Blog

Babishingira ku mabaruwa Perezida Museveni na Perezida Nkurunziza baherutse kwandikirana.

BBC yavuze ko mu kiganiro iyi miryango yagiranye n’abanyamakuru tariki ya 3 Mutarama 2019, Hamza Burikukiye, Umuyobozi w’Ishyirahamwe ry’abafite agakoko gatera virusi itera SIDA (CAPES+), rimwe  mu yandikiye Museveni, yavuze ko bagiye gushaka umuti w’ibibazo biri mu gihugu cyabo kuko ngo umuhuza Museveni abogamiye ku ruhande rumwe.

Ati “Mu byo umuhuza yanditse harimo bimwe byiza nk’aho avuga ko mu Burundi hakenewe ituze. Ariko hari byinshi yanditse byerekana ko ahengamiye ku batavuga rumwe na leta y’u Burundi. Ibyo si byiza, murebye neza hari na bimwe yanditse ku mateka yo mu bihe byashize ayacuritse, turamusaba kwitwara nk’umuhuza akirinda kugira uruhande abogamiraho kugira ngo ibibazo biri mu Burundi bibonerwe igisubizo nta kubogama”.

Mu ntangiriro z’Ugushyingo 2018, Leta y’u Burundi yikuye mu biganiro biyihuza n’abatavuga rumwe nayo.

Mu mpera z’uko kwezi kandi u Burundi ntibwabonetse no mu nama y’abakuru b’ibihugu bigize Umuryango w’Afurika y’Iburasirazuba ‘EAC’ inama ikaba yaragombaga kwiga ku kibazo cyabwo. Kubura k’u Burundi bikaba byaratumye iyi nama isubikwa.

Nyuma y’aho Perezida Petero Nkurunziza yahise yandikira Perezida Museveni, amusaba gutumiza inama y’abakuru b’ibihugu bya Afurika y’Iburasirazuba, EAC, ngo haganirwe ku bibazo biri mu mubano w’u Burundi n’u Rwanda.

Muri urwo rwandiko rurerure Perezida Nkurunziza yandikiye Museveni, ashinja u Rwanda kuba inyuma y’ibibazo biri mu Burundi, akavuga ko u Rwanda rwirengagije ingingo ya 6 y’amasezerano ya EAC.

Mu gusubiza Nkurunziza, Museveni yavuze ko atumva igituma ubutegetsi bw’i Bujumbura bwanga kwicarana n’abo batavuga rumwe.

Umuyobozi w’Inama Nkuru y’Abepisikopi muri RDC, Padiri Donatien Nshole Babula, yavuze ko imibare bafite iva aho amatora yakorewe, igaragaza uwatsinze amatora y’umukuru w’igihugu gusa ntibagaragaza izina rye.

Padiri Nshole yavuze ko hakwiye gutangwa ibyavuye mu matora, kugira ngo hagaragare ukuri n’ubutabera.

Ibinyamakuru birimo Jeune Afrique na SABC News, byavuze ko Kiliziya Gatolika isanzwe ifite ijambo rikomeye muri iki gihugu yatangaje ko mu gihe cy’amatora, yari ifite indorerezi ibihumbi 40 mu gihugu cyose, zagenzuraga uko amatora yakozwe tariki ya 30 Ukuboza 2018.

Kiliziya Gatolika ivuze ibi nyuma gusa y’amasaha make Perezida wa Komisiyo y’Amatora, avuze ko kubera ibibazo byavutse mu gushyira hamwe amajwi, gutangaza by’agateganyo ibyayavuyemo byagombaga kuba kuri iki cyumweru, bishobora gukererwa.

Hagati aho kandi Umuvugizi wa Guverinoma, Lambert Mende, yihanangirije itangazamakuru mpuzamahanga arisaba kudatangaza ibyavuye mu matora, kuko ngo aka kazi gafitwe na Komisiyo y’Amatora (CENI) gusa.

