Blog

Abanyamadini basabwe kongera imbaraga bigisha ibijyanye nisana mitima kubagizweho ingaruka n’ibikomere batewe na jenocide

Minisiteri y’ubumwe bw’Abanyarwanda n’inshingano mboneragihugu yasabye abayobozi b’amadini n’amatorero ko bakwiye kurushaho gukomeza ibikorwa byo kuvura ibikomere no gutsimbataza ubudaheranwa binyuze mu nyigisho batanga.

Abanyamadini babwiwe ko imiterere y’ibibazo bikomoka kuri Jenoside byagiye bihinduka

MINUBUMWE n’abahagarariye amadini n’amatorero hagamijwe gufasha umuryango nyarwanda gukira ibikomere no guteza imbere ubudaheranwa n’imibanire myiza by’Abanyarwanda.

Beretswe uko amateka y’amacakubiri yaranze u Rwanda by’umwihariko Jenoside yakorewe Abatutsi yashenye Umuryango Nyarwanda mu ngeri zose, isenya indangagaciro na kirazira umuryango wokomora ibikomere mu byiciro byose by’Abanyarwanda.

Kiliziya Gatolika ifite gahunda nyinshi zigamije gufasha n’abagizweho ingaruka na Jenoside mu rugendo rwo komora ibikomere no kubafasha kwiyubaka .
Musenyeri Harorimana vincent yagize Ati.”Twese turi abana b’Imana hagati yacu tukaba abavandimwe, ubwo rero ibyo tubona muri iki gihugu cyacu aho abantu birengagije ubuvandimwe, tugomba kugaruka kuri iyo sano ikomeye.”
Iyi nama nyunguranabitekerezo yafatiwemo imyanzuro 16 yitezweho gufasha umuryango nyarwanda gukira ibikomere no guteza imbere ubudaheranwa n’imibanire myiza by’Abanyarwanda.

Sheikh Sulaimain Mbarushimana aganira n’itangazamakuru yagize Ati.” birasanzwe ko mu idini ryacu rya islam dusanzwe duhugura abayoboke bacu ariko kurubu twahuriye hamwe na banyamadindi bagera kuri 30 twiyemeje ko tugiye gushyira hamwe kugirango tubashe kwagura imyigishirize twereka abantu ko kubana n’ibikomere dukwiye kubirenga kugirango hatazavaho haruwuheranywe nagahinda.”

yakomeje yerekana ko harigihe bajyaga bahuza abanyamadini bakaganira kuri korowani ndetse na Bibiliya Ntagatifu kugirango bahuze imirongo berekana ko imana arimwe kandi kishoboye byose ,ariko umbwo bongeye guhugurwa kubijyanye nisana Imitima tugiye kubigira ibyacu kugirango twomore abagifite ibikomere.

Minisitiri w’ubumwe bw’Abanyarwanda Dr Bizimana Jean Damascene yerekanye ko nyuma y’imyaka 28 Jenoside ihagaritswe na RPF-Inkotanyi hari byinshi byagezweho ariko hakiri inzitizi ziganjemo ihungabana.

Yavuze ko bahangayikishijwe n’imibare y’ibitaro bivura indwara zo mu mutwe bya CARAES Ndera, yerekana ko mu mwaka wa 2022 bakiriye abarwayi 96.357, bakaba bariyongereyeho 29,6% ni ukuvuga 21.993 ugereranyije n’umwaka wabanje wa 2021.

Iyo mibare igaragaza ko 70% ari urubyiruko kandi ibibazo rufite bituruka ku biyobyabwenge n’inzoga. Abari hagati y’imyaka 20-39 bangana na 42%, abarengeje imyaka 40 ni 38% naho abari munsi y’imyaka 19 ni 20%.

Ubushakashatsi bwakozwe na Unity Club mu mwaka wa 2021 nabwo bugaragaza ko ihungabana rikomeje kwiyongera cyane cyane mu rubyiruko aho Abatazi inkomoko yabo ari 99%, Abarokotse Jenoside 87%, Urubyiruko rwavutse ku babyeyi basambanyijwe ku gahato ari 69%.

Ubwo bushakashatsi bwerekanye ko Abana bavutse ku babyeyi badahuje ubwoko 43% bafite ihungabana, Abana bavutse ku babyeyi bagize uruhare muri Jenoside 35%, mu gihe abavutse nyuma ya Jenoside bugarijwe ku gipimo cya 14%.

