imena news

Blog

  • Kwibuka31: Ubutumwa bwa Jean Damour Kamayirese ku rubyiruko

    Kwibuka31: Ubutumwa bwa Jean Damour Kamayirese ku rubyiruko

    Kwibuka kunshuro ya 31 Jenoside yakorewe abatusti mu 1994, Umurenge wa Kimisagara wibutse inzirakarengane ziciwe mucyahoze ari segiteri ya Kimisagara.

    Abayobozi batandukanye bari bitabiriye igikorwa cyo kwibuka jenoside yakorewe Abatutsi mu 1994, mu Murenge wa Kimisagara

    Tariki ya 16 Mata 2025 hafi y’ ibiro by’Umurenge wa Kimisagara niho habereye umuhango wo Kwibuka abazize Jenoside yakorewe Abatusti mu 1994 ku nshuro 31 ku rwego rw’ Umurenge.

    Iki gikorwa cyitabiriwe n’abayobozi b’inzego zitandukanye barimo Hon. Senateri Nyirasafari Esperance, Hon. Depite Kalisa Jean Sauveur, Umuyobozi wungirije w’Akarere ka Nyarugenge, Uwamahoro Jenevieve, abahagarariye IBUKA, inzego z’umutekano, n’ urugaga rw’abikorera mu Rwanda (PSF) ndetse n’ubuyobozi bw’ihuriro ry’abakora ibikomoka kumpu (Kigali Leather Cluster) barangajwe imbere n’umuyozi wabo Bwana Kamayirese Jean D Amour, yewe n’ abaturage bo mu Murenge wa Kimisagara

    Umuyobozi w’ Urugaga rw’ Abakora ibikomoka ku mpu, Jean Damour Kamayirese, usanzwe ufite ibikorwa bitandukanye mu Murenge wa kimisagara yavuzeko yifatanyije n’Abanyarwanda bose muri rusange muri ibi bihe bidasanzwe aho abanyarwanda bose bibuka ababo bazize jenoside yakorewe Abatutsi 1994 kandi anashimira leta y’ ubumwe yo yahaye  amahirwe abanyarwanda bose yo gufatanya kubaka Igihugu ntamacakubiri akairangwamo.

    Kamayirese Jean Damour, umuyobozi wa Kigali Leather cluster

     Jean Damour Ati. “Twe Abanyarwanda nitwe tugomba kubaka igihugu cyacu kuko Amahirwe twahawe ntago tugomba kuyapfusha ubusa niyo mpamvu tugomba kwibuka twiyubaka, tureba kure twavuye bityo bikadufasha gukomeza gukura kuburyo ibyabaye bitakongera kuba ukundi”.

    Jean Damour akomeza yibutsa urubyiruko ko arirwo Rwanda rw’ejo bityo ko aya mateka bagomba kuyigiraho byinshi.

    Ati. “Ndashishikariza urubyiruko rukoresha imbuga nkoranyambaga kwitwararika kandi bakamenya amateka y’ igihugu cyabo kuburyo ntawugomba kuyatobanga uko yishakiye, bityo rero tugomba guhagarara tugahangana n’abagenda bavuga u Rwanda ntabi kuko twese dufatanyije ntacyo tutageraho.

    Kigali Leather Cluster kubufatanye n’ ubuyobozi bw’ Umurenge wa Kimisagara n’abandi bafite ibikorwa bitandukanye biherereye muruyu murenge, bafasha kwiyubaka no kwiteza imbere  Abarokotse Jenoside yakorewe Abatutsi mu 1994 bo mu Murenge wa Kimisagara.

    Umwanditsi wa Imena

  • Teta Sandra yasabye imbabazi nyuma y’ubutumwa bupfobya Jenoside yashyize ku mbuga nkoranyambaga

    Teta Sandra yasabye imbabazi nyuma y’ubutumwa bupfobya Jenoside yashyize ku mbuga nkoranyambaga

    Umunyamideli akaba yarigeze no kuba igisonga cya Miss SFB Teta Sandra yasabye imbabazi kuba ubutumwa aherutse gucisha kuri Snapchat bwafashwe nk’ubupfobya Jenoside yakorewe Abatutsi mu mwaka wa 1994.

