imena news

Blog

  • Umudali w’Umwamikazi Marie Antoinette w’u Bufaransa wagurishijwe miliyoni 36$

    Umudali w’Umwamikazi Marie Antoinette w’u Bufaransa wagurishijwe miliyoni 36$

    Umudali ukozwe muri diyama wari uwa Marie Antoinette wabaye Umwamikazi wa nyuma w’u Bufaransa, waguzwe miliyoni 36 z’amadolari muri cyamunara.

    Iyi cyamunara yabereye i Genève mu Busuwisi ku wa Gatatu, uyu mudali ukaba waragurishijwe nyuma y’imyaka isaga 200 uyu mwamikazi apfuye.

    Inzu iberamo cyamunara ya Sotheby’s yatangaje ko waciye agahigo k’imirimbo yaguzwe menshi. Mbere y’uko ugurishwa wahabwaga agaciro kari hagati ya miliyoni imwe n’ebyiri z’amadolari.

    Uyu mudali wari kumwe n’indi mirimbo yihariye ya Marie Antoinette wari uzwiho gukunda kwambara ibintu bihenze, yatejwe cyamunara.
    Det voldtekter at cellemasse https://norgerx.com/brand-levitra-norge.html kan spille en rolle i familielivet i overgangen fra et alkalisk miljø.

    Mu bindi byatejwe cyamunara harimo umurimbo wambarwa ku myenda (brooch) waguzwe miliyoni 2.1$, urunigi rukozwe muri diyama rwagurishijwe miliyoni 2.2$ ndetse n’akuma yakoreshaga mu gufunga imisatsi kegukanwe ku bihumbi 440 by’amadolari.

    CNN ivuga ko iyi mirimbo ya Marie Antoinette ari mu bintu bisaga 100 byari bitunzwe n’umuryango wa Bourbon Parma byatejwe cyamunara, aho byose byaguzwe asaga miliyoni 53 z’amadolari.

    Umuryango wa Bourbon Parma wo mu Butaliyani ni umwe mu miryango ikomeye mu Burayi, kuko ufitanye isano n’imiryango y’abami b’u Bufaransa, Espagne na Autriche

    Imirimbo ya Marie Antoinette yinjijwe muri Autriche muri Werurwe 1791, ubwo habaga impinduramatwara y’u Bufaransa, yasize Marie Antoinette n’umugabo we Umwami Louis XVI bishwe bakaswe umutwe hakoreshejwe imashini izwi nka guillotine mu 1793.

    Sotheby’s ivuga ko nyuma y’imyaka itatu afunzwe mu buryo bw’umwihariko, umwana wabo Marie-Thérèse ari nawe gusa wari usigaye mu 1796 yagiye i Vienne muri Autriche agasaba gusubizwa imirimbo ya nyina yari yarabitswe na mubyara wa Antoinette wayoboraga ubu bwami.

  • Danemark yahagarikiye Tanzaniya inkunga kubera urwango ifitiye ababana bahuje ibitsina

    Danemark yahagarikiye Tanzaniya inkunga kubera urwango ifitiye ababana bahuje ibitsina

    Ubuyobozi muri Danemark bwavuze ko icyo gihugu cyahagaritse imfashanyo ya miliyoni 9.8 z’amadolari yari agenewe igihugu cya Tanzaniya nyuma yaho umutegetsi ukomeye atangaje mu izina rya Leta  amagambo y’urwango ashingiye ku guhiga bukware ababana bahuje ibitsina”.

    Minisitiri  ushinzwe  iterambere Ulla Tornaes ntiyavuze uwo muyobozi uwo ari we, ariko yavuze ko  atewe umutima uhagaze n’ibyavuzwe.

    Mu kwezi gushize, Paul Makonda, uyoboye umurwa mukuru w’ubucuruzi  wa Dar Es Salaam, yahamagariye abanyagihugu gutanga amakuru  ku gipolisi ku muntu wese baketse ko ahuza igitsina n’uwo bagihuje.

    Makonda ushyigikiwe cyane na Perezida Magufuri

    Aha Makonda yanavuze ko ashobora kuzashyiraho umutwe ushinzwe  gukurikirana abahuza ibitsina babisangiye.

