CHAN 2018 :Uganda Cranes niyo yegukanye amahirwe yo gukomeza

Ikipe y’Igihugu Amavubi yatsinze Uganda Cranes ibitego 2-0 mu mukino wo kwishyura mu gushaka itike yo kwitabira igikombe cya Afurika cy’abakinnyi bakina imbere mu bihugu byabo (CHAN) ariko ihita isezererwa bitewe n’ibitego 3-0 yatsindiwe i Kampala mu cyumweru gishize,bityo iba itakaje amahirwe  yo gukomeza.

Uyu mukino wakinwe kuri uyu wa Gatandatu, tariki ya 12 Kanama kuri Stade ya Kigali i Nyamirambo.

Ibitego by’Amavubi byatsinzwe na Yannick Mukunzi na myugariro Manzi Thierry byose byabonetse mu gice cya mbere cy’umukino.

Uganda yahise ikatisha itike yo kwerekeza mu mikino ya nyuma ya CHAN izabera muri Kenya mu 2018.