COVID19: Hongeye kuboneka umubare munini wabanduye
Imibare ya Minisiteri y’Ubuzima mu Rwanda igaragazako kuri uyu wa Gatandatu tariki 20 Kamena 2020 mu Rwanda habonetse abarwayi bashya mirongo ine n’umwe (41) ba COVID-19.
Ni ku nshuro ya kabiri mu Rwanda habonetse umubare minini w’abarwayi bangana gutya kuva iki cyorezo cya COVID19 cyakwaduka.
Muri rusange Minisiteri y’Ubuzima itangaza ko abarwayi bagaragaye uyu munsi ari 41, mu gihe abakize bagataha iwabo ari batandatu, aba bose babonetse mu bipimo 3,116 byafashwe mu masaha 24 ashize. 