    Ibi byakurikiwe  no kuba  leta iyobowe na Perezida John Pombe Magufuri  usanzwe yanga urunuka ababana bahuje ibitsina,yarahise yitandukanya n’ibyatangajwe  na Paul Makonda ,ihamya ko yabitangaje nk’ibitekerezo bye ku giti cye, ko atari politike y’igihugu.

    Igihugu cya Danemark ni icya kabiri giha imfashanyo nyinshi igihugu cya Tanzaniya.

    Ikibazo cyo guhiga ababana bahuje ibitsina cyakajijwe umurego  kuva igihe Perezida John Magufuli atorewe kuyobora Tanzaniya  mu 2015.

    Muri iyo nkubiri ni nabwo hafashwe icyemezo cyo gufunga amwe mu mavuriro yashinjwaga kuba  atanga  ubuvuzi kubantu babana bahuje ibitsina  mu mujyi wa Dar es Salam, bityo biba intandaro yo kubaho ubuzima bubi no kuba mu bwihisho hirindwa ingaruka zababaho.

    Itegeko rya Tanzaniya rihanisha  igifungo cy’imyaka 30 umuntu wese ugaragayeho icyaha cyo  guhuza ibitsinda ku babisangiye.

    Minisitiri  ushinzwe  iterambere Ulla Tornaes

     

  • Avigdor Lieberman, minisitiri w’ingabo wa Israel, yeguye ku mirimo ye kubera agahenge ko muri Gaza

    Avigdor Lieberman, minisitiri w’ingabo wa Israel, yeguye ku mirimo ye kubera agahenge ko muri Gaza

    Minisitiri w’ingabo wa Israel yeguye ku mirimo ye nyuma yaho inama y’abaminisitiri yemeje agahenge mu mirwano n’intagondwa zo muri Palestine yari imaze iminsi ibiri ibera muri Gaza.

    Avigdor Lieberman, unakuriye ishyaka rya Yisrael Beiteinu, yamaganye ako gahenge avuga ko ari “ukugamburuzwa n’iterabwoba”.

    Yananenze ibikorwa byo kugerageza kugera ku gahenge k’igihe kirekire n’intagondwa zo mu mutwe wa Hamas.

    Abantu umunani barishwe ku wa mbere no ku wa kabiri muri iki cyumweru ubwo intagondwa zarasaga ibisasu bya roketi 460 byerekezaga muri Israel, na Israel ikohereza ibisasu ahantu 160 muri Gaza.

    Hamas – igenzura igice kinini cya Gaza – n’indi mitwe y’intagondwa yo muri Palestine, ku wa kabiri nyuma ya saa sita yatangaje ko yemeye amasezerano y’agahenge agizwemo uruhare n’igihugu cya Misiri ndetse ivuga ko izayakurikiza Israel nayo niramuka yemeye kuyakurikiza.

    Inama y’umutekano ya Israel ku ikubitiro yari yavuze ko yatanze amategeko ku gisirikare ngo gikomeze ibikorwa byacyo nkuko bisanzwe, ariko Bwana Lieberman n’undi muminisitiri babaye nk’abemeza ko Israel yemeye agahenge mu gihe bo bavuga ko batagashyigikiye.

    Kuri uyu wa gatatu, aka gahenge kubahirijwe ahantu henshi ndetse amashuri n’ibikorwa by’ubucuruzi mu majyepfo ya Israel byongeye gufungura imiryango kuko nta bisasu bya roketi byatewe mu ijoro ryacyeye.

    Ariko igisirikare cya Israel cyavuze ko cyarashe ndetse kigata muri yombi umugabo wo muri Palestine wageragezaga kurenga uruzitiro rwo ku mupaka wa Israel na Gaza atera ibisasu bya gerenade.

    Hagati aho, abaturage babarirwa mu macumi bo ku mupaka wa Israel bafunze imihanda binubira icyo bavuga ko ari “kutagira icyo leta ya Israel ikora” ku nkeke zitewe n’ibisasu bya roketi biva muri Palestine.

    Benjamin Netanyahu, minisitiri w’intebe wa Israel, yashyigikiye icyo cyemezo cy’agahenge, avuga ko “mu bihe bidasanzwe, iyo hafatwa ibyemezo by’ingenzi bijyanye n’umutekano, rubanda ntabwo iteka ishobora kubwirwa ibiri kugenderwaho bigomba guhishwa umwanzi”.

