Nyarugenge:Mumuganda usoza Ukwezi,ababyeyi bakanguriwe kugira uruhare mu gufasha Umwana gusoma

Umuganda usoza ukwezi wabaye kuri uyu wa 28 Nzeli ,m’Umurenge wa Kanyinya ,Akarere ka Nyarugenge , waranzwe n’igikorwa cy’ubukangurambaga cyateguwe n’umushinga “Mureke Dusome “uterwa inkunga na USAID, kikaba cyahurije hamwe ababyeyi n’abana  babo ndetse n’abarezi ba bafasha  umunsi ku wundi mubijyanye n’uburezi budaheza kuri bose , hagamijwe gushishikariza umwana gukunda gusoma ndetse no kwandika kugirango buri  wese ajye abasha kwisomera ibyo mwarimu abigisha.

Umubyeyi uhagarariye abandi  mu kigo cya G.S Kanyinya yatanze impanuro ku babyeyi ko bakwiye gufasha abana babo mu myigire bityo bigatuma  nabo babasha kujijuka ,anahamagarira buri mubyeyi kohereza umwana ku ishuri kugirango ariyo nzira yonyine yamufasha kugera kunzozi ze.

Rwangeyo Laurent ushinzwe uburezi mu murenge wa Kanyinya  aganira  n’ikinyamakuru Imena , yasobanuriye ababyeyi akamaro ko kohereza abana babo ku ishuri kugira ngo bafashwe kumenya gusoma neza babifashijwemo  n’abarimu ,anagaruka k’uruhare rw’umubyeyi mu gukurikirana imyigire y’umwana ndetse no gushyiraho ake , byose bigakorwa hagamijwe kuzamura ireme ry’uburezi.

Yagize ati” Dufite ISD igizwe n’imiryango 23 ikaba  yita ku bana bato bagejeje kugihe cyo kugana  ikigo kincuke kugira bategurwe  bagane ishuri , nibura buri mwana wese uhanyuze akaba azi kuvuga ndetse yaranatinyutse bagenzi be kuburyo azamuka neza mu myigire ye ” .

Rwangeyo Laurent ushinzwe uburezi mu murenge wa Kanyinya

Yagarutse no ku ireme ry’uburezi mu murenge wa Kanyinya atugaragariza uburyo abana bari mu mwaka wa mbere  babashije gutera intambwe  bagatinyuka bakabasha gushyira umwete mu myigire yabo ,aho kuri ubu babasha kwisomera inyandiko zose  ukaba utabasha  kubatandukanya n’abiga mu mwaka wa gatatu.

Bahati Fidele  Umuyobozi w’ikigo cya  mashuri ya G.S kanyinya yatanze mpanuro ku ababyeyi ba bana bari bitabiriye igikorwa cyahariwe gusoma  agira ati “Babyeyi mujye mudufasha kurera kuko iyo mufashije umwana  mukamukoresha umukoro abarimu baba bamuhaye , iyo agarutse mu ishuri byorohera umwarimu umwigisha  ,kuko aba yatangiye gusobanukirwa neza ibyo yigishijwe”.

Yaboneyeho gusaba  abayeyi gukangurira no gufasha abana kubungabunga ibitabo bahabwa ngo bibafashe gusoma.

Bahati Fidele Umuyobozi w’ikigo cya mashuri ya G.S Kanyinya

Uwitonze Emerance wari witabiriye umuganda  akaba ari umunyeshuri wiga mu mwaka wa gatatu wa mashuri yisumbuye ,yadutangarije ko ashima gahunda ya Mureke Dusome ,kuko yaje nk’igisubizo kizahindura byinshi mubyari imbogamizi kumyigire y’umwana.

Yagize ati “Njye ndashimira Mureke dusome yateye inkunga ikigo cyacu kuko abana bato bahiga  bakaba babashije kumenya gusoma ,mugihe twebwe  twajyaga  dutsindwa kubera kubura imfashanyigisho zihagije , ariko ubu  mfite ikizere ko abana bagitangira  bo bagiye kuzamuka neza bakamenya gusoma nokwandika nkuko abarezi babitwifuriza “.

Uwitonze Emerance umunyeshuri ushima Gahunda ya Mureke Dusome

Muhoracyeye Immaculee akaba umwe mubabyeyi bafite abana biga GS Kanyinya , yashimye intambwe igenda iterwa mukwegereza abana uburezi bufite ireme ,agaragaza ko uruhare rw’umubyeyi rukenewe mugufasha umwana kwiga neza.

Yagize ati” Abana banjye ndabakurikirana umunsi ku wundi  nkabafasha gusobanukirwa kurushaho ibyo abarimu baba bahaye ndetse n’umukoro w’imuhira , nibyo ntasobanukiwe neza  kuko nturiye ikigo k’ishuri nyarukirayo nkajya gusobanuza abarimu ,nkaba mbona twese ababyeyi tubigizemo uruhare ntakabuza bana bacu bagera kuri byinshi mu myigire yabo”.

Muhoracyeye Immaculee umwe mubabyeyi bafite abana biga GS Kanyinya

Uyu mubyeyi uvugako atabashije kugira amahirwe yo kwiga ariko akaba azi gusoma , yasobanuye ko  bibabaza kujya gusomesha  ubutumwa wohererejwe abantu bose bakamenya ibanga ryawe nawe rigenewe  utararimenya ,bityo akaba akangurira buri mubyeyi wese kwita ku mwana we uko ashoboye  byamunanira akamushakira ababizi kugirango atazavaho ananirwa kumenya kwisomera kandi yarakwiye kubigiramo uruhare.

Umwe mubabyeyi yatanze urugero rwiza mugusomera abana

 

 

Loading

Leave a Reply

Your email address will not be published. Required fields are marked *