Abavandimwe ba Omar al Bashir bamaze gutabwa muri yombi
Leta ya gisirikare y’inzibacyuho muri Sudani yatangaje ko abagabo babiri bavukana n’uwahoze ari umukuru w’igihugu uherutse gukurwa ku butegetsi, Omar al-Bashir, batawe muri yombi.
kuri uyu wa Gatatu taliki ya 17 Mata 2019, nibwo Shams al-Din Kabashi yatangaje ko abavandimwe ba Bashir aribo Abdullah al-Bashir na Alabas al-Bashir batawe muri yombi.
Igisirikare cya Sudani kiyoboye inzibacyuho cyatangiye inkundura yo gufunga bamwe mu bahoze ari ibikomerezwa muri Leta ya Bashir nkuko ikinyamakuru Aljazeera cyabitangaje.
Shams al-Din Kabashi yavuze ko imitwe itunze intwaro itarekuwe mu bantu barekuwe nk’imfungwa za politiki ahubwo bakiri mu maboko ya gisirikare.
Tariki 11 Mata 2019, nibwo igisirikare cyahiritse ku butegetsi Omar al Bashir nyuma y’imyaka 30 yari amaze ayoboye Sudani.