    Muri Gaza, abantu bishimiye aka gahenge, Hamas ikaba igafata nk’intsinzi.

    Ubu bushyamirane buheruka bwatangiye ubwo igikorwa cyo mu ibanga cyo muri Gaza cy’abasirikare kabuhariwe ba Israel cyatahurwaga ku cyumweru, hagahita haduka imirwano yaguyemo intagondwa zirindwi zo muri Palestine n’umusirikare umwe wa Israel.

  • CNN yareze Trump wahohoteye umunyamakuru wayo akamwambura uburenganzira bwo kwinjira muri White House

    CNN yareze Trump wahohoteye umunyamakuru wayo akamwambura uburenganzira bwo kwinjira muri White House

    Televiziyo ikomeye ya CNN yajyanye mu nkiko Perezida wa USA,Donald Trump n’abandi bakozi ba Perezidansi  kubera kujujubya umunyamakuru wayo akaba n’umuyobozi wayo,Jim Acosta, bakamwambura ibyangomba byo gutara amakuru muri iyi perezidansi.

    Uyu munyamakuru witwa Jim Acosta yahuye n’uruva gusenya ubwo yinjiraga muri White House mu cyumweru gishize agiye mu nama ya perezida n’itangazamakuru,agasohorwa nabi byatumye iki gitangazamakuru gihaguruka kirega perezida Trump n’abakozi be kibashinja kwica itegeko nshinga rya USA.

    CNN yashwanye na Trump ubwo yari amaze gutorerwa kuyobora Amerika, kuri uyu wa Kabiri, CNN yajyanye ikirego cyayo mu rukiko i Washinton DC, irega perezida Trump kubangamira ubwisanzure bw’itangazamakuru kandi mu itegeko nshinga rya USA harimo ingingo yemerera abanyamakuru gutara amakuru ahantu hose nta mbogamizi.

    Mu itangazo CNN yashyize hanze,yavuze ko iyi myitwarire ya Trump yo guhagarika umunyamakuru Acosta ari ikibazo kuri demokarasi.

    Trump yabwiye Acosta ko we na CNN ari abanzi b’abaturage kubera ko ari inzobere mu gutangaza ibihuha bibatesha umutwe.

    Uretse Donald Trump,CNN yareze kandi John Kelly ushinzwe abakozi muri White House, Ushinzwe itangazamakuru Sarah Sanders, Umuyobozi wungirije ushinzwe itumanaho Bill Shine, Umuyobozi w’Urwego rw’ubutasi muri Whitehouse, Randolph Alles n’umwe mu bakozi b’urwego rw’ubutasi wambuye ibyangombwa Acosta.

    Byemejwe ko urukiko rwa Washington DC ruzumva uru rubanza kuri uyu wa Gatatu taliki ya 14 Ugushyingo 2018.

  • Abasirikare bakuru muri Ethiopa 63 batawe muri yombi

    Abasirikare bakuru muri Ethiopa 63 batawe muri yombi

    Intumwa nkuru ya Leta ya Ethiopia yatangaje ko iki gihugu cyataye muri yombi abasirikare bakuru 63 barimo n’ abatasi ndetse n’abaherwe banwe na bamwe bishoye mu bikorwa leta ivuga ko bigayitse.

    Berhanu Tsegaye yabitangaje kuri uyu wa Mbere tariki 12 Ugushyingo, avuga ko aba basirikare bakurikiranyweho no kubangamira uburenganzira bwa muntu.

    Yagize ati “26 bafashwe kubera ruswa, 36 bafatwa kubera kubangamira uburenganzira bwa muntu”

    Ibi bibaho gake cyane. Abasesenguzi bavuze ko ari Minisitiri w’ Intebe w’ impinduramatwara Abiy Ahmed arimo gukuraho ubutegetsi bw’ igitugu bwari bwarimitswe.

    Berhanu ntawe yigeze avuga izina mu batawe muri yombi gusa yavuze ko bamwe muri bob amaze kugezwa imbere y’ urukiko.

