Nyuma y’igihe urubyiruko n’abahanzi bagaragaza ubusabe bwo koroherezwa kubona serivisi z’imari, Minisiteri y’Urubyiruko ku bufatanye na BRD batangaje ko ibi byiciro byombi bizajya bihabwa inguzanyo batanze ingwate ifite agaciro ka 10% by’inguzanyo bahawe, bakayungukira 9%.
Ministeri y’Urubyiruko n’Iterambere ry’Ubuhanzi (MoYA) ku bufatanye na BRD, yamenyesheje urubyiruko n’abahanzi ko Leta yabashyiriyeho ikigega kibafasha kugera kuri serivisi z’imari ku buryo buboroheye.
Ni cyo gihe cyibukwa cyane mu mwuga w’itangazamakuru wa Sir David Attenborough. Ni igice gito cyerekana uburyo yahuye n’itsinda ry’ingagi zo mu misozi zikinira mu ishyamba riri mu Rwanda.
Agira ati: “Hari ubusobanuro bwinshi n’ukumvikana hagati yacu iyo duhuje amaso n’ingagi kurusha indi nyamaswa iyo ari yo yose nzi,” abivugira kuri camera, mu gihe ingagi y’ingore imwitegereza imwegereye cyane.
Amashusho y’ikiganiro cye cyo mu 1979 cyitwa Life on Earth ntabwo yatunguranye gusa, ahubwo yanagaragaje ukuri kwimbitse ku isano ikomeye dufitanye n’ibinyabuzima byo mu bidukikije.
Mu gihe Sir David asatira imyaka 100 azuzuza ku itariki ya 8 z’ukwezi kwa 5, yagaragaye muri filmi mbarankuru ebyiri zisubiza amaso inyuma kuri uko guhura kutibagirana no ku nkuru y’ibyabaye kuri uwo muryango w’ingagi zo mu birunga nyuma yaho.
Mu gukora Life on Earth: Uru rugendo rudasanzwe rwa Attenborough rugaruka ku wa 9 Mutarama(1) 1978, umunsi Attenborough n’itsinda rye bageze mu misozi y’Ibirunga.
Bari bagamije kwerekana cyari cyoroshye – igikumwe cy’ingagi.
Attenborough yashakaga gusobanura uko gukura kw’ibikumwe n’intoki byafashije inyamaswa zo mu bwoko bw’abantu (apes) gufata ibikoresho. Ni yo yari inkuru.
Kubera iyo ntego, itsinda ryazamutse umusozi uhanamye wa metero 3,000 kugira ngo babashe kubona n’akanya gato ingagi zo mu misozi zari zisigaye ari nke cyane.
Abari mu itsinda bari bafite impungenge.
Guhiga inyamaswa no kuzishimuta kugira ngo zijyanwe mu nzu zorererwamo inyamaswa (zoo) cyangwa kuzica gusa byari byaragabanyije cyane umubare w’ingagi zo mu misozi, ku buryo zari hafi gushira. Mu birunga zari zisigaye zitageze kuri 285.
Inzira yabo rukumbi yari ukwizera no kugirana umubano n’umuntu umwe uziga akazimenya aho mu misozi – impuguke y’Umunyamerika ku ngagi, Dian Fossey, washinze ikigo cy’ubushakashatsi cya Karisoke muri Pariki y’Ibirunga mu Rwanda.
Yamenyekanye cyane mu 1970 ubwo yagaragaraga ku rupapuro rwa mbere rw’ikinyamakuru National Geographic, ariko Attenborough yari afite gushidikanya ko yazemera ko itsinda rya filimi ryegera ingagi ze.
Ingagi nto z’impfubyi, Coco na Pucker, zifashe cyane Dian Fossey mu 1969
Ariko nyuma y’ibyumweru bike bamwoherereje ibaruwa isaba, yabasubije abemerera kuza.
Ati: “Nta buryo twari bwegere ingagi tudafashijwe na Dian.”
“Ni we watweretse uriya muryango kandi anatwigisha uko twitwara turi kumwe na zo. Ntugomba guhanga amaso ingagi kuko ibyo bishobora kuzitera uburakari. Ugomba kureba hasi kandi ukavuga amajwi ameze nk’ayo zo zikoresha.”
Izi nama ni zo zatumye itsinda ribasha kwegera ingagi kurusha uko bari babyiteze.
Poppy na Pablo
Igihe bari bamaze kwisanga hagati mu muryango w’ingagi, itsinda ryiteguye ko Attenborough agira icyo avugira kuri camera. Ariko imwe mu ngagi nto, Poppy, yatangiye kugerageza kumukuramo inkweto.