Ni mu gihe ubushakashatsi bwa RBC bwo muri 2018, bugaragaza ko imibare y’abarwaye indwara zo mu mutwe iri hejuru, aho indwara y’agahinda gakabije ikunda kuviramo benshi kwiyambura ubuzima no kwiyanga iri kuri 11,9% mu Banyarwanda bose, na 35% mu barokotse Jenoside yakorewe Abatutsi.

Ihungabana rishingiye ku mateka ryari kuri 3,6% mu Banyarwanda bose, na 27% ku bacitse ku icumu rya Jenoside yakorewe Abatutsi, mu gihe urubyiruko ruri hagati y’imyaka 14-18 rwagaragaje ko rufite ibibazo byo mu mutwe ku rwego rwa 10%.

Minisitiri Dr Jean Bizimana yahaye umukoro abanyamadini n’amatorero

Minisitiri Dr Bizimana Jean Damascene yavuze ko abakozi b’Imana ari ab’ingenzi mu rugendo rwo kubaka ubumwe n’ubudaheranwa no gufasha Abanyarwanda gukira ibikomere by’amateka mabi banyuzemo.

Ni amateka ashaririye bamwe muri abo bakozi b’Imana bagizemo uruhare bitwikiriye umutaka w’ijambo ryayo mu nyigisho batangaga.

Avuga ko nyuma ya Jenoside yakorewe Abatutsi amadini n’amatorero yagize uruhare rukomeye mu bikorwa bigamije komora, gusaba imbabazi no kuzitanga ku bakoze Jenoside no ku bayirokotse.

Yavuze ko kugeza magingo aya, imiryango ishingiye ku myemerere igira uruhare mu kwigisha imiryango ihisha abana ibyo bijanditsemo muri Jenoside, babigisha ko kwibohora bavuga ukuri bibafasha bo ubwabo n’uburere bw’abana babo.

Yasabye ko kwigisha ijambo ry’Imana bigomba kujyana n’amateka y’igihugu kuko ari ngombwa kugaragaza uko umuryango wasenyutse.

Ati “Ni ngombwa kugaragaza icyo Imana yifuza kuri uwo muryango wasenywe, ugasenyuka gutyo, n’icyo ijambo ry’Imana rivuga mu gushobora kubaka igihugu cyakozwemo Jenoside kuko ntiwabyigisha kimwe n’aho bitabaye.”

Yakomeje yerekana ko “ Binakomeze kurinda urubyiruko rwacu ururiho n’uruzavuka ibibazo bishingiye kuri ayo mateka byaba ibijyanye n’ihungabana byaba n’ibijyanye n’imibereho kuko hari imiryango itagifite ababyeyi, ibyo byose bibagiraho ingaruka.”

Dr Bizimana yasabye amadini n’amatorero ubufatanye mu guhangana n’ibibazo birimo imvugo z’amacakubiri, ingengabitekerezo ya Jenoside n’ibindi byaha bifitanye isano na yo bikigaragara cyane cyane ku mbuga nkoranyambaga.

Ati “Ni ngombwa ko n’abayoboke n’Abakristo babona ko hari abiyitirira Imana, abiyitirira amadini n’amatorero ariko nyamara badakora ibiteganyijwe, ibisabwa n’uwo murongo.”

Avuga ko amadini menshi yo mu Rwanda akwiriye kurenga ipfunwe kubera amahano yabaye kandi yagizemo uruhare ko bakwiriye gusobanukirwa ibyo bigisha kugira ngo bafashe abayoboke gukira ibikomere.

George Nkurunziza ushinzwe ivugabutumwa mu itorero rya AEER (African Evangelic Enterprise Rwanda) avuga ko igikenewe ari ukwigisha Abakristo bakoresheje ijambo ry’Imana bahuje n’amateka y’Abanyarwanda.

Ati ” Niba tuvuga ngo ni ukwiyunga ntabwo turi buze gufata ikibazo cy’Abaroma ngo tugihuze n’icyo mu Rwanda.”

Avuga ko ijambo ry’Imana ryihagije mu gukiza imitima y’Abanyarwanda n’abandi bose ariko hakenewe ubumwe bw’amadini n’amatorero mu kuvuga ubutumwa bwiza no gufasha abantu mu buryo bw’ibifatika.

by;Uwamaliya florence

01/17/2023
DRC: Ibyihebe byateze igisasu ku rusengero

Leta ya Congo irashinja ibyihebe bifitanye isano na Islamic State kuba inyuma y’igisasu cyahitanye abantu ku rusengero rwa Pantekote ahitwa Kasindi, mu burasirazuba bw’iki gihugu.