    Iyi ruswa ishingiye ku kuba abakekwa barakoranye n’ ikigo gikora iby’ ikoranabuhanga ubucuruzi butanyuze mu nzira ziteganywa n’ amategeko bakagura ibikoresho bya miliyari 2 z’ amadorali y’ Amerika nk’ uko The eastafrican yabitangaje.

    Abakurikiranyweho kubangamira ikiremwamuntu barimo abasambanyije ab’ igitsina gore ku gahato, abasambanyije abo bahuje ibitsina, abashyize abantu ku bukonje cyangwa ubushyuhe bwinshi n’ ibindi.

    Berhanu yanavuze ko gerenade iherutse guturika igambiriye kwica Minisitiri w’ Intebe Abiy igahitana abantu babiri umwe mu bashinzwe ubutasi abifitemo uruhare.

  • Uganda: Abanyeshuri 11 bishwe n’inkongi yibase ibyumba bararamo

    Uganda: Abanyeshuri 11 bishwe n’inkongi yibase ibyumba bararamo

    Abanyeshuri b’abahungu 11 bapfuye abandi 20 bakomeretswa bikomeye n’inkongi yibasiye ibyumba bararamo, mu ijoro ryo ku cyumweru rishyira ku wa Mbere tariki ya 12 Ugushyingo 2018.

    Iyi nkongi yibasiye ibyumba biraramo abanyeshuri mu ishuri ry’abahungu rya St Bernard de Rakai riri hafi y’umupaka uhuza Uganda na Tanzania nk’uko ibiro ntaramakuru by’Abafaransa (AFP) byabitangarijwe n’umukuru wa Polisi muri aka gace, Ben Nuwamanya.

    Uyu muvugizi wa Polisi yagize ati “Abanyeshuri 20 ni indembe bari mu bitaro bafite ibikomere bikabije by’ubushye, ariko abaganga bavuze ko bamwe bashobora koroherwa.’’

    Umuyobozi w’ishuri rya St Bernard de Rakai, Henry Nsubuga, yavuze ko bamwe mu banyeshuri biga muri iki kigo bashobora kuba ari nyirabayazana w’iyi nkongi.

    Yakomeje avuga ko abakekwa babanje gufunga imiryango yinjira aho abanyeshuri baryama mbere yo kuhashumika. Abaje gukora ibikorwa by’ubutabazi ngo bagowe no gufungura inzugi bakaba bagezemo basanga bamwe mu banyeshuri bitabye Imana kubera kubura umwuka.

    Abishwe n’umuriro ngo biragoye ko bamenyekana kuko imibiri yabo yangiritse cyane, polisi ikaba yavuze ko izitabaza ikizamini cya ADN kugira ngo bamenyekane.

    Polisi yatangaje ko ikomeje gukora iperereza ku batwitse iri shuri kandi ko imaze guta muri yombi abagera kuri batatu.

    Uyu muriro wadutse mu ishuri rya Rakai

     

  • RDC: Abayoboke ba Tshisekedi na Kamerhe babagamburuje

    RDC: Abayoboke ba Tshisekedi na Kamerhe babagamburuje

    Umuyobozi w’Ishyaka UDPS ritavuga rumwe na Leta ya Congo, Etienne Tshisekedi, hamwe na Vital Kamerhe uyobora UNC bikuye mu masezerano ashyiraho umukandida umwe uzahagararia abatavuga rumwe na Leta mu matora ya Perezida.

    Mu Cyumweru gishize nibwo abayobozi b’amashyaka atavuga rumwe na Leta bahuriye i Genève, bemeza Martin Fayulu nk’uzabahagarira mu matora ya Perezida mu Ukuboza uyu mwaka.

    Nubwo bari bamaze guhitamo Fayulu, abarwanashyaka ba UDPS n’aba Kamerhe bavuze ko badashobora kuzajya inyuma y’uwo mukandida, mu gihe atari we bahisemo ngo abahagararire.

    Kuri uyu wa Mbere tariki 12 Ugushyingo, Tshisekedi yatangarije Radio Top Congo ko yikuye mu masezerano kubera ko abarwanashyaka be batabishaka.

    Yagize ati “Sinshobora gukora ibihabanye n’ibyabantoye. Ibyo byaba ari nko gusinyira urupfu rw’umwuga wanjye wa politiki.”

