Koreya y’Epfo igiye gutangira gutanga doze ya kane y’urukingo rwa COVID-19

Minisitiri w’Ubuzima muri Koreya y’Epfo, Kwon Deok-Cheol, yatangaje ko hari gahunda yo gutanga doze ya kane y’urukingo rwa COVID-19 guhera mu mpera za Gashyantare.

Izi ngamba zemejwe mu nama idasanzwe yiga ku gukomeza guhangana n’icyorezo cya COVID-19 by’umwihariko ubwoko bwayo bushya bwa Omicron.

Abantu bafite ibyago byinshi byo kwandura nk’abarwayi bari mu bitaro, abageze mu zabukuru n’abandi badafite uduhangarwa bw’umubiri buhagije nibo bazaherwaho bahabwa doze ya Kane.

Imibare yerekana ko mu Cyumweru gishize abantu bari hejuru y’imyaka 60 aribo bari bagize 12% y’ubwandu bushya, umubare ukaba wariyongereye cyane ugereranyije na 8% bari bagaragaye mu Cyumweru cya nyuma cya Mutarama

Muri Koreya y’Epfo doze ya gatatu y’urukingo yatangiye gutangwa mu mpera za Ukwakira.

Abantu barenga 86% bya miliyoni 52 zituye iki gihugu bamaze gufata nibura doze ebyiri, abarenga 57% bafashe doze ya gatatu.

Koreya y’Epfo izaba yiyongereye kuri Israel, Leta Zunze Ubumwe za Amerika n’u Bwongereza byatangayiye gutanga doze ya kane y’urukingo rwa COVID-19.

Leave a Reply

Your email address will not be published.