    Uyu mugore wa Weasel w’icyamamare Weasel cyo muri Uganda  hari aho yagize ati: “Turibuka umubare munini w’Abatutsi bishwe ariko n’Abahutu n’abandi batemeranyaga na Jenoside.”

    Ku wa 07 Mata 2025 ku Munsi Mpuzamahanga Ngarukamwaka Isi yose yifatanya n’u Rwanda kwibuka Jenoside yakorewe Abatutsi mu 1994, yahitanye abarenga miliyoni mu mezi atatu gusa nibwo Teta yanditse biriya.

    Abantu benshi barimo n’abakora mu Rwego rw’Igihugu rw’Ubugenzacyaha babifashe nko gupfobya Jenoside ariko nawe aza gusanga yarengereye arigarura asaba imbabazi.

    Umuvugizi wa RIB, Dr. Murangira B. Thierry, yabwiye Imvaho Nshya ko iyo  asesenguye ibyo Teta yashyize ku mbunga nkoranyambaga ze akareba ibyo amategeko ateganya ubona ko yarenze ku byo itegeko riteganya.

    Ati “Jenoside yakorewe Abatutsi kandi ni yo yibukwa na ho kongeraho ibindi ni ukunyuranya n’ingingo ya gatanu y’iryo tegeko navuze.”

    Bucyeye  bw’aho Sandra Teta yaranditse ati, “Ndasaba imbabazi ku butumwa bwabanje bujyanye no kwibuka Jenoside yakorewe Abatutsi mu 1994 mu Rwanda.

    akomeza agira Ati. “Nabukuye ku rubuga (website) runaka. Icyakora nifatanyije n’Abanyarwanda bose. Jenoside yakorewe Abatutsi mu 1994 ntizongere ukundi.”

    Itegeko ryo mu mwaka wa  2018 ryerekeranye n’icyaha cy’ingengabitekerezo ya Jenoside n’ibyaha bifitanye isano na yo, rivuga ko guhakana Jenoside bishingiye ku kuvuga cyangwa kugaragaza ko Jenoside atari Jenoside; kugoreka ukuri kuri Jenoside agamije kuyobya rubanda, kwemeza ko mu Rwanda habaye jenoside ebyiri no kuvuga cyangwa kugaragaza ko Jenoside itateguwe.

    Rikomeza rivuga ko gupfobya Jenoside bigizwe no kugabanya uburemere cyangwa ingaruka za Jenoside, koroshya uburyo Jenoside yakozwemo no kugaragaza imibare itari yo y’abazize Jenoside.

    Uhamijwe icyaha cyo gupfobya Jenoside cyangwa kuyihakana kuri buri kimwe ahanishwa igifungo kitari munsi y’imyaka itanu ariko kitarenze imyaka irindwi n’ihazabu itari munsi y’ibihumbi 500 Frw ariko atarenze miliyoni 1 Frw.

    Teta Sandra yabaye igisonga cya Nyampinga w’iyahoze ari SFB mu 2011, nyuma yerekeza mu Mujyi wa Kampala aho yateguraga ibitaramo bitandukanye mu tubari dukomeye.

    Muri Mata 2023 ni bwo Teta Sandra yasubiye muri Uganda asanze Weasel bari bamaze igihe batabana kubera ibibazo byarimo kuba uyu mugabo yaramukubitaga bikomeye bituma yitahira mu Rwanda muri Kanama 2022.

  • Umuvugizi wungirije wa Guverinoma, Alain Bernard Mukurarinda yitabye Imana

    Umuvugizi wungirije wa Guverinoma, Alain Bernard Mukurarinda yitabye Imana

    Mu gitondo cyo kuwa Gatanu, hatangiye gucicikana amakuru y’uko Alain Bernard Mukurarinda yitabye Imana, gusa bamwe bakomeje gushidikanya kuri ayo makuru kugeza ubwo ibiro by’umuvugizi wa Guverinoma byayemezaga binyuze mu itangazo ryabyo, rivuga ko yitabye Imana azize indwara y’umutima.