Kasindi ni agace kegereye cyane Beni ahazwi nk’indiri ya ADF

Abantu 10 bahiseze ubuzima bakaba bari abayoboke b’iri torero bari mu masengesho.

Nibura abanda bantu 39 barakomeretse. Igisirikare cya Congo kivuga ko iki gitero cyakozwe n’ibyihebe byo mu mutwe wa Allied Democratic Forces (ADF), kikaba gifatwa nk’igitero cy’iterabwoba.

Umutwe wa ADF uri mu yenda kumara abantu muri Congo, ni umwe mu ikorera mu burasirazuba bwa Congo ivugwaho kwica abantu mu bitero bitandukanye byibasira abasivile.

Itangazo ry’igisirikare cya Congo rivuga ko cyamaganye icyo gitero cya bombe, ndetse kikemaza ko bigaragara ko cyakozwe n’ibyihebe bya ADF.

Kasindi ni agace kari kuri Km 8 hafi y’Umujyi wa Beni ahazwi nk’indiri y’umutwe wa ADF.

01/16/2023
Chris Froome, Umwongereza ufite inkomoko muri Kenya yatangaje ko azitabira Tour du Rwanda 2023

Umwongereza Chris Froome w’imyaka 37, wegukanye isiganwa ry’amagare rya Tour de France inshuro enye.

Chris Froome

Chris Froome yatangaje ko azitabira isiganwa ry’amagare rizabera mu rwanda abimyujije ku mbuga ze nkoranyambaga,

Yagize ati “Nishimiye gutangaza ko nzasiganwa muri Tour du Rwanda mu kwezi gutaha kwa Gashyantare.”

Ibi kandi byatangajwe n’Ishyirahamwe ry’umukino wo gusiganwa ku magare mu Rwanda, mu butumwa ryanyujije ku mbuga nkoranyambaga zaryo, buherekejwe n’amashusho y’iki kirangirire mu mukino w’amagare.

Chris Froome uzitabira Tour du Rwanda 2023, akinira ikipe ya Israel–Premier Tech kuva mu 2021, nyuma yo kuva mu ikipe ya Sky yakiniye kuva mu 2010 kugeza mu 2020. Uyu mugabo ufite inkomoko mu gihugu cya Kenya kandi yegukanye Tour de France inshuro enye mu 2013, 2015, 2016 na 2017.

Chris Froome akinira Sky yegukanye Tour de France inshuro 4

Mu 2018 kandi yegukanye isiganwa rya Giro d’Italia ryo mu Butaliyani, ndetse anegukana Vuelta a España ryo muri Espagne mu 2011 na 2017.

Isiganwa rya Tour du Rwanda 2023 riteganyijwe gutangira tariki 19 kugeza 26 Gashyantare 2023.

Inzira zizifashishwa muri Tour du Rwanda 2023

Ku Cyumweru tariki 19 Gashyantare: Kigali Golf Resort&Villas-Rwamagana
Ku wa Mbere tariki 20 Gashyantare: Kigali-Gisagara
Ku wa Kabiri tariki ya 21 Gashyantare: Huye-Musanze
Ku wa Gatatu tariki ya 22 Gashyantare: Musanze-Karongi
Ku wa Kane tariki ya 23 Gashyantare: Rusizi-Rubavu
Ku wa Gatanu tariki ya 24: Rubavu-Gicumbi
Ku wa Gatandatu tariki ya 25: Nyamata-Mont Kigali
Ku Cyumweru tariki ya 26: Canal Olympia Kigali

By: Uwamaliya Florence

01/16/2023
Abubakar Lawal yatandukanye na Vipers SC

Nyuma y’amezi atandatu gusa, ikipe ya Vipers Sport Club yo mu cyiciro cya mbere muri Uganda, yamaze gutandukana na rutahiza ukomoka muri Nigeria, Abubakar Lawar wayigiyemo avuye mu Rwanda.

Abukar Lawal yamaze gutandukana na Vipers SC

Kugeza ubu ntacyo ubuyobozi bw’iyi kipe buratangaza kuri aya makuru, ariko amakuru aturuka muri Uganda avuga ko impande zombi zatandukanye biciye mu bwumvikane.

Ikipe ya Vipers SC nyuma yo gutakaza Ceasar Manzoki, yabuze umusimbura w’uyu mukinnyi ukina mu busatirizi. Ikipe yahise isinyisha Karim Ndugwa imuvanye muri Bull FC yo muri iki gihugu.

Uyu mukinnyi ukomoka mu gihugu cya Nigera, yari afite amasezerano y’imyaka ibiri muri iyi kipe ariko ntabwo yigeze abona umwanya uhagije wo gukina.

