RDC: Imfungwa 43 zo muri gereza ya gisirikare zanduye Coronavirus

Gereza ya gisirikare ya N’dolo muri Repubulika Iharanira Demokarasi ya Congo (RDC), yatangaje ko imfungwa 43 zemejwe ko zanduye icyorezo cya coronavirus.

Prof. Steve Ahuka ukuriye ibikorwa by’ubutabazi muri RDC, yavuze ko hari kurebwa uburyo bwo guhagarika ubwandu muri iyo gereza iri mu murwa mukuru Kinshasa, aho abayobozi ba gereza n’abo mu rwego rw’ubuvuzi bari gukumira ko izindi mfungwa zakwandura.

Prof. Ahuka wasuye iyi gereza ejo kuwa Gatanu, yagize ati “Turi gutekereza ku gushyira amahema mu mbuga ya gereza mu rwego rwo kwita ku bantu banduye ndetse no gutera imiti yica virusi ahantu handuye”.

Yanavuze ko hakomeje gukorwa iperereza ngo harebwe niba hari abandi banduye.

Kuva ku itariki ya 10 Werurwe uyu mwaka, muri RDC hamaze kwemezwa abantu 604 barwaye Covid-19 abangana na 96% by’abo babwayi bose babonetse i Kinshasa. Muri abo 32 imaze kubica naho 75 barayikize.

Loading

Leave a Reply

Your email address will not be published.