Kuri uyu wa Gatatu ni nabwo Mende yatangaje ko umurongo wa Radio Mpuzamahanga y’Abafaransa (RFI), yumvikaniragaho muri iki gihugu ufunzwe ndetse uwari uyihagarariye i Kinshasa yambuwe ibyangombwa.

Kwambura ibyangombwa Florence Morice ngo byatewe no kutubahiriza itegeko rigenga amatora ndetse n’amahame ngengamyitwarire agenga abanyamakuru b’abanyamahanga batara inkuru z’amatora.

Ubuyobozi bwa RDC kandi bushinja RFI gukwiza umwuka mubi mu baturage bategereje ibizava mu matora by’agateganyo.

Mende yagize ati “Ntabwo tuzemera ko radio ishyira peteroli mu kibatsi cy’umuriro mu gihe dutegereje ko ibyavuye mu matora by’agateganyo bitangazwa”.

Mende yavuze ko RFI yatangazaga ibyavuye mu matora n’uko bihagaze kandi kubarura amajwi bitararangira. Yavuze ko Perezida wa Komisiyo y’Amatora ari we ufite uburenganzira bwo gutangaza ibyayavuyemo.

Bamwe mu bakandida bahabwa amahirwe barimo Emmanuel Ramazani Shadary watanzwe na Perezida Joseph Kabila, Martin Fayulu na Felix Tshisekedi batavuga rumwe na leta.

Ibi biganiro bigiye kuba mu gihe iki Cyumweru kitagendekeye neza Amerika, ahagaragaye ibihombo ku masoko atandukanye ahanini kubera ubwoba.

Umwaka ushize waranzwe n’ibibazo mu bucuruzi hagati y’ibi bihugu, aho byombi byongereye imisoro y’ibicuruzwa bituruka hamwe bijya ahandi bifite agaciro k’asaga miliyari 300 z’amadolari.

BBC ivuga ko iyi ariyo nama ya mbere igiye kuba kuva ibihugu byakwemeranya kutagira ibicuruzwa byongera kuzamurirwa imisoro mu gihe cy’iminsi 90.

Tariki ya 1 Ukuboza nibwo Perezida wa Leta Zunze Ubumwe za Amerika, Donald Trump na Xi Jinping w’u Bushinwa bumvikanye ku kuba bahagaritse kongera imisoro; bari mu nama ya G20 yabereye muri Argentine.

Urubuga rwa Minisiteri y’Ubucuruzi y’u Bushinwa ruvuga ko intego ya biriya biganiro biteganyijwe tariki ya 7-8 Mutarama 2019, ari ukurebera hamwe ishyirwa mu bikorwa ry’ibyumvikanyweho n’abakuru b’ibihugu byombi.

Itsinda ry’Abanyamerika rizaba riyoboye n’Umuyobozi wungirije ushinzwe ubucuruzi, Jeffrey Gerrish.

Intambara y’ubucurizi hagati y’u Bushinwa na Amerika yatangiye nyuma y’uko Perezida Trump ashinje kiriya gihugu gushyira imbere inyungu zacyo gusa, bigatuma Abanyamerika baharenganira.

Umuvugizi wa Guverinoma ya RDC, Lambert Mende, yatangaje ko kwambura ibyangombwa Florence Morice, byatewe no kutubahiriza itegeko rigenga amatora ndetse n’amahame ngengamyitwarire agenga abanyamakuru b’abanyamahanga batara inkuru z’amatora.

Ubuyobozi bwa RDC kandi bushinja RFI, gukwiza umwuka mubi mu baturage bategereje ibizava mu matora by’agateganyo.

Mende yagize ati “Ntabwo tuzemera ko radio ishyira peteroli mu kibatsi cy’umuriro mu gihe dutegereje ko ibyavuye mu matora by’agateganyo bitangazwa”.

