Abantu bane bishwe na Coronavirus mu Rwanda, abayanduye ni 172
Minisiteri y’Ubuzima yatangaje ko abantu bane bishwe na COVID-19 bituma umubare w’abamaze kwicwa n’iki cyorezo mu Rwanda ugera ku 105 mu gihe abanduye bo biyongereyeho 172 bakagera ku 8848.
Minisiteri y’Ubuzima yatangaje ko abantu bitabye Imana barimo ‘abagabo batatu b’imyaka 82, 73 na 43 ndetse n’umugore umwe w’imyaka 68.’
Itangazo rya Minisante kandi ryerekana ko kuri uyu wa 4 Mutarama 2021, habonetse abarwayi bashya 172 mu gihe 64 ari bo bakize.
Rikomeza ryerekana ko bakuwe muri “Kigali: 146, Rubavu: 7, Kayonza: 6, Rusizi: 3, Nyamasheke: 2, Nyamagabe: 1, Huye: 1, Muhanga: 1, Ruhango: 1, Gisagara: 1, Bugesera: 1, Musanze: 1, Kirehe: 1.’’
Mu Rwanda hamaze gufatwa ibipimo bya Coronavirus 741 036, hasanzwemo abantu 8021 banduye. Muri bo 6816 basezerewe mu bitaro nyuma yo gupimwa bagasangwa nta bwandu bagifite mu gihe 1927 bakiri kwitabwaho.
Coronavirus ni indwara yandura binyuze mu matembabuzi aturuka mu myanya y’ubuhumekero.
Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.