    Ibyabaye kuri Tshisekedi ni kimwe n’ibya Vital Kamerhe, Umuyobozi w’Ishyaka UNC riharanira ubumwe bwa Congo.

    Itangazo ryemeza Fayulu nk’uzahagararira abatavuga rumwe na Leta rikimara gusohoka ku Cyumweru tariki 11 Ugushyingo, abayoboke ba UNC bagiye mu mihanda basaba umuyobozi wabo kwivana muri ayo masezerano.

    Kamerhe yabwiye Radio Top Congo ati “Icyerecyezo cya Politiki yanjye kintegeka kugendera ku busabe bw’abaturage […] Niyo mpamvu ntangaje ko nivanye mu masezerano ngo nubahe ubushake bw’abaturage. Badahari, nakabaye ndi njye nyine ntari no mu ishyaka.”

    Icyakora bamwe mu bashyize umukono kuri ayo masezerano barimo Freddy Matungulu na Adolphe Muzito wahoze ari Minisitiri w’Intebe batangaje ko bagishyigikiye Fayulu nkuko Jeune Afrique yabitangaje.

     

  • Birds On A Wire®

    Birds On A Wire®

    The wild card on this pokie solely awards a win on its own when in a mixture of 5 symbols. The wild symbol may be present in each the bottom sport and freebies. Birds on a Wire on-line slot is a novel tackle ordinary pokie design by the online gaming software developer Thunderkick. The slot game’s inspiration is drawn from the on a regular basis act of birds sitting on phone cables. This behavior could be noticed nearly anyplace, which makes it a relatable factor of everyday life to characteristic in a pokie. ,

    They have glowing purple eyes, a reasonably long beak and a small antenna on high of their heads. The Parrot will be ‘it’ and should keep on the centre line. When given the signal the Budgies will attempt to fly previous the Parrot to the opposite aspect of the room. The Parrot will attempt to tag the Budgies as they fly by however must stay on the road. If a Budgie is tagged he/she turns into a Parrot and joins the other Parrot on the road. The last Budgie remaining will begin the subsequent spherical as the Parrot.

    This slot strategy doesn’t leave any room for the appliance of ability. When one thinks of a slot game created on 14 April 2014 as flashy and realistic 3D imaging comes to mind for most individuals. However, that isn’t the case with Birds on a Wire. The game seems like something a seven-year-old artwork enthusiast drew of their bedroom. Even though this seems like something that may knock off points for the slot machine, it does the full opposite.

  • RDC: Fayulu yemejwe nk’uzahagararira abatavuga rumwe na leta mu matora ya Perezida

    RDC: Fayulu yemejwe nk’uzahagararira abatavuga rumwe na leta mu matora ya Perezida

    Amashyaka arindwi atavuga rumwe na leta muri Repubulika Iharanira Demokarasi ya Congo, yemeje ko Martin Fayulu ari we mukandida rukumbi uzayahararira mu matora ya Perezida.

    Fayulu usanzwe ari umudepite mu Nteko Ishinga Amategeko ya RDC azahangana na Emmanuel Ramazani Shadary watanzwe na Perezida Joseph Kabila.

    Uyu mukandida watunguranye cyane ugereranyije n’ibikomerezwa nka Félix Tshisekedi na Vital Kamerhe bari muri ariya mashyaka, yemejwe nyuma y’ibiganiro by’iminsi itatu byayobowe n’Umuryango witiriwe Kofi Annan.

    Radio Mpuzamahanga y’Abafaransa, RFI ivuga ko nubwo Fayulu w’imyaka 61 asa n’uwatunguranye, yagiye agaragara kenshi mu bikorwa bigaragaza kudashyigikira Kabila birimo imyigaragambyo yabaye mu 2015 na 2016.

    Ubwo amakuru yamaraga gusakara ko ariwe uzahangana na Shadary, bamwe mu bayoboke b’ishyaka UDPS rya Tshisekedi na UNC ya Kamerhe ntibiyumvishaga uburyo yabashije kubahigika.

    Jean Pierre Bemba wigeze kuba Visi Perezida wa RDC, yavuze ko bamuhisemo babona abikwiye bityo abayobozi b’amashyaka bafite inshingano yo kubyumvisha abarwanashyaka babo.

