. Ati. “Nageze muri Root ntazi gucuranga ariko Ubu ndi muri band yitwa Brass Band ya Root Foundation, nize kubyina ndetse Kandi n’ikindi bampaye laptop Ubu imfasha mu masomo yange n’ibindi bitandukanye.

    Ishimwe Benita Nawe n’umunyeshuri urihirwa na Root Foundation avugako kubona Aho abarizwa Nyuma y’amasomo byamufashije gutsinda mw’ishuri kuko ubundi wasangaga Ari mubindi bimushyira kure y’amasomo ye.

    Ishimwe Benita Ati.”Ndashimira Root Foundation byivuye inyuma kuko yamfashije kuzamura impano yange yo kubyina Kandi ibihembo Baha abana bitwaye neza byaneye ishyaka mpindura imyigire yange Ubu mw’ishuri nsigaye mba uwa mbere.

    Umutoni Alice n’Umubyeyi w’abana 3 bafashwa na Root Foundation avugako iyo hataza kuba Root kumufasha kw’ishyurira abana be amashuri bamwe baba bararivuyemo kubera ubushobozi.

    Alice Umutoni Ati.” Root Foundation n’ umubyeyi kuko idufasha kurera abana bacu.     ikabaha umucu n’uburere mu gihe tudahari twagiye mu kazi Kandi uburere babaha ni bwiza kuko nkange maze imyaka irenga itanu bamfasha kurera abana bange, iyo bataza kuba babafasha kwiyungura ubumenyintago narikuba nyiboherezayo.

    Yasoje ashishikariza abandi babyeyi kwitabira kuzana abana babo kuko muri Root Foundation bahigira byinshi bitanduka harimo kuzamura impano zabo kubigisha n’ibindi.

    Root Foundation n’umushinga watangiye muri 2012, ukaba umaze gufashe abana barenga 1500. ukaba ukorera mu mujyi wa Kigali.

    Ubu bakaba bafite abana barenga 400 kuri center yabo i herereye mu murenge wa Kinyinya mu kagali ka kagugu ndetse no mu Karere Ka Huye ahari center y’abana bagera 100.

    Umuyobozi wa Root Foundation François Dunia, avugako guhemba abana bibongerera imbaraga Ariyo mpamvu bahemba uwabaye uwa mbere n’uwanyuma.

    François Dunia Ati.”twateguye iki gikorwa kugirango abafatanyabikorwa bacu batange ibikoresho by’ishuri, imyenda, inkweto, ibyo kurya kugirango dusangire n’imuryango yacu.

    Yakomeje agira Ati.”muri iki gikorwa turaza gutanga ibihembo k’ubana bitwaye neza haba kw’ishuri ndetse nahano, uwambere tumuha laptop n’uwanyuma Nawe tukamuhemba kuko hari impamvu nyinshi zishobora kumutera kudatsinda urugero se mu muryango avukamo bugarijwe n’ibibazo bityo mw’ishuri ntabashe gukurukira neza, Ariko iyo tumuhebye byibuze abonako hari abantu bamwitayeho bityo ubutaha agakorana umurava.

    By: Uwamaliya Florence

  • U Rwanda rwungutse abapolisi bashya 2072

    U Rwanda rwungutse abapolisi bashya 2072

    Polisi y’u Rwanda yungutse abapolisi bato 2072 basoje amasomo mu Ishuri rya Polisi ry’i Gishari bari bamazemo amezi umunani.

    Umuhango wo kwinjiza aba bapolisi muri Polisi y’u Rwanda wabereye i Rwamagana mu Ishuri rya Polisi y’u Rwanda rya Gishari kuri uyu wa 22 Ukuboza 2023.

    Aba Bapolisi barimo ab’igitsina gabo 1645, n’ab’igitsina gore 427. Nyuma yo gusoza amasomo 74 barahita binjira mu Rwego rw’Igihugu rushinzwe igorora, mu gihe abasigaye 1998 baguma muri Polisi y’u Rwanda.

    Ni ku nshuro ya 19 Polisi y’u Rwanda yungutse abapolisi bashya, mu muhango wayobowe na Minisitiri w’Umutekano mu gihugu, Alfred Gasana.

    Mu bandi bayobozi bawitabiriye harimo Umuyobozi mukuru wa Polisi y’u Rwanda CG Felix Namuhoranye, Guverineri w’Intara y’i Burasirazuba Pudence Rubingisa n’abandi bayobozi mu nzego zitandunye.

    Muri uyu muhango habanza kwerekanwa amasomo abanyeshuri bahabwa arimo aya gisirikare na Polisi, gukoresha intwaro, imyitozo yo kumva no kumvira amabwiriza y’ikinyabupfura, imyitozo ngororamubiri, kubungabunga ituze n’umutekano bya rubanda, amategeko, ubufatanye bwa Polisi n’abaturage, ubutabazi bw’ibanze, gucunga umutekano wo mu muhanda kandi bakanahabwa ibiganiro kuri gahunda za Leta n’ibindi byinshi bitandukanye.

    Muri Werurwe 2023, Polisi y’u Rwanda yari yinjije mu kazi Abapolisi bashya bato 1612 barimo abakobwa 419 n’abahungu 1193.

