Haïti: Perezida Jovenel Moïse yiciwe mu gitero mu rugo iwe

Perezida wa Haïti Jovenel Moïse yiciwe mu gitero cyagabwe ku rugo rwe, nkuko bikubiye mu itangazo ryasohowe na Claude Joseph, Minisitiri w’intebe w’inzibacyuho (cyangwa w’imfatakibanza mu Kirundi).

Bwana Joseph yavuze ko urugo rwa Perezida rwo mu murwa mukuru Port-au-Prince rwirawemo n’abagabo bitwaje intwaro bitaramenyekana ahagana saa saba z’ijoro zaho, ni ukuvuga saa moya (7h) za mu gitondo ku isaha yo mu Rwanda no mu Burundi.Amakuru avuga ko n’umugore wa Perezida na we yakomerekeye mu gitero.
Bwana Joseph yavuze ko “ingamba zose zafashwe kugira ngo ubutegetsi bwa leta bukomeze”.
Jovenel Moïse, wari ufite imyaka 53, yari ari ku butegetsi kuva mu 2017, nyuma yuko uwo yasimbuye Michel Martelly yari yeguye.

Leave a Reply

Your email address will not be published.