Indi ngagi y’icyana ifite amatsiko, Pablo y’imyaka itatu, yaraje imuryama hejuru ayikorakora ku mutwe, mu gihe indi ngagi y’ingore ntoya yamuhindukije umutwe, imurebe mu maso, nyuma ishyira urutoki mu kanwa ke (Attenborough) inasohora amajwi nk’imuvugisha.
Ati: “Nagerageje gusubiza uko nshoboye.”
Abafata amashusho bari bategereje. Ibi byo gukina n’ingagi si byo bari bagiye gufata amashusho, ndetse ibikoresho byo gufatiraho byari bicye, ntibashakaga kubipfusha ubusa bafata uwari uyoboye igikorwa ari kuzenguruka hasi akinana na Pablo na Poppy.
Nk’umunota umwe cyangwa ibiri y’iyo mikino niyo bafashe. Birumvikana ko Attenborough we yari aho yikinira yishimye cyane.
Ati: “Byari kimwe mu bihe by’agaciro gakomeye mu buzima bwanjye…
“[N’ubu] Ndanabirota. Ni kimwe mu byiza cyane umuntu ushishikajwe n’ibidukikije ashobora kwifuza kubona”.
Akariza ni umwuzukuru wa Poppy, ubu nawe afite umwana we
Mu gihe bari bamaze kumanuka ku musozi bagatangira kugenda n’imodoka, ibintu byatangiye kugenda nabi. Bumvise urusaku rw’amasasu.
Ati: “Twakaze imbere mu ikorosi dusanga hari umurinzi witwaje imbunda.”
Abasirikare b’u Rwanda barabahagaritse kuri bariyeri yari imbere. Itsinda rye ryajyanywe ku biro bya polisi ribazwa ibibazo ku byo bakoraga, maze bafungirwa muri hoteli ijoro ryose.
Mu gitondo gikurikira, Attenborough n’umufotozi we bajyanywe mu kigo cya gisirikare i Kigali, bahagarikwa mu zuba rikaze kugeza ubwo komanda w’abasirikare abarekuye.
Igihe Life on Earth yatambukaga mu 1979, yari intsinzi ikomeye cyane, ihindura uburyo ibiganiro ku bidukikije byerekanwa kuri televiziyo.
Yagurishijwe mu bihugu hafi ya byose ku isi, kandi abantu miliyoni 500 bayibonye babonye ingagi mu ishusho nshya.
Icyo gice ari kumwe n’ingagi cyanasize umurage ukomeye. Attenborough yegereye umuryango wo kurengera ibidukikije Fauna and Flora, washinze umushinga wa Mountain Gorilla Project ugamije kurinda izo nyamaswa.
Mu 1985, hashize imyaka irindwi nyuma yo guhura na Attenborough, Dian Fossey yarishwe.
Urupfu rwe rwatumye ikibazo cy’ingagi kirushaho kumenyekana ku bantu benshi, hakurikiraho gahunda zo kwigisha no guteza imbere ubukerarugendo bushingiye ku bidukikije.
Nubwo hatigeze habaho igihe umuntu yavuga ko ingagi zitekanye burundu, ubu hari ingagi zigera kuri 600 ku misozi y’ibirunga.
Ni inkuru y’intsinzi mu kurengera ibidukikije, kandi itsinda rinini ry’ingagi riri mu Birunga rishobora guhera kuri cya gihe cya Life on Earth.
Pablo, umukuru w’itsinda (silverback)
Filmi mbarankuru yakozwe ku Ngagi iri kuri Netflix: ivugwa na David Attenborough ukurikirana ibisekuru by’umuryango wa Pablo.
Imbarankuru nshya kuri Netflix, A Gorilla Story: ivugwa na David Attenborough, yakurikiranye uwo muryango ugizwe n’abakomoka kuri Pablo, ya ngagi nto y’amatsiko yafashwe amashusho mu 1978.
Sir David agira ati: “Icyo gihe sinari nzi ubuzima budasanzwe Pablo azagira cyangwa umurage azasiga… sinzigera mwibagirwa.”
Akiri akana, Pablo yari yaratereranywe na nyina, bituma kuba yarakuze akagera ku kuba mukuru biba igitangaza. Ariko inkuru ye yarenze aho.
Ati: “Inkuru y’itsinda rya Pablo ntiyari yarigeze ivugwa.”