    Minisitiri w’Umutekano mu gihugu Alfred Gasana (hagati) ni we ageze ahari kwinjizwa abapolisi mu kazi

    Bari bamaze amezi umunani biga amasomo atandukanye

    Abapolisi barenga 2000 binjijwe mu kazi

  • ITANGAZO Rya Cyamunara Ry’Umutungo Utimukanwa

  • Kirehe: Hatagize igikorwa ku mipaka virusi itera Sida yakiyongera

    Kirehe: Hatagize igikorwa ku mipaka virusi itera Sida yakiyongera

    Bamwe mu baturege bo Karere ka Kirehe baragaragaza ko nubwo  bahabwa udukingirizo Virusi itera  Sida iracyari hejuru cyane nkuko  umuyobozi w’ibitaro yagaragaje imibare y’abafata servise z’abafite ubwo bwandu bwa Virusi itera Sida ko ari 5010  naho ubwandu bushya buri kugipimo 1,08.

    Abanyamakuru bakora k’unkuru z’ubuzima Igihe baganiraga n’Ubuyobozi bw’ Akarere Ka Kirehe

    Mukashyaka x wahinduriwe izina  akaba atuye ku mupaka w’u Rwanda na  Tanzaniya   aganira n’ikinyamakuru Imena yagaze ati”. Mfite imyaka 34 nkaba nkorera,  aha  mpamaze imyaka 16 kuko naje nje gukorera umuntu mu kabari  birangira mpakunze kuko haba amafaranga  cyane. Aha ku mupaka uburaya burakabije cyane, abakobwa baza gutega abashoferi bavuye nka za Dar-Es-Salam kuko baba bafite amafaranga menshi, ugeze hano muri week end cyangwa nimugoroba wahasanga abakobwa benshi bategereje abagabo babagura, impungenge zo ntizabura none se ko hari nabakora ubwo buraya ntibibuke kwikingira, ubwo urumva kwandura cyangwa kanduza abandi SIDA bitabaho.””

    Sibomana  Marcel  nawe n’umwe mu baturiye umupaka   nawe yagize icyo ambwira  ikinyamakuru Imena aho yagaragaje impamvu virusi itera sida  igenda yiyongera   mu karere kabo   aho yagize ati” Duturiye umupaka ucamo abanyamahanga benshi ndetse dufite n’abana b’abakobwa  baba mu nkambi y’amahamba baza  kwigurisha ku bashoferi batwara ibikamyo  ikibabaje muri byo nuko usanga harimo abana bato  ubona badashaka kubireka kuko  tugerageza  kubigisha  bakatubwira ko  batazongera bwacya tukongera tukababona.”

    Yongeyeho ko n’ubwo bigisha  gukoresha agakingirizo  ko hakiri imbogamizi   zo kutubona  kubera umbwinshi bwabagana umupaka dore ko haraho baba bagafite  bwakira kagahenda kagera 2000 bitewe n’umuntu  babonye uje kukagura bityo benshi bagasubirayo bakabategeka gukora imibonano mpuzabitsina  idakingiye  ngo kuko ntibabona ayicumbi ngo babone nayagakingirizo.

    Umujyanama w’ubuzima mu Karere Ka Kirehe, Umuhoza Christine

    Umuhoza Christine n’umujyanama w’ubuzima  muri Kirehe nawe yagaragaje  uburyo  indangamirwa babasha kuzitaho izo basanze zaranduye agakoko gatera Sida, aho bazishishikariza    abafata imiti  cyangwa  gukoresha agakingirizo   kugirango badakwirakwiza  agakoko gatera virusi itera sida.

    Dr. Munyemana Jean  Claude, Umuyobozi mukuru  w’ibitaro by’Akarere ka Kirehe

     Dr. Munyemana Jean  Claude n’Umuyobozi mukuru  w’ibitaro by’Akarere ka Kirehe  yatangarije  abanyamakuru  bibumbiye mu ishyirahamwe rirwanya Sida Abasirwa,  ati”. Dushyiramo imbaraga nyinshi mugukora ubukangurambaga buherutse gukorwa kuva tariki ya 2 Ugushyyingo 2023 kugeza tariki ya 14 Ugushyingo 2023, aho duheruka gutanga udukingirizo 50414 hakanapimwa abagera 15750 .”

    Yadutangarije  ko muri abo bapimwe  37 basansanze baranduye virusi itera Sida  bagahita bagirwa inama zuko bakitwara gahita banatangizwa imiti.

    Umuyobozi w’Akarere w’ungirije  ushinzwe  imibereho myiza, Mukandayisenga Janviére

    Mukandayisenga Janviére   Umuyobozi w’Akarere w’ungirije  ushinzwe  imibereho myiza y’abaturage nawe yaduhaye ishusho ya karere aho gatuwe  n’abaturage bagera  460860 , ikigo nderabuzima cya kirehe kikaba gikurikirana abafite virusi itera soda bagera  518 aho usanga higanjemo imirenge itatu ifite  abarwaye virusi itera siga bari hejuri ya 250  harimo imirenge ya kgina na kirehe na Gatore  abobose bakaba  baba mu ndangamirwa    Aho yagize ati” Dufite umubare wabakora umwuga  w’uburaya  urihejuru 250 ari bo twise (indangmirwa)   dikoresha uko dushoboye tukabahuza nabaterankunga bakabaganiriza uburyo bakwiye kwifata yewe haba harimo nabafite imbaraga bagahambwa akazi muri VIP.”

    Yakomeje yerekana ko akarere kabo kaza kwisonga mu turere 7 turi hejuri mudufite virusi itera sida, aho yavuze ko( 3-1 ) ko umwe muri bo  ko  aba arwaye Kandi ko  ikigo k’igihugu gishinzwe ubuzima RBC imibare giheruka gutangaza  yabafata imiti  kobagera 218,314 naho mu intara y’uburasirazuba bakagera 49,5 bafata  imiti.

    By: Uwamaliya Florence