Coronavirus yamaze kugera mu gihugu cya Tanzania

Ummy Mwalimu minisitiri w’ubuzima muri Tanzania amaze gutangaza ko muri iki gihugu habonetse umuntu wa mbere ufite coronavirus.

Yabwiye abanyamakuru ko uyu ari umuturage wa Tanzania, akaba ari umugore w’imyaka 46 wageze muri iki gihugu avuye mu Bubiligi  azanwe n’indege ya Rwandair.

Indege ya Rwandair isanzwe ikora ingendo muri Tanzania no mu Bubiligi.

Tanzania ibaye igihugu cya gatatu muri aka karere kigezemo iyi virus nyuma ya Kenya n’u Rwanda.

Minisitiri Mwalimu yatangaje ko uyu murwayi ari kuvurwa kandi ameze neza kugeza ubu.

Madamu Ummy Mwalimu yavuze ko leta ya Tanzania yafashe ingamba zo kwitegura guhangana n’iyi ndwara mbere y’uko ihagera.

Src:BBC