Abanya-Tanzania babiri bangiwe kwinjira muri Kenya nyuma yo gusangwamo Coronavirus
Minisiteri y’Ubuzima muri Kenya yatangaje ko kuri uyu wa Kabiri, Abanya-Tanzania, babiri bangiwe kwinjira muri iki gihugu nyuma yo gupimwa bagasangwamo Coronavirus. Ibi byabereye ku mupaka wa Isibania.
Ubuyobozi bwa Kenya bwafashe icyemezo cy’uko abatwara amakamyo bagiye kwinjira mu gihugu babanza gupimirwa Coronavirus ku mupaka, ni icyemezo kitakiriwe neza n’abatwara amakamyo.
Bavuga ko bituma amagana y’abashoferi baguma ku mupaka igihe kirekire bategereje ibisubizo byabo. Nko ku mupaka wa Namanga gusa haba hari imodoka zirenga 300.
Ku mupaka wa Horohoro, abashoferi banze gupimwa hatari abagenzuzi b’abaganga bo muri Tanzania aho bakomoka. Muri Kenya abamaze kwandura Coronavirus bagera kuri 715, hamaze gukira 259, abandi 36 bamaze kwicwa n’iki cyorezo.
Src:Igihe