Lawal yakiniye AS Kigali imyaka ibiri, ayifasha kwegukana ibikombe igikombe kimwe cy’Amahoro.

Amakuru avuga ko uyu mukinyi w’imyaka 27, Rayon Sports yakomeje kumucungira hafi na mbere yo kwerekeza muri Uganda, cyane ko yamwifuje ariko bikarangira itamubonye.

by:IMENA

01/16/2023
Kigali Night Run Yagarutse|Kuri uyu wa gatanu Mutarama (13/01/2023)

NEW YEAR KIGALI NIGHT RUN.

Kigali Night Run ni igikorwa rusange cya siporo (Sports social event) kimaze kumenyerwa, aho abatuye umujyi wa Kigali n’abawugendereye bahurira ahateganyijwe mu masaha ya nijoro, maze bagakora siporo hagamijwe gufasha no gukangurira abantu gukora siporo mu buryo buhoraho, kandi no kubakundisha kwiruka cyane (run), buhoro (Jog) no kugenda n’amaguru (Walk).

Kigali Night Run imaze kumenyerwa cyane mu Mujyi wa Kigali, aho iba ku bufatanye na Federasiyo y‘umukino wo gusiganwa ku maguru (RAF), Minisiteri ya Siporo ndetse n’Umujyi wa Kigali, ikitabirwa n’abantu b’ingeri zose guhera ku bana, urubyiruko n’abakuze.

Ubusanzwe igitekerezo cy’iyi siporo ya Kigali Night Run cyaje ahanini hagamijwe, gukangurira abantu gukora siporo ariko hanategurwa irushanwa ngaruka mwaka rya Kigali International Peace Marathon, aho abantu baboneraho umwanya wo gusobanurirwa byinshi kuri iri rushanwa, ndetse no kuryitegura.

Kuva uyu mwaka wa 2023 watangira, niyo Kigali Night Run ya mbere igiye kuba, aho biteganyijwe ko izabera aho isanzwe ibera, kuva ku isaha ya saa Moya z’umugoroba.

Iyi Kigali Night Run kandi ije isanga ikindi gikorwa cyahariwe siporo kizwi nka Car Free Day, nacyo kimaze kumenyerwa mu Rwanda, dore ko cyatangiriye mu Mujyi wa Kigali ariko ubu kikaba gikorwa hafi mu ntara zose z’Igihugu, ariko yo (Car Free day) ikaba ikorwa mu masaha ya mu gitondo.

Abahaguruka bazahurira kuri Kigali Heights, banyure muri ‘Round About’ ya Convention Center bahinguke kuri Ambasade y’Abahorandi, bakomeze berekeza Ku kimihurura kuri Minisitri y’Ingabo, bagaruke kuri Kigali Heights ari naho bazasoreza.

Inzira Iri bwifashishwe Mu Siporo KNR

01/13/2023
Kimisigara: hatanzwe amata ku abana bafite ababyeyi b’abazunguzayi

Umurenge wa Kimisagara , mu karere ka Nyarugenge, Hatangijwe uburyo bwihariye bwo kubungabunga isuku bifashishije ikimoteri gifite ikoranabuhanga.

Ubu buryo bwahujwe no kugaburira abana ba b’abagore bakuwe mu buzunguzayi bwo mu muhanda, aho abana ba babazunguzayi banahawe amata . ubuyobozi buvuga ko ibi bikorwa byose biri muri gahunda y’imihigo y’isuku no kurwanya igwingira ry’abana.

Mukansanga Alphonsine numwe mu bazunguzayi bafite umwana wahawe amata ,ashimira ubuyobozi bwa kimisagara kuba bwahaye abana babo amata ,aho yagize Ati.”ndashimira ubuyobozi bwa kimisagara bwa duhaye umwanya wo kudufata nkabandi ndetse bukabonako abana bacu nabo bakwiye guhambwa agaciro.”

yongeyeho ko anashimira umugi wa kigali wabahaye ibibanza byaho bazajya bakorera kuko bari bamaze kuba iciro ry’umugani ndetse bahora bahangana nubuyobozi bw’umutekano , uko butahwemaga kubajyana ku murenge cyangwa bukabajyana kwa kabuga aho bajyaga kubagororera ndetse utanahwema kubatoza isuku nisukura ku mubiri.