    Alain Mukurarinda yavukiye mu Ntara y’Amajyaruguru, ariko nyuma we n’umuryango we bimukira i Kigali. Amashuri abanza yayize i Rugunga, akomereza ayisumbuye i Rwamagana, nyuma akomereza Kaminuza mu Bubiligi aho yize amategeko.
    Nyuma yo gusoza amasomo ye, yagarutse mu Rwanda mu mwaka wa 2002, atangira akazi k’ubushinjacyaha kugeza mu 2015.

    Mukurarinda yari umugabo wakundwaga n’abatari bake, azwiho impano nyinshi: yari umuhanzi, umukunzi w’umupira w’amaguru, umunyamategeko w’inzobere, ndetse n’umunyapolitiki wakoraga akazi k’ubuvugizi muri Guverinoma. Inkuru y’urupfu rwe yababaje benshi kuko abenshi batari bazi ko arwaye.

    Yari umwe mu bantu urubyiruko rwibonagamo kubera inama nziza yajyaga atanga, uburyo yakundaga kuganira n’abantu, ndetse n’uko yatezaga urwenya.

    Hari umugani w’Ikinyarwanda ugira uti: “Abeza ntibaramba.” Uyu mugani wagarutse mu mitima ya benshi nyuma y’urupfu rwa Alain Mukurarinda, witabye Imana afite imyaka 55, aho yari arwariye mu bitaro byitiriwe Umwami Faisal.

    Imana imwakire mu bayo, imuhe iruhuko ridashira. Azahora yibukwa mu mitima y’Abanyarwanda n’abandi bose bamukundaga.

  • Aho urugamba rugeze rwo kurandura SIDA mu Rwanda

    Aho urugamba rugeze rwo kurandura SIDA mu Rwanda

    Mu myaka yashize, u Rwanda rwafashe ingamba zikomeye mu kurwanya icyorezo cya SIDA, kikaba kimaze imyaka irenga 40 kiri mu byorezo byibasiye isi. Ubu, igihugu cyigeze ku ntera ishimishije, kugeza ubwo kiri mu bihugu bike muri Afurika byujuje intego z’ Umuryango Mpuzamahanga wa UNAIDS zizwi nka 95-95-95.

    • 95% by’abanduye virusi itera SIDA (HIV) bazi uko bahagaze.
    • 97% muri bo bari ku miti igabanya ubukana (ARV).
    • 98% bafite igipimo cy’iyi virusi kiri hasi cyane ku buryo batayanduza abandi (viral suppression).

    Ibi byose byashobotse kubera imbaraga igihugu cyashyize mu gusuzuma, gutanga imiti ku buntu no gukurikirana abarwayi.

    • Igipimo cy’ubwandu: 2.7% ku rwego rw’igihugu mu bantu bafite imyaka 15-49, abagore bafite 3.7% naho abagabo 1.7%.
    • Abanduye HIV mu gihugu: Basaga 230,000, muri bo 96% bazi uko bahagaze, 92% bari ku miti ya ARV.
    • Umujyi wa Kigali: Ufite igipimo kiri hejuru ya 6.3%, kirusha kure igipimo cy’igihugu.

    Urubyiruko, cyane cyane abakobwa n’abangavu bafite hagati y’imyaka 15-24, ni bo bafite ibyago byinshi byo kwandura. Abashya bandura HIV, 1 kuri 4 ni umukobwa muto. Ibi bituruka ku mpamvu zirimo:

    • Kubura amakuru ahagije ku myitwarire iboneye mu mibonano mpuzabitsina.
    • Ihohoterwa rishingiye ku gitsina.
    • Ubukene n’ubusumbane hagati y’abagabo n’abagore.
    • Imiti ya ARV itangwa ku buntu.
    • Ubu bwitabire ku buvuzi ni bwo buri hejuru kurusha ibihugu byinshi byo ku mugabane wa Afurika.
    • Ku bana bafite virusi, 80% bari ku miti, ariko 71% gusa ni bo bazi uko bahagaze.