RFI ifite abantu benshi bayumva muri RDC, ituwe n’ababarirwa muri miliyoni 80 bakoresha cyane Igifaransa.

Mende yavuze ko RFI yatangazaga ibyavuye mu matora n’uko bihagaze kandi kubarura amajwi bitararangira. Yavuze ko Perezida wa Komisiyo y’amatora ari we ufite uburenganzira bwo gutangaza ibyavuye mu matora.

Iyi radio yasohoye itangazo ivuga ko ishyigikiye umunyamakuru wayo kuko akora kinyamwuga ndetse ko ibyo itangaza byujuje amahame y’itangazamakuru. Gusa yasabye ubuyobozi guhindura icyemezo cyo kwambura umunyamakuru wayo ibyangombwa.

RFI yatangaje ko ibiganiro byayo byafunzwe guhera kuwa Mbere nimugoroba.

Itangazo ryashyizwe ahagaragara na Minisiteri y’Ububanyi n’Amahanga ya Somalia, kuri uyu wa Kabiri ryavuze ko Nicholas Haysom, watorewe guhagararira Umunyamabanga Mukuru wa Loni muri iki gihugu muri Nzeri 2018, adakenewe kandi adashobora kuhakorera bityo agomba kuhava.

Somalia ifashe iki cyemezo nyuma yaho Nicholas Haysom, ukomoka muri Afurika y’Epfo, arenze ku myitwarire igenga Umuryango w’Abibumbye muri Somalia.

Tariki ya 30 Ukuboza 2018, Haysom yandikiye Minisitiri w’Umutekano muri Somalia, ashinja ingabo zifashwa na Loni muri iki gihugu guta muri yombi uwitwa Mukhtar Robow, mu buryo ngo bunyuranije n’amategeko, no kuba mu matariki atandukanye izi ngabo zaragiye zica abaturage.

Mukhtar Robow watawe muri yombi, yari umuyoboke wa al Shabaab, gusa yari yarayivuyemo mu mwaka wa 2017.

Mu kwezi gushize, Robow yagerageje kwiyamamaza kuyobora Intara ya Baidoa ariko akomwa mu nkokora na leta, ahita anatabwa muri yombi.

Minisiteri y’Umutekano yavuze ko guta muri yombi Mukhtar Robow, byatewe n’uko yari yarakomeje kwinjiza abantu mu mutwe wa al Shabaab, no kuzana intwaro agamije guhungabanya umutekano w’igihugu.

Nyuma yo kumuta muri yombi, abamushyigikiye bashyamiranye n’ingabo za leta n’iza Ethiopia ziri muri iki gihugu, bamwe mu baturage bahasiga ubuzima nk’uko ibiro ntaramakuru by’Abongereza, Reuters bibitangaza.

Mu rwandiko Haysom uhagarariye Loni yandikiye Minisitiri w’Umutekano, yamusabye gusobanura uko uyu muyobozi wo muri Al Shabaab yatawe muri yombi, anamusaba kuvuga uko harimo gukorwa iperereza kuri aba bantu bishwe mu gihe cy’imyigaragambyo.

Muri uru rwandiko Haysom yanditse, yometseho urundi rwasinyweho n’ibihugu birimo ibyo mu Muryango w’Ubumwe bw’u Burayi, u Budage n’u Bwongereza, bivuga nabyo ko byabaye bihagaritse amafaranga byahaga Polisi yo mu Burengerazuba bwa Somalia, kubera ngo imyitwarire itari myiza mu matora yahakozwe mu kwezi gushize muri Baidoa.

Kandi turishimira ibyiza twagezeho muri uyu mwaka dusoje. U Rwanda rwatanze umusanzu warwo mu gusigasira ubumwe bwa Afurika. Ubukungu bwacu bukomeje gukura, ahanini bishingiye ku bumwe n’ubufatanye bw’Abanyarwanda. Imiyoborere n’imibanire nabyo bikomeje gutera imbere.

