Zimbabwe:Hasomwe misa yo gusezera Morgan Tsvangirai
Abanyepolitike bo mu mashyaka atandukanye muri Zimbabwe, bifatanije n’abaturage mu muhango wo gusabira no gusezeraho bwa nyuma Morgan Tsvangirai wafatwaga nk’impirimbanyi yarwanije ubutegetsi bwa Robert Mugabe.
Morgan Tsvangirai umaze iminsi ine ahitanywe n’indwara ya kanseri, umurambo we wagejejwe i Harare ku wa gatandatu uvanywe muri Afrika Yepfo.
Nyuma y’igitambo cya misa cyabaye , umurambo wajyanywe ku biro bikuru by’ishyaka Movement for Democratic Change (MDC), kugira ngo abarwanashyaka ndetse n’abayobozi bafatanyije nawe bashobore kumuha icyubahiro bwa nyuma.
Biteganijwe ko umurambo we uzashyingurwa ahitwa Buhera ku wa kabiri ari naho ku ivuko.