Ariko kimwe no mu gufata amashusho kwa Attenborough mu myaka ya 1970, ibintu ntibyagenze nk’uko byari byitezwe.
Mu minsi irenga 250 bafata amashusho, abakomoka kuri Pablo bari mu ntambara ikomeye yo guhatanira ubuyobozi hagati y’ingagi eshatu z’ingabo, byateje kurwana, kwicwa no kuririra abapfuye. Nk’uko byagenze mu 1978, ingagi ni zo zongeye kwiyandikira inkuru.
Bwana David asoma mu gakayi ke mu nkuru y’ingagi: Ibarwa na David Attenborough
Kuri Stoinski, cya gihe cyo guhura n’ingagi cyagize ingaruka zirambye kubera gutungura no gushimisha cyateye abacyibonye.
Ati: “Tubasha kubona byinshi biduhuza na zo, tukiyumva mu myitwarire yazo kuko isa n’iyacu. Umwana w’imyaka itatu ashobora kuza akicara ku bibero byawe nk’aho uri intebe. Na Pablo, ikiri nto, ni ko yabigenje kuri David.
“Kandi icyizere cyari gihari, ni cyo cyatunguraga abantu… ntibari bazi ko umuntu ashobora kubana n’ingagi muri ubwo buryo.”
Mu kiganiro Life on Earth, nubwo cyari gifite intego ya siyansi, icyo gice cy’ingagi cyari gitangaje kandi cyuzuye ubuzima cyahindutse ubutumwa bukomeye. Aho kuba abantu twareba ibidukikije, ingagi zagaragaje amatsiko kuri uwo muntu witwa Attenborough.
Intera abantu batekerezaga ko iri hagati y’abantu n’ibindi binyabuzima yarazimye. Ingagi si inyamaswa zo mu ishyamba gusa, zifite ubuzima bwuzuye amarangamutima akomeye zifatanya, zita ku zindi, zirwana, ziga kandi zihindura imyitwarire.
Nk’uko Attenborough yabivuze mu mashusho ya mbere: “Tubona isi kimwe nk’uko na zo ziyibona.”
Hari impamvu nyinshi zituma icyo gihe cyuje ubwuzu n’urukundo hagati y’abantu n’ingagi gihinduka kimwe mu by’ingenzi byigeze kugaragara kuri televiziyo.
Minisiteri y’Ikoranabuhanga na Inovasiyo yatangaje ko batangiye gutegura gahunda yo gukumira abana bafite imyaka 16 kumanura ku mbuga nkoranyambaga ku buryo batazongera kuzigiraho konti cyangwa kuzijyaho ngo barebe ibyashyizweho bari mu Rwanda.
Inkuru zo gukumira abana ku mbuga nkoranyambaga nka Facebook, TikTok Instagram, YouTube n’izindi zishyirwaho ibintu bitandukanye zumvikanye cyane muri Australia mu mpera za 2025. Muri iki gihugu ubirenzeho agafasha umwana utarengeje imyaka 16 kugera ku mbuga nkoranyambaga ashobora guhanishwa ibirimo ihazabu ya miliyoni 34,4$.
Indonesia na yo yatoye itegeko nk’iri muri werurwe 2026, ishyira imbuga nka YouTube, TikTok na X mu zateza ibibazo byo ku rwego rwo hejuru abana bari munsi y’imyaka 16.
Ubushakashatsi bwa Minisiteri y’Ikoranabuhanga na Inovasiyo, bwagaragaje ko abana 46% bajya mu by’ikoranabuhanga bifashishije telefone zirimo iz’ababyeyi n’izabo. Mu mashuri hari mudasobwa zagenewe kwigirwaho no kwifashishwa ariko zibakumira ku
Ingabire Paula yabwiye RBA ko hagati ya 30%-35% y’abana babajijwe bagaragaje ko bahura n’ibintu bibahungabanya mu buryo butandukanye.
Ati “Twasanze iyo bari kuri internet cyangwa ku mbuga nkoranyambaga cyane cyane izagaragaye ni TikTok na YouTube aho bahuriraho n’ibibazo. Yaba ari ibyo bashyiraho byangiza, ibijyanye n’imibonano mpuzabitsina, ibibazo mbese bibahungabanya mu buzima bwabo nk’abana.”
Yavuze ko abana usanga bafite ubumenyi bwisumbuye ku bw’ababyeyi n’abarimu bashinzwe kubitaho bityo bigoye kubarinda kwangizwa n’ibyo bareba ku mbuga nkoranyambaga.
