Neymar Jr na bagenzi be 2 banduriye Coronavirus mu biruhuko

Kizigenza w’Umunya Brazil,Neymar Jr ukinira ikipe ya PSG yasanzwe yaranduye icyorezo cya Covid-19 we na bagenzi be barimo Angel di Maria na Leandro Paredes.

Neymar Jr wahise yerekeza ku mucanga w’ahitwa Ibiza muri Espagne ubwo yari amaze gutsindirwa ku mukino wa nyuma wa UEFA Champions League na Bayern Munich igitego 1-0,yasanganwe icyorezo cya Covid-19.

Uyu rutahizamu yanduye Coronavirus we na bagenzi be bakinana barimo Angel Di Maria na Leandro Paredes.

Kuri uyu munsi nibwo iyi kipe y’ikigugu muri Ligue 1 yatangaje ko aba bakinnyi bayo 3 banduye Coronavirus gusa ntiyigeze ivuga amazina yabo kugeza ubwo ikinyamakuru l’Equipe kibishyize ahagaragara.

Nyuma ya Champions League,aba bakinnyi uko ari 3 bahise bajyana mu biruhuko Ibiza barya ubuzima birengagije ko iki cyorezo kiri kuvuza ubuhuha.

PSG yagize iti “Abakinnyi 3 ba PSG banduye Covid-19 nyuma y’ibipimo bya Sars CoV2.Ubu bagiye kwitabwaho n’inzego z’ubuzima.Abakinnyi bose n’abakozi barakomeza gupimwa mu minsi iri imbere.”

Aba bakinnyi bagiye gushyirwa mu kato nubwo habura iminsi 9 kugira ngo PSG ikine umukino wayo wa mbere muri Ligue 1 na Lens kuwa 10 Nzeri uyu mwaka.

Ikibazo cya Covid-19 gikomeje kubangamira cyane Ligue 1 kuko mu minsi ishize umukino wagombaga gufungura iyi shampiyona hagati Marseille na St Etienne nyuma y’aho muri Marseille habonetsemo abantu 4.

Aba bakinnyi ba PSG sibo ba mbere bakomeye banduye Coronavirus kuko mu minsi ishize abarimo Paul Pogba,Tanguy Ndombele,Paulo Dybala,Matuidi,Fellaini n’abandi benshi banduye icyorezo.

Mu minsi ishize nabwo Chelsea yatangaje ko abakinnyi bayo 6 banduye Coronavirus ubwo bari bagarutse ku kazi bavuye mu biruhuko.

Abakinnyi barimo Mason Mount, Tammy Abraham, Christian Pulisic na Fikayo Tomori bashyizwe mu kato kubera kujya mu biruhuko mu Bugereki mu gihe abarimo Jorginho, Ross Barkley, Emerson na Michy Batshuayi nabo bangiwe kujya hamwe n’abandi.

Loading

Leave a Reply

Your email address will not be published. Required fields are marked *