BREAKING: Karasira Aimable wari ufungiye i Mageragere yapfuye

Uzaramba Karasira Aimable wari ugeze ku musozo w’igihano yakatiwe n’urukiko yapfuye, aho bivugwa ko yapfuye akimara kugezwa ku bitaro bya Nyarugenge, bikaba bikekwa ko yaba yazize kunywa imiti irengeje igipimo yari yandikiwe na muganga.

Aya makuru yatangajwe n’Urwego rw’u Rwanda rushinzwe Igororero (RCS) kuri uyu wa Kane tariki ya 07 Gicurasi 2026.

RCS yavuze ko urupfu rwa Karasira rwabaye mu buryo butunguranye, ndetse ko hakomeje gukorwa iperereza rigamije kumenya neza icyaba cyateye uru rupfu.

Amakuru y’ibanze agaragaza ko hakekwa ko yaba yanyoye imiti irenze igipimo yari yarandikiwe n’abaganga, gusa inzego zibishinzwe ziracyakusanya amakuru kugira ngo hamenyekane ukuri ku byabaye.

Karasira yari afungiye mu Igororero rya Nyarugenge rizwi nka Mageragere, aho yari ageze ku musozo w’igihano yari yarakatiwe n’urukiko cy’imyaka itanu.