Kalisa Jean Sover, Umunyamabanga Nshingwabikorwa w’umurenge wa Kimisagara, yakira Urugeni Martine Vice meya w’umujyi wa Kigali ushinzwe Ubukungu n’Imibereho myiza y’abaturage ariwe mushyitsi mukuru wafunguye kumugaragaro icyo gikorwa watashye kumugaragaro ibyobiikorwa asobanura ko bishimira ibikorwa byo kubungabunga isuku by’umwihariko Umujyi wa Kigali ugenda ukangurira abaturage ko iki kimoteri gifite ikoranabuhanga, kije gufasha abacuruzi bose bakorera ubucuruzi bwabo mu nzu yo mu mashyirahamwe izwi nk’inkundamahoro.

Ati:”Iki kimoteri gifite uburyo gikozemo ,imbere ubwacyo harimo camera ndetse n’imyuma , imyanda uko igenda isukwamo yiyongera ubibona kuri telefoni yawe, ikindi imyanda ibora n’itabora biravangurwa cyaba cyuzuye ubwacyo kirasona mu rwego rwo kuguha ikimenyetso ko imyanda igeze igihe cyo kuyikuramo”.

Gitifu ,avuga ko ntawuzongera kwitwaza ibindi ngo ajugunye imyanda aho yiboneye , ashimangira ko bizafasha abagana Nyabugogo ndetse n’abacuruzi kugira isuku aho bakorera ,mu nzira, mu mihanda n’ahandi kubera Iki kimoteri kije ari igisubizo ndetse no kugicunga byoroshye ntawe kizabangamira ubwacyo n’isuku.

Mu muhango wo guha abana amata, no kubagaburira indyo yuzuye, Vice meya Urugeni yankanguriye ababyeyi Kwita ku isuku ,anabasaba kujya bateka indyo yuzuye Kandi ko byose ibikenerwa biba bihari binabobeka byoroshye, ati:”Izi mboga rwatsi , ibishyimbo, amata, amajyi byose birahari, mwikuremo uburangare mwite ku bana banyu kuko iyo umwana agwingiye bimugiraho ingaruka zikomeye benshi murabizi kuko bahora babibigisha”.

Vice meya ,Urugeni mu kiganiro yagiranye N’ Imena News yavuze ko umujyi wa Kigali , ubu washyizeho amabwiriza yihariye ajyanye n’ubuzunguzayi, ahereye muri Kimisagara avuga ko ariho usanga benshi cyane nko muri Gare ya Nyabugogo

Atii:”Ntabwo twavuga isuku tugifite abazunguzayi mu muhanda, turimo gushaka ko nta n’umwe uzagaruka mu muhanda Kandi imyiteguro yabyo iraribanyije kuko hari amasoko twateguye buri wese agomba gushyirwamo,

Yakomeje agira Ati’’, hari bamwe bayavamo ariko turabikora dushyireho ibihano kuburyo ntawe tuzongera kubona yagarutse”.

Bamwe mu baturage , bagaragaje ibyishimo , bashimira ubuyobozi bw’umurenge wa Kigali, ko bushishikajwe no kubashakira ibyiza, iki kimoteri bavuga ko kiziye igihe ntawuzongera kubana n’imyanda aho akorera.

Kalisa Jean Sover, ashimangira ko intambwe itewe ntakuzongera gusubira inyuma , mu ijambo rye yijeje Vice meya Urugeni ko Kimisagara izakomeza kuba ku isonga mu guharanira isuku.

Vice meya ,Urugeni yasoje ijambo ashimira abaturage na Kimisagara ubwitange n’umurava bafite mu kubungabunga isuku.

By: Uwamaliya florence

01/11/2023
Mageragere: Barishimira Ko Bahawe Amarerero Basigamo Abana Babo Bagiye Mu Kazi

Ababyeyi bo mu cyiciro cya mbere bari muri gahunda ya vup yimirimo yamaboko mu murenge wa mageragere mu karere ka nyarungenge barishimira amarerero bahawe. Ni mu gihe mbere iyo bajyaga ku mirimo abana babo basigaraga ntawe ubarera bagasanga abana babo bakomeretse cyangwa bamwe bakareka iyo mirimo. Ubuyobozi bwumurenge wa mageragere buvuga ko kugirango iyi gahunda ijyeho aruko byaje kugaragara ko mbere aba babyeyi bo mu cyiciro cya 1 bari muri gahunda ya vup y’imirimo y’amaboko iyo bajyaga ku mirimo abana babo basigaraga ntawe ubarera.