    Tshisekedi nawe yavuze ko nubwo bizagorana kubyumvisha abayoboke ba UDPS, kuba Fayulu yatoranyijwe ari ibyo kwishimira kuko aribwo bwa mbere abatavuga rumwe na leta bateye intambwe bakunga ubumwe.
    Ku ruhande rwe, Fayulu yavuze ko ashimira Imana n’abayobozi b’amashyaka atavuga rumwe na leta bamugiriye icyizere.

    Ati “Njye ndi umuvugizi, umuvugizi w’urugamba rwacu rwo guharanira ubwigenge. Abaturage ba Congo bakeneye abayobozi bazitorera bo ubwabo.”

    Nyuma yo kwemeza umukandida umwe, abatavuga rumwe na leta bahamya ko ari itangiriro y’urugamba rugamije kugera ku matora akozwe mu mahoro no mu mucyo, hatabayeho gukoresha imashini zibara amajwi zikomeje kwamaganwa.

    Amatora ya Perezida muri RDC ateganyijwe ku wa 23 Ukuboza 2018.

  • Tanzania yasabwe gufungura abantu 10 yafunze ibashinja kubana bahuje ibitsina

    Tanzania yasabwe gufungura abantu 10 yafunze ibashinja kubana bahuje ibitsina

    Umuryango mpuzamahanga wita ku burenganzira bwa muntu (Amnesty International) wasabye Leta ya Tanzania gufungura abantu 10 bataye muri yombi na polisi bashinjwa kubana bahuje ibitsina bagafungirwa i Pongwe Beach.

    Aba batawe muri yombi ku wa Gatandatu w’icyumweru gishize bari bitabiriye ubukwe bwa mugenzi wabo bwabereye ku kirwa cya Zanzibar.

    The Washington Post ivuga ko inzego zishinzwe umutekano zabaguye gitumo muri ibyo birori kubera amakuru yatanzwe n’abaturage. Uretse 10 batawe muri yombi, abandi bagabo batandatu bari muri ubwo bukwe bahise bacika inzego z’umutekano.

    Umuyobozi wungirije wa Amnesty muri Afurika y’Iburasirazuba no mu biyaga bigari, Seif Magango, yavuze ko ari ikintu kibabaje nyuma y’uko Guverinoma yijeje ko ntawe uzatabwa muri yombi ku mpamvu zerekeye gukora imibonano mpuzabitsina.

    Yagize ati “Dufite ubwoba ko aba bagabo bashobora guhatirwa gupimwa mu kibuno, uburyo Guverinoma yahisemo gukoresha mu guhinyuza ko abagabo badakorana ibijyanye noguhuza  ibitsina. Ibi ntabwo bikwiye kubaho, aba bagabo bagomba guhita barekurwa.”

    Abatawe muri yombi ngo bafungiye kuri sitasiyo ya polisi yo mu gace bakoreragamo ibirori kandi ngo nta cyaha na kimwe bashinjwa.

    Imiryango iharanira uburenganzira bwa muntu ikomeje kotsa igitutu Guverinoma ya Tanzania, kubera icyemezo cyafashwe na Guverineri wa Dar es Salaam, Paul Makonda, cyo gutangira guhiga ababana bahuje ibitsina.

    Human rights Watch nayo yagaragaje impungenge ku buryo Tanzania ikoresha mu gupima abagabo mu kibuno ngo irebe ko bataryamana.

    Nyuma y’ibyatangajwe na Makonda, ishami ry’Umuryango w’abibumbye ryita ku burenganzira bwa muntu, ryavuze ko ibi bimeze nk’ibyigeze kubaho byo guhiga abarozi kandi bishobora gufatwa nk’ihohoterwa, ivangura n’ibindi bikorwa bibi byibasira ababana bahuje ibitsina.

    Nyuma y’inkuru yo guta muri yombi ababana bahuje ibitsina itarakiriwe neza mu ruhando mpuzamahanga, Minisiteri y’Ububanyi n’Amahanga ya Tanzania, yavuze ko yitandukanyije n’ibyavuzwe n’uyu muyobozi igaragaza ko atari umugambi wa Leta ahubwo ari uwe kugiti cye.