    Mu mwaka wa 2024, u Rwanda rwatangiye gutanga PrEP (Pre-Exposure Prophylaxis), urukingo rutangwa mbere y’uko umuntu yandura, by’umwihariko ku bantu bafite ibyago byo kwandura nk’indaya, urubyiruko rwishora mu mibonano mpuzabitsina idakingiye n’abandi.

    • Ivangura n’icyasha (stigma): Abantu bamwe baracyahisha indwara, bigatuma batinya kwisuzumisha cyangwa kujya kwivuza.
    • Abana bato: Haracyari ikibazo mu gusuzuma abana no kubashyira ku miti hakiri kare.
    • Ubushobozi: Nubwo hari intambwe, ubushobozi buke mu by’ubuvuzi no kugera kuri buri wese biracyari imbogamizi.

    U Rwanda rwihaye intego yo kurandura SIDA nk’ikibazo cy’ubuzima rusange bitarenze 2030, hakoreshejwe:

    • Kongera ubukangurambaga mu rubyiruko.
    • Gushyigikira ubuvuzi buhoraho.
    • Gukuraho ivangura n’icyasha.
    • Guhuza imbaraga n’abafatanyabikorwa bo mu rwego rw’igihugu n’isi yose.

    U Rwanda rumaze gukora byinshi, ariko urugamba ruracyakomeje. Kugira ngo intego yo guhashya SIDA igerweho, buri wese arasabwa kugira uruhare binyuze mu kwipimisha, kwirinda, kudatinya kuvuga no gufasha abandi kubona ubuvuzi.

    SIDA iracyahari, ariko iravurwa kandi iririndwa. Wipimishe, wirinde kandi ubwire n’abandi.

  • Ibitekerezo by’akoresha imbugankoranyambaga ku ihagarikwa ry’ umubano w’ u Rwanda n’ u Bubiligi

    Ibitekerezo by’akoresha imbugankoranyambaga ku ihagarikwa ry’ umubano w’ u Rwanda n’ u Bubiligi

    Leta y’u Rwanda yahagaritse umubano warwo n’u Bubiligi, iha abadipolomate babwo amasaha 48 yo kuba bavuye ku butaka bw’u Rwanda.

    nyuma yuko iri tangazo rigiye hanze abakoresha imbugankoranyambaga bagiye kure no kugira ibyo bavugaho kubijyane n’ umubano w’u Rwanda n’ u Bubiligi warumaze iminsi ujemo agatotsi.

    Dore bimwe mu bitekerezo twashoboye kwegeranya.

    Ubwanditsi bw’ Imena

  • Ishimwe Dieudonne wamenyekanye nka prince kid yafatiwe muri Amerika.

    Ishimwe Dieudonne wamenyekanye nka prince kid yafatiwe muri Amerika.

    Prince kid wari waratorotse ubutabera bw’ u Rwanda nyuma yogukatirwa imyaka itanu yafatiwe muri leta zunze ubumwe za amarika.

    Imyaka isaga itatu yari ishize ishimwe Kagame Dieudonne uzwi cyane ku izina rya prince kid yihishe nde ntanuvugako yamubonye nyuma yuko yatorotse ubutabera muri 2022 amaze guhamwa nibyaha yaregwaga urukiko rukamukatira imyaka itanu.

    mukiganiro nabanyamakuru umuvugizi wujyirije wa goverinoma alain mukurarinda yavuzeko prince kid azafatwa agashyikirizwa ubutabera gusa mugihe yaba atabonetse mu gihugu bazitabaza inzego mpuzamahanga ariko agafatwa.

    Byaje kuba rero ubwo prince kid yafatirwaga muri leta zunze ubumwe za Amarika n’ urwego rushinzwe abinjira nabasohoka muri     America (ICE) rukaba rwatangajeko rwafashe uyu ishimwe Kagame Dieudonne wimyaka 38 tariki 3 werurwe mu mujyi wa texas.

    bakomeza bavugako bamufashe hakurikijwe urupapu rwokumuta muri yombi rwatanzwe nubushinjacyaha bw’u Rwanda muri 2024 mu kwezi kwa 10.