No mu bindi, nk’imikino, Abanyarwanda berekanye ubushobozi, bitwara neza ku rwego mpuzamahanga, cyane cyane mu gusiganwa ku magare. Kubera ubumwe twubatse n’ubumenyi bw’Abanyarwanda, Igihugu cyacu kirakomeye kandi gifite umutekano uhamye. Ni nako bizahora.

Umubano wacu n’ibihugu by’Afurika umeze neza. Ariko haracyari ibibazo duterwa na bimwe mu bihugu duturanye. Bamwe mu baturanyi bacu bakomeje kugerageza gufasha kuzanzamura imitwe igamije guhungabanya umutekano w’u Rwanda, nka FDLR, RNC n’abandi.

Ibi bibangamira ibikorwa byiza ubundi bisanzwe biranga Umuryango wa Afurika y’Uburasirazuba n’umutekano w’aka karere muri rusange. Imyifatire ya kimwe muri ibyo bihugu ntidutangaza. Ahubwo dutangazwa n’icyo gihugu kindi aho ibimenyetso dufite, nabo bagomba kuba bafite, byerekana ko bafatanya ku mugaragaro, nubwo babihakana mu ruhame.

Iki kibazo turakomeza kukiganira n’abaturanyi bacu mu rwego rw’mikoranire n’imibanire myiza y’ibihugu bya Afurika. Nkaba ngira ngo nsabe Abanyarwanda gukomeza gukora imirimo yabo, ntibarangare.

Uyu mwaka watubereye mwiza kandi w’uburumbuke. Ariko muri ibyo byose, haracyari abafite intege nke bakeneye ubufasha bwacu. N’ubundi gufatanya no gutera inkunga abatishoboye, bisanzwe mu muco wacu.

Njye n’umuryango wanjye tubifurije mwese n’imiryango yanyu Umwaka Mushya Muhire wa 2019.

Mukomeze kwizihirwa bitarenze urugero, murinda ubuzima bwanyu n’ubw’abagenzi banyu.

Imana ibahe umugisha.

Ni ku nshuro ya mbere ijwi rya Bongo ryongeye kumvikana nyuma yo kujyanwa mu bitaro by’i Riyadh muri Arabie Saoudite tariki 24 Ukwakira 2018, ubwo yagiraga ikibazo cy’udutsi two mu bwonko.

Bongo yavuze ko amezi abiri ashize yanyuze mu bihe bigoye nk’uko bisanzwe mu buzima.

Guhera mu mpera z’Ugushyingo, Bongo ari muri Maroc hanze y’ibitaro, aho akurikiranwa kugira ngo atore agatege.

Ageza ijambo ku baturage, gufunga amaso byasaga n’ibiri kumugora, avuga gahoro kandi amaboko ye n’umutwe we binyeganyega gake gake.

Yagize ati “Nkuko mubibona, meze neza kandi ndi kwitegura kubasanga vuba cyane.”

Umuvugizi wa Perezida, Ike Ngouoni yavuze ko ijambo rya Bongo ari igihamya ko arimo koroherwa, nk’uko VOA yabitangaje.

Mu gihe cy’amezi abiri amaze arwaye, ifoto imwe n’amashusho atagira ijwi bya Bongo nibyo byatangajwe mu binyamakuru no ku mbuga nkoranyambaga.

Ayo mashusho ntabwo yabashije kuvana mu rujijo abaturage ba Gabon, bashidikanyaga ku bushobozi Bongo yaba afite bwo gukomeza kuyobora igihugu.

Abatavuga rumwe na Leta hamwe na Sosiyete Sivile bari batangiye gusaba Urukiko rurinda Itegeko Nshinga gutangaza ko Perezida atagishoboye kuyobora kugira ngo asimbuzwe.

Icyakora, urukiko siko rwabigenje ahubwo ububasha bwa Perezida rwabuhaye by’agateganyo Minisitiri w’Intebe n’umwungirije.