Mu Rwanda umuntu afungura konti ku rubuga nkoranyambaga urwo ari rwo rwose hatitawe ku myaka afite, ndetse n’abashobora kureba amashusho cyangwa ibindi bizishyirwaho ntihitabwa ku myaka yabo.
Ingabire ati “Icyo turimo kurebera hamwe ni ugushyiraho uburyo kandi tumaze kubibona mu bindi bihugu bimaze gufata izo ngamba aho abana bafite imyaka 16 kumanura batemerewe kujya ku mbuga nkorambaga. Ni ibintu tumaze kubona mu bindi bihugu bikorwa kandi bikorwa neza, kandi tukabijyanamo neza n’ibigo bitanga internet, tukabijyanamo n’ibigo bishinzwe izo mbuga nkoranyambaga bizitunze, tukabijyanamo n’ababyeyi b’abana ku buryo umwana wese ufite imyaka 16 atemerewe gutunga konti kuri izo mbuga nkoranyambaga, atanemerewe no kuzijyaho.”
Yasobanuye ko uko ibihugu nka Indonesia na Australia byashoboye gukumira abana ku mbuga nkoranyambaga u Rwanda na rwo rwifuza ko bishyirwa mu bikorwa.
Ati “Ni byo turimo gukoraho ubu dufatanyije n’inzego zitandukanye kugira ngo turebe nidushyiraho iryo tegeko tuzaherekezanya dute n’abo bose…kugira ngo nk’uko bikora mu bindi bihugu natwe bishobore gukora mu Rwanda, dushobore kubungabunga uwo mutekano w’abana bacu nibura umwana w’imyaka 16 tube tuzi ngo izo mbuga nkoranyambaga ntashobora kuba yazijyaho.”
Yahamije ko ibi bizagabanya ibyaha bikorerwa ku ikoranabuhanga ndetse bifashe abana kujya ku bintu bagenewe bibafitiye akamaro.
Mu gihe iri tegeko ritarashyirwaho ababyeyi basabwa kugena ibyo abana bareba kuri telefone zabo kandi bakabagenera amasaha batagomba kurenza.
Minisitiri Ingabire Paula yatangaje ko hari kwigwa uburyo ibigo bitandukanye bifite imbuga nkoranyambaga byafatanya n’u Rwanda gukumira abana batarengeje imyaka 16 kuzigiraho konti no kureba ibizishyirwaho
Ntibivuguruza ikoranabuhanga mu mashuri?
Minisitiri w’Uburezi, Joseph Nsengimana yasobanuye ko ubu abanyeshuri batemerewe kujyana telefone ku mashuri kuko zishobora kubarangaza, zikababuza gukurikirana amasomo mwarimu yigisha.
Uko buri wese ufite telefone ahora ashaka kureba niba nta butumwa bugufi yandikiwe, niba nta gishya cyaje n’ibindi.
Minisitiri Ingabire yavuze ko u Rwanda rukomeza gushyira imbaraga mu burezi bushingiye ku ikoranabuhanga ariko mu buryo butangiza abana.
Ati “Turashaka kubikora mu buryo bwiza butarangiza abana, burabafasha kuzamura ireme ry’uburezi ariko bukanakumira bya bitero byifashishije ikoranabuhanga bigenda byibasira abana bacu, bigatuma barangara, bigatuma bajya mu bintu bitari byiza, harimo no gukora ibintu by’urukozasoni uzanga babikuye kuri izi mbuga nkoranyambaga.”
Muri Nzeri 2025, u Rwanda rwashyize hanze politiki yo kurengera umwana ku ikoranabuhanga.
Mu byo iteganya ni uko inzego za Leta n’ibigo bitanga serivisi kuri murandasi bazakorera hamwe mu gushyiraho uburyo bwo gutahura no gukumira amakuru ashobora gutera ihohotera rikorerwa abana, hagashyirwaho uburyo, amategeko n’amabwiriza bifasha ibigo bitanga serivisi za murandasi guhagarika imbuga zanze gukuraho ayo makuru yagaragajwe.
Hazanashyirwaho uburyo bwo gucunga abashobora gukora ibyaha, bikorwe hashingiwe ku bipimo n’imikorere inoze byo ku rwego mpuzamahanga.
Kuri uyu wa Gatandatu, itariki ya 25 Mata 2026, hagati ya 9h15 na 12h00, ingabo z’ihuriro ry’ubutegetsi bwa Kinshasa zagabye ibitero by’urugomo bitigeze bibaho mu bice bituwe cyane bya Gakenke muri Minembwe nk’uko byatangajwe n’umutwe wa AFC/M23 mu itangazo ryawo.
