Hari icyizere ku ntungamubiri ishobora kwifashishwa mu guhashya coronavirus mu mubiri
Sorrento , Sosiyete ikora imiti iherereye i California muri Leta Zunze Ubumwe za Amerika yatangaje ko iri gukora intungamubiri izabasha kubuza coronavirus kwinjira mu mubiri w’umuntu, ikaba ivuga ko ari intambwe nziza iganisha ku kubona umuti w’icyo cyorezo kimaze guhitana benshi , kuko n’ubundi yari yarakoze izi ntungamubiri mu guhangana “100% na SARS-CoV-2 nkuko bitangazwa na https://techcrunch.com.
Iyi ntungamubiri yitwa STI-1499 yageragejwe kandi iri gutanga icyizere ugereranyije n’indi miti myinshi bagerageje.
Mu gihe gukora urukingo rwa coronavirus bishobora gutwara umwaka cyangwa ibiri, Sorrento yatangaje ko izo ntungamubiri zakwifashishwa mu kugabanya umubare w’abakomeje guhitanwa na coronavirus.
Izi ntungamubiri zihashya coronavirus, ziterwa mu mubiri w’umuntu zikajya mu tunyangingo tw’umubiri tuzwiho kuba indiri ya coronavirus, ku buryo mu gihe iyo virus izajya iba yinjiye mu mubiri, izo ntungamubiri zihita ziyikumira.
Uwo muti ntabwo uremezwa neza, ukazabanza kunyura mu masuzuma azakorerwa ku nyamaswa.
