Afurika y’Epfo: Abantu 844 bahitanywe na COVID-19 mu munsi umwe
Mu gihe hamaze iminsi havugwa ubwoko bushya bwa COVID-19 yibasiye Afurika y’Epfo, ku wa 6 Mutarama 2021, iki cyorezo cyahitanye abantu 844 mu munsi umwe, byatumye umubare w’abamaze guhitanwa nayo bose muri iki gihugu uba 31 368.
Minisitiri w’Ubuzima, Zweli Mkhize, yatangaje ko kuri uyu wa Gatatu habonetse abanduye bashya bagera ku 21 832.
Muri iki gihugu habaye ubwiyongere bw’abandura ndetse n’abahitanwa na COVID-19 aho mu mwaka washize muri Nyakanga abantu bapfaga ku munsi umwe bari 572, mu gihe abanduraga bari ibihumbi 18 ku munsi.
Kugeza ubu, kuva icyorezo cya Coronavirus cyagera muri Afurika y’Epfo hamaze kwandura miliyoni 1.15, muri bo hakaba harakize abagera ku bihumbi 929.
Afurika y’Epfo habonetse abantu basaga 800 bahitanywe na Covid-19 umunsi umwe