Iri tangazo rivuga ko “Ibi bikorwa, byaranzwe no gukoresha indege zitagira abaderevu za kamikaze, drones za KT-6, n’imbunda ziremereye, byerekana ingamba nkana z’iterabwoba zibasira abaturage.”
Uyu mutwe ukomeza uvuga ko kuva hashyirwa umukono ku itangazo rihuriweho ryo ku itariki ya 17 Mata 2026, i Montreux hagati y’ubutegetsi bwa Kinshasa na AFC/M23, ibintu byarushijeho kumera nabi cyane kandi biteye ubwoba.
Ubutegetsi bwa Kinshasa burashinjwa gukaza umurego mu byaha bya gisirikare, butesha agaciro imbaraga Umuryango Mpuzamahanga ukomeje gushyira mu gushaka igisubizo cya politiki mu makimbirane yo muri Repubulika ya Demokarasi ya Congo.
Ibi yabigarutseho ubwo kuri uyu wa Gatandatu tariki ya 25 Mata 2026, u Rwanda rwifatanyaga n’Isi kwizihiza umunsi Mpuzamahanga wahariwe kurwanya Malaria.
Ni umunsi wizihirijwe mu Murenge wa Gahanga, mu Kagari ka Kagasa, mu karere ka Kicukiro, aho uyu munsi wahujwe n’igikorwa cy’umuganda usoza ukwezi kwa Mata.
Umunsi Mpuzamahanga wo Kurwanya Malaria wizihizwa ku wa 25 Mata buri mwaka, hagamijwe gukangurira isi gufatanya kurandura iyi ndwara iterwa n’imibu.
Mu Rwanda, uyu munsi ushimangira ingamba nko gukoresha inzitiramibu, gutera imiti mu ngo, no kwivuza hakiri kare hagamijwe kugera ku ntego ihari kuri ubu yo kugabanya Malaria ku kigero cya 70% muri 2030.
Umuyobozi w’ishami rishinzwe kurwanya Malaria n’izindi ndwara ziterwa n’udukoko muri RBC, Dr Mbituyumuremyi Aimable, avuga ko imirenge ya Gahanga na Masaka ari yo iza imbere mu kugira Malaria nyinshi ahanini bitewe no kuba ikikijwe n’ibishanga.
Gusa akavuga ko habayeho kudohoka kw’abaturage mu kugira isuku.
Ati “Twasanze ibishanga atari byo byonyine, ahubwo dufite amazi twakuruye, tuyavana mu bishanga tuyazana mu ngo zacu. Ariya niyo mabi cyane, ayo mu ngo zacu aba aretse, akaba ubwororokero bw’imibu.”
Umuyobozi Wungirije w’Umujyi wa Kigali ushinzwe Imibereho Myiza y’Abaturage, Urujeni Martine, na we yasabye abaturage kugira isuku bakuraho ibintu byose bituma imibu yororoka.
Ati “Turasaba abaturage bose gukomeza gukaza ingamba zo kwirinda Malaria, kubasobanurira ububi bwa Malaria ariko tukabereka n’uruhare rwabo.”
Urujeni yasabye kandi abaturage kurangwa n’isuku yaba ku mubiri no ku myambaro.
Ati “Ubwororokero bwa Malaria ni kimwe mu kimenyetso cy’ahari unwanda.Ibyo ni byo tubikoreho ariko isuku ihera kuri Njye.”
RBC ivuga ko akarere ka Kicukiro kugeza ubu gafite abarwayi ba Malaria bagera ku 65000 . Iki kigo kivuga ki mu mwaka wa 2025-2026, abarwayi ba Malaria bageze ku 928.616.
RBC ivuga ko Kicukiro ifite 7% bya Malaria yo mu gihugu hose.
Minisitiri w’Ubumwe bw’Abanyarwanda n’inshingano mboneragihugu, Dr. Bizimana J. Damascene, kuwa Gatandatu, itariki 25 Mata 2026, yifatanyije n’abatuye Akarere ka Nyamagabe, mu Ntara y’Amajyepfo, mu Kwibuka Jenoside yakorewe Abatutsi ku nshuro ya 32.
