Miliyoni 10USD Zashowe m’ Ubuhinzi Na PROPARCO Binyuze muri One Acre Fund “Tubura”
Umuryango w’abafaransa proparco ushizwe iterambere wahaye amafaranga miliyoni 10 USD z’amadorali y’Amerika umuryango wa One Acre Fund uzwi nka “Tubura” usanzwe ukorera mu Rwanda no mubindi bihugu bya Afurika.
Miliyoni 10 USD z’amadorali zatanzwe mu rwego rwo kuzamura ibiribwa n’umusaruro w’ubuhinzi w’abaturage basanzwe bo muri afurika.
Umuryango One Acre Fund “Tubura” ukorera mu bihugu 9 byo muri afurika aribyo Ethiopia, Malawi, Nigeria, Rwanda, Uganda, Burundi, Tanzania, Kenya and Zambia. Hakaba harimo abahinzi bagera kuri miliyoni 2 bo mu Rwanda ukongeraho miliyoni 1 bo muri Kenya n’abandi basaga 500 bo muri Malawi.
One Acre Fund ni umuryango udaharanira inyungu ukaba ufasha abahinzi gutanga ibiribwa byinshi, kongera umusaruro wabo no guteza imbere guhangana n’imihindagurikire y’ikirere n’ihungabana ry’ubukungu binyuze mu buhinzi bw’amashyamba n’izindi serivisi zijyanye n’abahinzi bakiri bato.
One Acre Fund ikorera mu turere twose tw’igihugu ukuyemo utwo mu mujyi wa Kigali, bakaba bafite umufashamyumvire kuburi Kagali aho afasha abaturage kubigisha uko ifumbire cyangwa imbuto baguze ikoreshwa. Bakaba kandi bakorana n’umuhinzi ku giti cye aho batanga imbuto cyangwa ifumbire mu gihe cyihinga ubundi mw’isarura umuhinzi akaba aribwo azishyura ibyo One Acre Fund Yamuhaye.
By: Bertrand Munyazikwiye
