Papa ariteguriye kugirira uruzinduko mu Akarere ka Afrika y’Amajyefo

Papa Francis arateganya kugirira uruzinduko  mu bihugu bya   Mozambike, Madagascar n’Ikirwa  cya Maurice mu kwezi kwa cyenda uyu mwaka.

Ibi n’ibitangazwa n’Ibiro ntaramakuru  AFP aho bisubiramo ibyatangajwe n’ibiro bya Papa i Vaticano.

Umukuru w’igihugu cya Mozambike, Filipe Nyusi, yari yatumiye Papa Francis mu gihe yari mu rugendo i Vaticani mu mwaka ushize wa 2018.

Mu kumusubiza , yavuze asa n’uwiganirira ko azitabira ubwo butumire ati “ni mba nkiri muzima”.

Mu mwaka wa 2015, Papa Francis yagiriye uruzinduko mu bihugu bya Kenya, Uganda na  Republika ya Afrika yo hagati (Republique Centre Africaine).

Mu mwaka wa 2017, yari yagize uruzinduko mu gihugu cya Misiri, mu mpera z’uku  kwezi naho akaba yitezwe muri Maroc.