Mu kiganiro yatanze, yagaragaje ko iyahoze ari Perefegitura ya Gikongoro ari imwe mu ho Jenoside yakorewe Abatutsi yakoranwe ubukana n’uburemere buhambaye, aho Akarere ka Nyamagabe kari ku mwanya wa kabiri nyuma ya Karongi mu kugira imiryango myinshi yishwe ikazima (imiryango 1.537 yari igizwe n’abantu 5.790), mu gihe Akarere ka Nyaruguru kaza ku mwanya wa gatandatu (imiryango 804 yari igizwe n’abantu 3589), nk’uko bikubiye mu bushakashatsi bwakozwe na GAERG.
Yagaragaje kandi ko Nyamagabe ari kamwe mu Turere twarimbuwemo imiryango myinshi y’Abatutsi umunsi umwe, aho by’umwihariko i Kaduha hishwe Abatutsi basaga ibihumbi 45 ku wa 21 Mata 1994.
Yanyomoje abapfobya n’abahakana Jenoside yakorewe Abatutsi babeshya ko Umuryango w’Abibumbye utigeze wemeza ko yateguwe, agaragaza ko urukiko Mpuzamahanga Mpanabyaha rwashyiriweho u Rwanda (ICTR) rw’Umuryango w’Abibumbye, mu manza zose uhereye ku rwa Akayesu Jean Paul rwo mu 1998, rwemeje ko mu Rwanda habayeho umugambi wo kwica Abatutsi bazizwa ubwoko bwabo, kandi ko icyo ari icyaha cya jenoside.
Yongeyeho ko uru Rukiko mu mwaka wa 2006, mu rubanza rwa Karemera Edouard, Nzirorera Joseph na Ngirumpatse Matayo bari abayobozi ba MRND, rwanzuye ko Jenoside yakorewe Abatutsi ari ihame mpuzamahanga ritagomba kugibwaho impaka; ashima Leta zunze Ubumwe z’Amerika zashimangiye uku kuri mu itangazo rigenewe u Rwanda ziheruka gusohora, rivuga ko Amerika yifatanyije n’u Rwanda mu kwibuka “Jenoside yakorewe Abatutsi.”
Yasoje asaba buri Munyarwanda kuzirikana ibi bikurikira:
Minisitiri w’Ubutabera muri Amerika, Todd Blanche yatangaje ko igitero cyagabwe muri hoteli Perezida Trump yasangiriragamo n’abanyamakuru cyari kigamije guhitana abayobozi ba Amerika barimo na Perezida ubwe.
Iki gitero cyagabwe mu ijoro ryo ku wa 25 Mata 2025, muri Washington Hilton hotel. Umugabo w’imyaka 31 yinjiye afite imbunda nyinshi n’ibyuma atangira kurasa, isasu rifata umwe mu bashinzwe umutekano ariko mu ikoti ridatoborwa n’amasasu.
Uyu mugabo yahise atabwa muri yombi. Muri uyu musangiro hari harimo Perezida Trump n’umugore we Melania Trump.
Minisitiri w’Ubutabera w’Agateganyo, Todd Blanche yabwiye NBC News ko uwagabye igitero yashakaga kwica abayobozi ba Amerika.
Ati”Birigaragaza ko yabikoze, yari yashyize mu gipimo abayobozi bakuru bari mu butegetsi harimo na Perezida.”
Uyu mugabo azagezwa mu rukiko ku wa Mbere akurikiranweho ibyaha birimo gushaka kwica ushinzwe umutekano wa Amerika.
Trump na we yahamije ko ari we igitero cyari kigambiriye guhitana ariko ushinzwe umutekano wafashwe n’isasu agatabarwa n’ikoti ridatoborwa n’amasasu yari yambaye.
Urwego rushinzwe kurinda abayobozi ba Amerika rwemeje ko uwarashwe n’umugizi wa nabi yavuye mu bitaro ameze neza.
Minisitiri w’Ingabo Gen Sadio Camara yiciwe mu bitero by’imitwe yitwaje intwaro byagabwe mu mujyi atuyemo by’umwihariko ku rugo rwe.
Aljazeera yabitangaje ku wa 26 Mata 2026. Kuva ku wa Gatandatu byatangajwe ko urugo rwe mu Mujyi wa Kati rwagabweho ibitero inshuro nyinshi n’abarwanyi ba al Qaeda n’aba Tuareg.
Camara ni umwe mu basirikare bakomeye bagize uruhare mu guhirika ubutegetsi muri Mali muri Coup d’Etat zabaye mu 2020 na 2021.
Ku Cyumweru kandi humvikanye urusaku rw’amasasu mu mujyi wa Kidal no mu bindi bice by’igihugu.
