USA: Iyegura Rikurikiye Amagambo ya Trump kuri Iran”
Umwe mu bayobozi bakomeye muri Leta Zunze Ubumwe za Amerika ushinzwe kurwanya iterabwoba, Joe Kent, yeguye ku mirimo ye nyuma yo kutumvikana n’ubuyobozi bwa Perezida Donald Trump ku bijyanye n’intambara iri hagati ya Amerika na Iran.
Uyu muyobozi wari uyoboye ikigo cya National Counterterrorism Center, yatangaje ko atagishoboye gushyigikira iyi ntambara, agaragaza ko Iran itigeze iteza ikibazo cyihutirwa (imminent threat) ku mutekano wa Amerika.
Nk’uko byatangajwe n’ibitangazamakuru mpuzamahanga, Joe Kent yagize Ati.
“Sinshobora gushyigikira iyi ntambara mu mutima wanjye wose, kuko Iran itigeze iteza ikibazo cyihutirwa ku gihugu.”
Ibi bivuze ko amagambo yavuzwe mbere n’ubuyobozi bwa Amerika asobanura ko Iran yari iteje ikibazo gikomeye ashobora kuba atariyo nk’uko byemezwa n’abari mu nzego z’umutekano.
Iyegura rya Joe Kent rifatwa nk’ikimenyetso gikomeye cy’uko hari ukutumvikana gukomeye imbere mu buyobozi bwa Amerika ku mpamvu nyazo zateye iyi ntambara.
Uyu muyobozi yavuze ko iyi ntambara ishobora kuba yaratewe n’inyungu za politiki n’igitutu cy’abafatanyabikorwa, aho bamwe bavuga ko hari uruhare rw’ibindi bihugu mu gutuma Amerika ifata icyemezo cyo gutera Iran.
Impaka ku mpamvu y’intambara
Perezida Donald Trump yari yatangaje ko igitero cyagabwe kuri Iran cyari kigamije gukumira ibitero byari byugarije Amerika.
Ariko amagambo ya Joe Kent n’andi makuru ava mu nzego z’ubutasi agaragaza ko nta gihamya ihagije yerekana ko Iran yari igiye kugaba igitero cyihutirwa.
Icyo ibi bisobanuye ku isi
- Ibi bishobora kongera impaka ku byemezo bya Amerika mu bijyanye n’intambara
- Byerekana ko hari ugushidikanya ku makuru yifashishwa mu gufata ibyemezo bikomeye
- Bishobora kugira ingaruka ku mubano wa Amerika n’ibindi bihugu byo mu Burasirazuba bwo Hagati
Iyegura rya Joe Kent ritumye havuka ibibazo bikomeye ku kuri n’ishingiro ry’intambara ya Amerika na Iran.
Mu gihe Perezida Trump yakomeje gushimangira ko igihugu cye kirinda umutekano wacyo, bamwe mu bayobozi bo mu nzego z’umutekano bo bagaragaza ko iyo ntambara ishobora kuba itari ifite impamvu zihagije.
