Guinée équatoriale: Umukozi wa OMS ukomoka mu Burundi yahambirijwe ashinjwa amakosa
Igihugu cya Guinée équatoriale cyirukanye uwari uhagarariye umuryango Mpuzamahanga wita ku buzima, Madamu Dr Triphonie Nkurunziza ashinjwa guhimba imibare y’abarwaye coronavirus.
Uyu mugore ukomoka mu Burundi wigeze no kuba Minisitiri muri Guverinoma ya Perezida Pierre Nkurunziza, yandikiwe n’ubuyobozi bwa Guinée équatoriale bugaragaza ko butakimushaka.
BBC yatangaje ko Minisitiri w’Intebe, Pascual Obama Asue kuwa Gatanu yabwiye abasenateri ko nta kibazo bafitanye na OMS muri rusange ahubwo ikibazo ari Madamu Nkurunziza.
Dr Nkurunziza aracyari i Malabo muri Guinée équatoriale kuko ingendo z’indege zitemewe.
Imibare ya OMS igaragaza ko muri icyo gihugu abamaze kwandura coronavirus basaga gato 1300 barimo 200 bakize