Abarwanyi b’umutwe wa Azawad Liberation Front, ushaka ko ubwoko bw’Abatuareg bwigenga wibanze ku mijyi yo mu Majyaruguru, mu gihe umutwe wa kiyisilamu witwa Jama’at Nusrat al-Islam wal-Muslimin (JNIM) wagabye ibitero ahandi hose mu gihugu.
Ingabo za Mali zatangaje ko ziri kurwanya aba bitwaje intwaro.
Ibitero byagabwe no mu gace Perezida Assimi Goita atuyemo ariko ahita ahungishirizwa ahantu hatekanye ndetse akomeza kuyobora urugamba.
Abasesenguzi bagaragaje ko hashobora kubaho ibindi bitero bigamije kugenzura ibice bitandukanye mu gihugu.
On April 24, 2026, Kura Organisation awarded certificates to 30 young mothers who successfully completed a six-month vocational training program in hairdressing, nail care, and beauty services.
This marked the 12th cohort of the organization’s initiative aimed at empowering vulnerable young mothers who had previously dropped out of school due to early pregnancy. The graduation ceremony served as an opportunity to showcase achievements and call for continued support to reach more girls in need.
The event took place in Kigali and was attended by government officials, representatives of faith-based organizations, partners, and parents. Speakers highlighted the organization’s vital role in improving the lives of young women and promoting self-reliance.
In his remarks, Ndayisaba Jean de Dieu, representing the Executive Secretary of Bumbogo Sector, commended the graduates for their determination to transform their lives and break away from harmful behaviors. He encouraged them to remain focused and continue striving for progress.
“Transformation is not only about the skills you have acquired, but also about how you apply them in your daily lives. Keep working hard and avoid anything that may take you backward,” he said.
Speaking on behalf of the graduates, Irakoze Marie Rose expressed gratitude for the skills they had gained, including hairdressing, manicure, and pedicure, which now enable them to earn a living.
“We were living in very difficult conditions, but now we have hope for the future. We are earning income that helps us rebuild our lives and take care of our children,” she said.
She added that they are no longer influenced by negative peer pressure and thanked Kura Organisation for helping them regain confidence and change their mindset.
The founder and director of Kura Organisation, Nyirakinyana Chantal, popularly known as Mama Joy, was widely praised for her dedication to uplifting young mothers. The graduates described her as a caring figure who helped them move away from difficult circumstances and rebuild their lives.
Founded in 2013, Kura Organisation focuses on supporting disadvantaged young mothers by providing vocational training and mentorship aimed at mindset transformation and personal development.
The organization began its work in Busanza and later expanded to Masizi in Bumbogo Sector, gradually growing its reach with plans to extend to other regions as resources allow.
The six-month training program runs from Monday to Friday and covers practical skills such as hairdressing, nail care, beauty services, and previously tailoring.
Beyond vocational training, the organization also emphasizes moral values and spiritual growth. Each day begins with a session dedicated to prayer, worship, and learning the Word of God an approach that leaders say has significantly contributed to positive behavioral change among participants.
Although 54 students initially enrolled, 35 successfully completed the program after a practical internship that began on August 20, 2025, and ended in April 2026. Some participants dropped out due to various challenges, including difficult living conditions.
Leaders and partners were encouraged to continue supporting the initiative through ideas, prayers, materials, and financial contributions to help expand its impact.
Kura Organisation also announced plans to enroll new groups of young mothers, aiming to help them overcome despair and isolation while contributing meaningfully to national development.
The event concluded with a strong call for collective responsibility in empowering the girl child, building a society where every young woman has dignity, capability, and hope for the future.
Minisiteri y’Ubucuruzi n’Inganda (MINICOM), ivuga ko Leta y’u Rwanda kugeza ubu nta gahunda ifite yo gushyiraho ingano ntarengwa ya lisansi ihabwa ikinyabiziga kuri sitasiyo, nk’uko hari abamaze iminsi babihwihwisa.
Ibi byagarutsweho na Doreen Ntawebasa, Umuyobozi Mukuru ushinzwe Ubucuruzi n’Ishoramari muri MINICOM, mu kiganiro kuri KT Radio kuri uyu wa Gatanu tariki 24 Mata, akaba yasubizaga uwari ubajije icyo kibazo, wagize ati “numvise ko hari amasitasiyo agiye kujya atanga lisansi itarenga litiro 5 ku kinyabiziga, bihagaze gute?”