Mu murenge wa mageragere mu karere ka nyarugenge bamwe mu babyeyi bakora muri vup y’imirimo y’amaboko bavugako bahuraga n’ikibazo cyo kuba baraburaga aho basiga abana babo. Bagiye mu kazi bityo bakarwara indwara ziva kumirire mibi kubera kubura ababitaho. Nyuma yu’ko ubuyobozi bw’umurenge wa Mageragere bubashyiriyeho gahunda y’irerero baje kubona aho basiga abana babo bakabona uko bakora imirimo batuje.

Nishimwe Seraphina umubyeyi urerera mw’irerero rya Gisunzu akagali ka Bunzenze agira ati “twarabatereranaga ugasanga yaguye mu kirombe yanahiye yokejwe nabandi bana kubera kubura umwitaho ariko kurubu ntabishobora kubaho kuko tubashyikiriza abarezi bakabitaho.”.

Mukagakuru Epiphanie akomeza agira ati” twirirwaga turwana nabo mu rugo ariko ubu twarabohotse tubona uko tujya mu kazi turakora tugataha tukajya gufata abana mu marerero.”

Kavoma Norbert umukozi ushinzwe imibereho myiza y’abaturage mu murenge wa Mageragere avuga ko aya marerero abafasha mu kurwanya igwingira ry’abana, ihohoterwa ryabakorerwaga ndetse n’imirire mibi yabo iterwa no kutitabwaho n’ababyeyi mu gihe bagiye mu mirimo kuko babasigaga bonyine ariko ubu bakaba basigara mu marerero babitaho uko bikwiriye

Kavoma Norbert agira ati “nukurinda no gukumira indwara zituruka ku mirire mibi kuko umwana iyo yiriwe mw’irerero bamwitaho umubyeyi we agasanga ameze neza, tubasha kumenya ubuzima bw’abana kuko tuba dufite aho tubarebera tuba dufite umubare w’abana ba buri rerero naho bakorera”

Kuri ubu mu murenge wa mageragere hari amarerero 17 buri rerero harimo abana 15 baturuka mu ngo 15, buri rerero rigira abarimu 7 basimburana umunsi ku wundi. iyi ikaba ari gahunda imaze imyaka 3.

By Uwamaliya Florence

12/31/2022
Umusanzu ukomeye w’Abajyanama b’Ubuzima mu kurandura Malaria

Mu Rwanda hafashwe ingamba zitandukanye zigamije kurandura indwara ya Malaria, aho abaturage bafashwa kubona serivise z’ubuvuzi hafi yabo ku Bajyanama b’Ubuzima ku buryo bivuza hakiri kare itarabazahaza.

Ubukangurambaga bwarakozwe n’ubu buracyakomeje kugira ngo abaturage birinde ariko bumve n’akamaro ko kwivuza hakiri kare igihe barwaye.

Umukozi w’Ikigo cy’Igihugu cy’Ubuzima (RBC) mu ishami ryo kurwanya Malaria, Habanabakize Epaphrodite, aherutse kubwira IGIHE ko Abajyanama b’Ubuzima bakomeje kugira uruhare rurini mu kurandura Malaria.

Ati “Abajyanama b’Ubuzima bagize uruhare rukomeye cyane mu kurwanya Malaria kandi n’ubu barakomeje.”

Hari abatarabyumva

Mu bukangurambaga buri kubera mu Karere ka Nyaruguru bugamije kurandura Malaria bwateguwe n’Umuryango ASOFERWA (Association de Solidarité des Femmes Rwandaises) ku bufatanye na RBC, ku nkunga ya Global Fund, hagaragajwe ko hakiri abaturage batarumva ibyiza byo kwivuriza Malaria ku Mujyanama w’Ubuzima.

Umujyanama w’Ubuzima mu Murenge wa Ngoma mu Karere ka Nyaruguru, Misago Jean, yavuze ko hari abaturage barwara Malaria bagategereza kujya kwa muganga barembye.

Ati “Abaturage baratugana kuko niyo haba nijoro ahita aza tukamusuzuma tukamuvura kandi agakira atararemba. Gusa hari abatarabyumva neza bategereza kuzajya kwa muganga ari uko barembye; niyo mpamvu ubukanguramabaga bukomeje.”

Umuyobozi w’Ishami rya Porogramu muri ASOFERWA, Ndagijimana Bernard, yavuze ko hari abaturage batarumva neza ko bagomba kwihutira kugana Umujyanama w’Ubuzima igihe bagize ibimenyetso bya Malaria, ariko hakomeje ubukangurambaga kugira ngo babyumve.

Yavuze ko imibare bafite yerekana ko kuva muri Nyakanga 2021 kugeza muri Kamena 2022 abarwaye Malaria bagannye Abajyanama b’Ubuzima bazamutseho 1% gusa.

