Kenya: Abamaze kwandura Coronavirus bageze hafi ku 5000

Mu masaha 24, abantu 155 basanganywe icyorezo cya Coronavirus muri Kenya, bituma umubare w’abamaze kucyandura bose ugera ku 4952.

Umunyamabanga wa Leta wungirije ushinzwe ubuzima muri Kenya, Mercy Mwangangi, yavuze ko abanduye bavuye mu bipimo 4171 byafashwe, abamaze gupimwa bakaba bageze ku 146,537.

Yakomeje avuga ko abasanganywe ubwandu uyu munsi bose ari abanya-Kenya, 120 bakaba ari abagabo naho 35 bakaba ari abagore. Imyaka yabo iri hagati y’umwe na 77.

Nairobi niyo ifite umubare munini mu banduye kuri uyu munsi bagera ku 104, Busia ifitemo 19, Migori ni 10, Mombasa ni icyenda, Uasin Gishu ni bane, Kiambu ni batatu, Machakos babiri na Nakuru babiri. Kisumu na Kajiado habonetse umwe umwe.

Abandi bantu batatu kandi bishwe na Coronavirus muri Kenya bituma umubare w’abapfuye bose ugera ku 128. Abagera kandi ku 102 bakize basezererwa mu bitaro.

Loading

Leave a Reply

Your email address will not be published. Required fields are marked *