Ntawebasa yamusubije agira ati “Iyo gahunda ntayihari. Icyo nabwira Abanyarwanda n’abaturarwanda muri rusange, ni uko impinduka yose ishobora kubaho ku biciro bya Lisansi na Mazout, ari Guverinoma ibivuga. Ntabwo bibaho, uwo byagaragaraho ko adaha umuturage ingano ashaka yabihanirwa, kuko amavuta arahari yaba Mazout yaba Lisansi, kandi Leta ikomeza kubikurikirana. Ku byo nzi rero ayo makuru nta yahari”.
Icyakora uyu muyobozi avuga ko igiciro cy’ibikomoka kuri peteroli gishobora gukomeza kuzamuka, kubera ko kugeza ubu umuhora wa Hormuz utarongera gukora nk’uko byari bisanzwe, mbere y’uko haba intambara hagati ya Iran na Amerika ifatanyije na Israel.
Ati “Muzi ko 20% bya peteroli ikoreshwa ku Isi inyura mu muhora wa Hormuz, muri iyi minsi rero turimo gutumiza ahandi nko mu Buhinde ariko biragorana kuyigeza hano. Amato azana ibikomoka kuri peteroli biyasaba gushakisha izindi nzira zigoye kandi za kure, ku buryo hiyongeraho iminsi 7 kugera ku 10 ugereranyije n’iyari isanzwe ikoreshwa baciye muri Hormuz. Ikindi n’ubwishingizi buhita bwiyongera kubera ko iminsi y’urugendo yiyongereye, byose bikagira ingaruka ku giciro cya Lisansi na Mazout”.
Ati “Ayo mato na yo akoresha Mazout, niba ku munsi yakoreshaga iya Miliyoni hakaba hiyongereyeho iminsi 15, urumva ko harimo impinduka. Ikindi muzi ko twebwe tudakora ku nyanja, ibiza binyura muri Tanzaniya cyangwa i Mombasa muri Kenya bikagera ku byambu. Twe rero tugomba kwishyura andi mafaranga yo kubipakira mu makamyo agera hano mu gihugu cyacu. Igiciro rero gishobora gukomeza kuzamuka kubera izo mpamvu zose”.
Ntawebasa avuga ko nko ku giciro cy’ubwishingizi bw’amato atwara ibyo bicuruzwa, hiyongereyeho hagati ya 7-10%, ku bwikorezi na ho amato agera muri Tanzaniya cyangwa Kenya, ngo yiyongereyeho Amadolari ya Amerika ari hagati ya 500 na 800.
Kuva muri ibyo bihugu kandi kugera mu Rwanda aho hifashishwa imodoka, avuga ko ikamyo imwe yishyurwaga Amadolari 3,200 ubu hiyongereyeho Amadolari ari hagati ya 300 na 500.
Icyakora ibi ngo ntibikwiye gukura umutima Abanyarwanda, kuko Leta ikora ibishoboka byose kugira ngo ibiciro ku isoko bidakomeza gutumbagira, ndetse n’abitwikira ijoro bakabizamura bakaba babihanirwa.
Ntawebasa ati “Mazout ntabwo yazamutse ubushize kandi ni yo ikenerwa mu bwikorezi, bityo rero nta wagombye kuzamura ibiciro ku masoko uko yishakiye. Ubu rero hari amatsinda arimo kugenzura mu gihugu hose uko ibiciro bimeze by’ibiribwa ku masoko atandukanye, nk’ibihingwa bikoreshwa cyane kandi byera mu Rwanda, nk’umuceri, ibirayi, imboga, imbuto n’ibindi, umucuruzi akabizamurira ibiciro yitwaje ngo Mazout yarahenze, ntabwo ari byo. Abo rero tuzasanga barazamuye ibiciro ku buryo bibangamira umuturage bashobora kubihanirwa”.
Ku itariki 3 Mata 2026, Urwego ngenzuramikorere (RURA) rwatangaje ibiciro bishya bya lisansi aho yashyizwe ku 2303Frw, na ho Mazout ishyirwa ku 2205Frw. Nyuma yaho gato ku itariki 17 Mata 2026, RURA yongeye gutangaza ibiciro bishya, aho lisansi yashyizwe ku 2938Frw ariko Mazout yagumye ku 2205Frw.
Ibi bibazo by’izamuka ry’ibiciro by’ibikomoka kuri peteroli, biraterwa ahanini n’intambara ihanganishije Irani na Amerika ifatanyije na Israel, yatangiye muri Gashyantare uyu mwaka, ikaba yaribasiye bikomeye ibikorwa remezo byiganjemo inganda za peteroli, ikanatuma umuhora wa Hormuz ufungwa.