Kuva mu kwezi kwa Karindwi 2021 kugera mu kwa Gatandatu 2022 ibijyanye no kugana Umujyanama w’Ubuzima ku rwego rw’Igihugu mu kwivuza Malaria byavuye kuri 54% bigera kuri 55%.

Mu murenge wa Ngoma ahakorewe ubukangurambaga, imibare yerekana ko mu kwezi kwa Ukwakira 2022 konyine, abarwaye Malaria bagannye Abajyanama b’Ubuzima bari ku ijanisha rya 51.

Bamwe mu baturage bo mu Karere ka Nyaruguru babwiye IGIHE ko kutagana Abajyanama b’Ubuzima igihe bafite ibimenyetso bya Malaria, babiterwaga no kudasobanukirwa neza.

Nyiraneza Jeannette ati “Ntabwo nari nsobanukiwe ko Umujyanama w’Ubuzima yavura Malaria n’abantu bakuru kuko nsanzwe nzi ko avura abana gusa ariko babidusobanuriye neza ko natwe batuvura, ubwo tuzajya tubagana.”

Muri ubwo bukangurambaga hari no kwibandwa ku byiciro bifite ibyago byinshi byo kurwara Malaria birimo abakora akazi ka nijoro nk’abamotari, abanyonzi, abakora uburaya, abatwara amakamyo, abafite ubumuga, abakora ubucuruzi bwambukiranya imipaka, ba Nyakabyizi, abakora akazi k’izamu n’abandi kugira ngo babe mu ngamba neza Malaria irandurwe.

Ubukangurambaga bwakomereje no mu mirenge ya Nyagisozi na Ngera hagamijwe kurandura Malaria.

Abajyanama b’Ubuzima bashimiwe umusanzu bakomeje gutanga mu kurandura Malaria

Abakiri bato nabo bari gutozwa kwirinda Malaria bakurikiza amabwiriza yashyizweho

Abaturage bahawe umwanya wo kubaza ibibazo kuri Malaria

Abasubije neza n’abafashije mu bukangurambaga bashimiwe

Abaturage bo mu Karere ka Nyaruguru biyemeje ubufatanye mu kurandura Malaria

Buri wese yasabwe umusanzu mu kurandura Malaria

Intore Tuyisenge yafashije mu bukangurambaga bwo kurandura Malaria mu Karere ka Nyaruguru

Nyuma y’ubukangurambaga habayeho kwishima no kubyina

Umuyobozi w’Ishami rya Porogramu muri ASOFERWA, Ndagijimana Bernard, yavuze ko hari abaturage batarumva ko bagomba kwihutira kugana Umujyanama w’Ubuzima igihe bagize ibimenyetso bya Malaria, ariko hakomeje ubukangurambaga

By: Uwamaliya florenFlorence

12/26/2022
Abahagarariye Inteko y’u Rwanda n’iya EALA basuye RDF muri Sudani y’Epfo

Visi Perezida wa Sena y’u Rwanda Dr. Mukabaramba Alvera ari kumwe n’abandi Basenateri, abagize Inteko Ishinga Amategeko y’Umuryango w’Afurika y’Iburasirazuba (EALA) baturutse mu Rwanda ndetse n’Abadepite nyarwanda, basuye Ingabo z’u Rwanda ziri mu butumwa bw’Amahoro bw’Umuryango w’Abibumbye muri Sudani y’Epfo (UNMISS).

Iryo tsinda ry’abashyitsi ryari riyobowe n’Umuyobozi wa Diyaspora Nyarwanda muri Sudani y’Epfo, bakaba basuye ibirindiro by’ingabo z’u Rwanda zikorera i Durupi mu Mujyi wa Juba ari na wo Murwa Mukuru w’icyo gihugu.

Iryo tsinda ryakiriwe n’Umugaba w’Ingabo zoherejwe muri ubwo butumwa Col BM Cyubahiro, afatanyije n’abandi basirikare bakuru bari kumwe muri ubwo butumwa bwa Loni.

Bashimiye ndetse baha ikaze Visi Perezida wa Sena y’u Rwanda Dr. Mukabaaramba Alvera n’itsinda bari kumwe, by’umwihariko kuba bafashe umwanya wabo muri gahunda bari bafite, bagasura Ingabo z’u Rwanda ziri mu butumwa bwo kugarura amahoro muri icyo Gihugu.