    Prince kid wari uhagarariye Rwanda inspiration backup yateguraga amarushanywa ya nyampinga guhera 2014 yahamijwe ibyaha bibiri harimo no gukoresha imibonano mpuzabitsina kugahato ndetse nicyo gusaba gukora ishimisha mubiri rishijyiye kugitsina.

    Uyu prince kid yajyanywe munkiko gicurasi 2022 kurukiko rwibanze rwa kicukiro aregwa ibyaha bitatu gusa yaje guhamwa na bibiri gusa akatirwa imyaka itanu.

    Urubanza rwa prince kid nurubanza rutari rworoshye kuko nurubanza rwaburanishijwe mu muhezo ndetse nyuma yokujurira uyu ishimwe aza nokujyirwa umwere nurukiko rukuru rwisumbuye rwa nyarugenge ndetse rutegeka guhita arekurwa gusa ntibyatinze kuko mutarama 2023 nibwo ubushinja cyaha byajuriye kumwanzuro urukiko rwari rwarasomye.

    ifugwa rya prince kid rikomeje kuvugisha abataribacye kumbuga nkoranya mbaga.

    Ishimwe Dieudonne afujyiwe muri leta zunze ubumwe za America muri ICE mugihe hatejyerejwe igihe azashyikirizwa inzego zibishinzwe z’ u Rwanda.

    Umwanditsi: Uwanyirigira Diane

  • Ibikorwa n’ intego by ’umushinga SAIP ufasha abahinzi 45000

    Ibikorwa n’ intego by ’umushinga SAIP ufasha abahinzi 45000

    Itangazamakuru n’abakoresha imbugankoranyambaga bari murugendo rugamije gusuzuma uko umushinga wo guhinga neza no kwihaza mu biribwa (Sustainable Agricultural Intensification and Food Security Project – SAIP) ugeze ku ntego zawo mu karere ka Gatsibo.

    Uyu mushinga ufite uruhare rukomeye mu kongera umusaruro w’ubuhinzi, guteza imbere ubucuruzi bw’ibikomoka ku buhinzi, no gushimangira umutekano w’ibiribwa mu gihugu binyuze mu kigo cy’Igihugu gishinzwe Iterambere ry’Ubuhinzi n’Ubworozi (RAB), mw’ ishami rishinzwe iyubahirizwa ry’imishinga (Single Project Implementation Unit – SPIU), ukaba uterwa inkunga n’ ikigega mpuzamahanga cy’Iterambere ry’ubuhinzi n’umutekano w’Ibiribwa (GAFSP – Global Agriculture & Food Security Program) binyuze muri Banki y’Isi

    Uyu mushinga ni ingirakamaro ku bahinzi n’abakora ubucuruzi bw’ibikomoka ku buhinzi, kuko ubafasha kwiteza imbere no kubona isoko ry’umusaruro wabo.

    Mu ntego zuyu mushinga harimo Kuzamura umusarurow’ubuhinzi binyuze Gushyira mu bikorwa ubuhinzi burengera ikirere, kuhira imyaka, no kunoza uburyo bwo gutunganya ubutaka,

    Kwagura isoko n’iterambere ry’inganda zitunganyaumusaruro binyuze muri gahunda yo gufasha ubucuruzi bw’ibikomoka ku buhinzi, kunoza uburyo bwo kubika umusaruro nyuma yo kuwusarura, no guhuza abahinzi n’amasoko.

    Harimo kandi no Kongerera abahinzi ubushobozi gutanga amahugurwa mu bijyanye n’ubucuruzi bw’ubuhinzi, imiyoborere y’amakoperative, n’imikoreshereze y’ubuhinzi bugezweho.

    Gukoresha neza ubutaka n’amazi mu buryo burambye no gushora imari mu bikorwa byo kuhira imyaka, kurinda inkombe z’imigezi n’imisozi, no guteza imbere ubuhinzi burengera ibidukikije.

    Kunoza imirire n’umutekano w’ibiribwa Guteza imbere indyo yuzuye no gushimangira uburyo bwo kubona ibiribwa bikwiye.

