USA: Abantu 46 basanzwe bapfiriye mu ikamyo

Nibura abantu 46 bikekwa ko ari abimukira, basanzwe mu ikamyo barapfuye iparitse ku muhanda w’i San Antonio muri Leta ya Texas muri Amerika.

Umwe mu bayobozi wageze kuri iyo kamyo, yavuze ko hari 16 barimo abana bane bajyanywe kwa muganga. Abo barokotse, bari bafite ubushyuhe bwo hejuru, barwaye indwara zitandukanye zishobora gutuma bapfa.

Aho iyo kamyo yabonetse ni mu bilometero 250 uvuye ku mupaka wa Mexique na Leta Zunze Ubumwe za Amerika. Ubusanzwe abacuruza abantu bakunze gukoresha amakamyo mu kwinjiza mu gihugu abantu badafite ibyangombwa .

Bivugwa ko abo bantu bishwe n’ubushyuhe bwinshi bwabateye umwuma. Ntabwo ari ubwa mbere ibintu nk’ibi bigaragaye muri Amerika kuko no mu 2017, abimukira 10 basanzwe mu ikamyo bapfuye.

Abantu 46 basanzwe bapfiriye mu ikamyo yari iparitse ku muhanda