Uganda Cranes yihereranye Amavubi ayitinda 3-0
Ikipe y’Igihugu Amavubi yahawe isomo na Uganda iyitsinda ibitego 3-0 mu mukino ubanza wo gushaka itike yo kuzakina CHAN.
Ibitego bya Uganda byatsinzwe na Mutyaba Muzamir watsinze ibitego 2 naho Derrick Nsibambi atsinda igitego cya gatatu.
Ibitego bya Uganda bibiri byabonetse mu gice cya mbere byasaga naho abakinnyi b’Amavubi bafite igihunga.
Mu gice cya kabiri Amavubi yakinaga ashaka kubona igitego ariko ntibyashoboka.
Muri uwo mukino, Mubumbyi Barnabé na Rucogoza Aimable bita Mambo babonye amakarita y’umuhondo.
Ni umukino wabereye kuri St.Mary’s Kitende Stadium muri Uganda kuri uyu wa Gatandatu tariki ya 12 Kanama 2017.
Abagize “March Generation” abafana ba Rayon Sports bitabiriye uwo mukino berekana ko bashyigikiye ikipe y’igihugu Amavubi, ariko ntibyagira icyo bitanga.
Imikino ya “CHAN” ayo makipe ahatanira kuzitabira izabera muri Kenya kuva tariki ya 11 Mutarama kugera 2 Gashyantare 2018.
Ubwo Amakipe yombi aririmba indirimbo zubahiriza ibihugu mbere yo gucakirana
