Kigali : Umusaza w’imyaka 77 yishwe na covid-19, abaye umuntu wa 7 yishe
Minisiteri y’Ubuzima mu Rwanda yatangaje ko umuntu umwe yishwe n’icyorezo cya COVID19 giterwa n’agakoko gashya ka Coronavirus, aba uwa karindwi uhitanywe nacyo kuva cyagera mu Rwanda muri Werurwe 2020.
Uwahitanwe n’iki cyorezo kuri iki Cyumweru tariki 9 Kanama 2020, ni umusaza w’imyaka 77.
Miniteri y’Ubuzima yihanganishije umuryango w’uyu musaza ubaye umuntu wa 7 wishwe n’iki cyorezo.
Bibaye mu gihe ejo tariki 8 Kanama nabwo iki cyorezo cyari kishe umugabo w’imyaka 51. Aba bombi bapfiriye mu mujyi wa Kigali.
Kugeza ubu mu Rwanda abamaze kwandura ni 2140 barimo 6 banduye kuri uyu wa 9 Kanama, abakize ni 1346 barimo 46 bakize none tariki 9 Kanama, abakirwaye ni 787.
