Umwami wa Thailand yagize umwamikazi umukobwa wamurindaga
Umwami wa Thailand, Maha Vajiralongkorn w’imyaka 66 yatunguye benshi ubwo yakoraga ubukwe n’umwe mu bakobwa bari bashinzwe kumurindira umutekano witwa Suthida Vajiralongkorn Na Ayudhya,ahita ategekwa ko yitwa umwamikazi.
Umwami Maha Vajiralongkorn,yagizwe umwami wa Thai nyuma y’aho se atanze muri 2016.
Uyu mwami ashatse uyu mukobwa wari usanzwe ari umurinzi we nyuma yo gutandukana n’abagore batatu ndetse bose bamubyariye abana barindwi.
Umwamikazi Suthida amaze imyaka myinshi akorana n’uyu mwami gusa nta muntu n’umwe wari uziko bakundana ariyo mpamvu batunguwe ubwo itangazo ryashyirwaga hanze ko ariwe wabaye umwamikazi.
Ku munsi w’ejo nibwo kuri Thai TV haciye ubukwe bw’uyu mwami Maha Vajiralongkorn n’umwamikazi bwari bwitabiriwe na benshi mu banyacyubahiro b’I Bwami.