Uru ruzinduko rwabaye mu gihe i Juba muri Sudani y’Epfo habereye imikino ihuza abagize Inteko zishinga Amategeko mu Muryango w’Afurika y’Iburasirazuba (EAC Inter-Parliamentary Games), yatangiye ku wa Gatanu taliki ya 25 Ugushyingo, ikaba yasoje ku wa Kane taliki ya 1 Ukuboza 2022.

Iyi mikino ngaruka mwaka ibaye ku nshuro ya 12, yahurije hamwe abagize Inteko y’Akarere ndetse n’izibihugu bigize Umuryango w’Afurika y’Iburasirazuba (EAC), ikaba yarafunguwe ku mugaragaro na Perezida wa Sudani y’Epfo Salva Kiir Mayardit.

Ubuyobozi bw’Inteko Ishinga Amategeko ya EAC (EALA) buvuga ko iyo mikino igira uruhare rukomeye cyane mu guhuza no kurema umubano wimbitse mu bagize Inteko zishinga amategeko z’Akarere, abayobozi ndetse n’abaturage b’ibyo bihugu nk’uko bigaragara mu gika cya mbere cy’ingingo ya 49 mu masezerano ashyiraho EAC.

Insanganyamatsiko y’uyu mwaka yagiraga iti: “Kwagura no kwimbika mu kwihuza k’Umuryango binyuze mu kongera ibikorwa byimakaza isura nziza y’Umuryango mu baturage bawo.”

Abagize Inteko Zishinga Amategeko barushanijwe muri siporo zitandukanye uhereye ku mupira w’amaguru, basketball, gusiganwa n’amaguru, , tug-of-war, volleyball n’indi mikino itandukanye harimo no kuba uyu mwaka harazanywemo imikino yihariye y’abafite ubumuga.

12/02/2022
Kanye West yahagaritswe kuri twitter nyuma yo gutakagiza Abanazi na Hitler

Amagambo atavugwaho rumwe y’umuraperi Kanye West akomeje kuba menshi, aho kuri iyi nshuro yavuze ko akunda Umudage, Adolf Hitler wayoboye Jenoside yakorewe Abayahudi, kimwe n’aba-Nazi bayigizemo uruhare.

Kanye West wiyise Ye, yari mu kiganiro n’urubuga Infowars, aganira na Alex Jones. Yari yipfutse mu mutwe, isura itagaragara.

Muri icyo kiganiro, Jones yamubajije uburyo ashyigikiye Hitler n’ibitekerezo by’aba-Nazi, maze West agaruka ku byo yise “ibyiza” by’uyu muyobozi w’ba-Nazi, asoza avuga ati “nkunda Hitler”.

Yakomeje ati “Buri kiremwamuntu cyose gifite icyiza cyatanga, yewe na Hitler.”

Yaje kugera n’aho avuga ko aba-Nazi bayobowe na Hitler batishe abayahudi miliyoni esheshatu.

Ni igikorwa mu Budage gifatwa nko guhakana Jenoside yakorewe Abayahudi.

Ku nshuro nyinshi, Ye, yavanywe mu kanwa ke amagambo ashimangira ko akunda Hitler ndetse ko aba-Nazi “hari n’ibyiza bari bafite.”

Yakomeje ati “Dukwiye guhagarika buri gihe kurimira ibisinde ku ba-Nazi… Nkunda aba-Nazi.”

Ye afite ikibazo cyo mu mutwe gituma imyitwarire ye idahozaho (bipolar disorder), ibintu byatumye akoresha imvugo zifatwa nk’izihembera urwango, bigatuma ibigo bikomeye bigenda bimucikaho.

Ni ibikorwa bisaga ibindi amazemo iminsi, byatumye atakaza amasezerano menshi y’ubucuruzi yari afitanye n’ibigo bikomeye nka Balenciaga, the Gap na Adidas Adidas yahagaritse amasezerano bari bafitanye afite agaciro ka miliyari 1,5$, nyuma yo kuvuga ko Abayahudi bamwibasiye, maze “bamira ijwi ry’abirabura”.

Iki kiganiro gishya yagikoze nyuma y’iminsi mike ahuye na Donald Trump n’umwe mu bahezanguni b’abazungu, Nick Fuentes, ku buryo byongereye uburakari mu bantu.

Nyuma y’icyo kiganiro, ikigo Parler cyatangaje ko ihererekanya cyateganyaga gukorana na Kanye West maze akegukana urwo rubuga nkoranyambaga, rihagaritswe.

Parlement Technologies yatangaje kuri uyu wa Kane ko yo n’uyu muraperi wiyise Ye bemeranyije kudakomeza ubu bucuruzi

12/02/2022