Mureke dusome yabaye igisubizo cy’ireme ry’Uburezi kuri bose
Mureke dusome ni umushinga wa USAD ku nkunga y’abanyamerika waje ucyenewe mu Rwanda aho uburezi bugera kuri bose.
Uyumushinga ukorera mu gihugu hose aho utanga ubumenyi bw’ibanze kuva kubana bincuke kugera mubari mu mwaka wa gatatu w’amashuri abanza.
Mukakanani Marie José , ni umugenzuzi w’amashuri mu murenge wa Masoro , yatangarije ikinyamakuru Imena agira ati”Mureke dusome ni umushinga waziye igihe ukorera mu mirenge ine ukaba ufite abakorera bushake umunani , abo bose bakaba aribo bafasha abana kuko byar’ingorabahizi mu myigishire y’ikinyarwanda aho wasangaga umwana agira ubwoba bwo gusoma ariko kuri ubu abana babashije gutinyuka bakaba bamaze kumenya gusoma “.
Yakomeje yerekana ibyiza abana bagezeho aho babigishije kwizigamira igiceri kimwe cy’amafaranga 100 y’u Rwanda buri cyumweru , kugirango bajye babasha kwiyishyurira no kugura ibikoresho by’ishuri mugihe ishuri ryatangiye kugirango borohereze ababyeyi babo.
Nabahire Christine ni umubyeyi w’abana batatu biga mw’isomero rya Mureke dusome , nawe akaba yaragize ati”Mfite abana batatu biga gusoma ariko ndashimira uyu mushinga n’abakorera bushake babasha kwita ku abana none kurubu bakaba baramenye gusoma ikinyarwanda kandi neza”.
Yanongeyeho ko ababyeyi bakwiye gukurikirana abana babo mugihe bavuye ku ishuri bakabasubirishamo ibyo bize , banareba ko babashije kwandika bityo bizatuma abana baba intangarugero mumyigire kuko bazaba babonye ubufasha impande zose.
Nzabanterura Celestin ni umubitsi w’amafaranga wa abana akanaba n’umubyeyi w’umwana wigira aho ku kigo cy’amashuri abanza ya Shengampuri yagize ati”Abana bamaze kwizigama amafaranga agera kuri miriyoni abitswa kuri banki , bakaba ari abana bagera kuri magana abiri na mirongo itanu abo bose babasha kwizigama neza kandi bakanakurikirana n’igikorwa cyo kwiga gusoma bashyizeho umwete”.
Yanagarutse kubabyeyi batitabira gukurikirana abana babo arinshingano zabo ko bigayitse , aho yagaragaje ko buri mubyeyi wese akwiye gukurikirana umwana we kuko bimufasha kwiga neza.
Uwase Teta Grace ni umunyeshuri wiga kukigo cy’amashuri abanza ya Shengampuri akaba ashimira Mureke dusome yabahaye abakorera bushake bakabafasha mumyigire yabo , none kurubu akaba aba uwambere mu ishuri abikesha uyu mushinga .