    Uyu mushinga watwaye asaga Miliyoni $20 z’ amadolari, ukaba ufasha abahinzi bagera ku 45000 bibumbiye mu makoperative abarizwa mu turere 20 two mu ntara 3 arizo, Intara y’ Amajyepfo, Iburasirazuba n’ Iburengerazuba, bikaba byitezweko bazongeraho abanda bahinzi 2000.

    Umwanditsi w’ Imena

  • Ibiciro by’ umukino udasanzwe uzahuza APR na Rayon byatangajwe.

    Ibiciro by’ umukino udasanzwe uzahuza APR na Rayon byatangajwe.

    Umunsi w’imbonekarimwe, umwe mu minsi ikunze gutera ibyishimo abakunzi b’umuprira w’ amaguru n’abanyarwanda muri rusange dore ko benshi bavuga ko ari ubukwe, amatike yuy’umukino uzahuza ikipe ya APR na Rayon Sport yagiye hanze.

    Uyu mukino uteganyijwe kuba tariki ya 9 Werurwe 2025, ukazaba ari umunsi wa 20 wa shampiyona y’umupira w’amaguru mu Rwanda, iminsi ikaba iri kubarirwa ku ntoki kugirango ibi bikura nkota byesurane.

    Ni umukino uzabera kuri stade amahoro saa cyenda z’amankwa, ukaba ujyiye kuba Rayon Sport iyoboye shampiyona aho irusha amanita 2 APR.

    Ubuyobozi bw’ikipe ya APR izakira umukino, bwatangaje ko guhera tariki ya 7 kugeza ku munsi w’umukino. amatike azaba ari 5000 Frw, 7000 Frw, 40,000 Frw na 120,000 Frw, ndetse na 1000,000 Frw, naho mbere yahoo ubu amatike arimo kugura amafaranga 3000 Frw, 5000 Frw, 30,000 Frw, 50,000 Frw, 100,000 Frw na 1,000,000 Frw.

    Uburyo buri gukoreshwa kugeza ubu kugirango ubone iteke ukanda *939#.

    Umukino wabanje amakipe yombi yaguye miswi  0 – 0

    Uyu mukino uzasiga hamenyekanye niba Rayon izakomeza kuyobora urutonde rwa shampiyona ndetse no kwanikira mukeba wayo APR, ariko nanone APR nayo ifite igikombe cya shampiyona cy’umwaka ushize ifite amahirwe yo gutsinda nayo ikayobora urutonde.

    Umwanditsi w’ Imena.

  • Dr. Utumatwishima yahumurije urubyiruko Kubihano biri gufatirwa u Rwanda

    Dr. Utumatwishima yahumurije urubyiruko Kubihano biri gufatirwa u Rwanda

    Binyuze kurubuga rwe rwa X Mnistiri w’urubyiruko n’iterambere ry’abahanzi Dr. Utumatwishima Jean Nepo Abdallah yatangaje ubutumwa bukomeye buhumuriza abanyarwanda muri rusange, cyane cyane urubyiruko, bitewe n’ibihano biri kugenda bifatirwa u Rwanda harimo no guhagarika inkunga n’imiryango ya koreraga mu Rwanda itandukanye.

    Dr. Utumatwishima Jean Nepo Abdallah

    Ni ubutumwa bugira Uti. “Uko amakuru agenda atugeraho, cyane ajyanye n’ibihano (sanctions) kuri twe, urubyiruko mufite uko mubyakira gutandukanye, Hari abatangiye kugira impungenge zivanze n’ubwoba, bavuga ngo Imirimo iragiye (jobs) y’abakoraga muri NGOs, ibiciro ku masoko biziyongera n’ ibindi byinshi.”

    Ubutumwa bukomeza bukomeza bugira Uti. “Ibyo nibyo kandi mufite ukuri muri comments, hari n’abatangiye kuvuga ngo ariko ko bose bihuje mu kuduhana, ubwo bose baratwanga, Aho twe ntitwaba turi babi, hari n’abatangiye kwibaza ngo ese ubu bizarangira ryari, Kuva 1959 (ivangura n’amacakubiri byakorewe Abatutsi), 1994 (Jenoside yakorewe Abatutsi), 2025 (Ivangura n’ubwicanyi bikorerwa Abatutsi muri Kivu).”

    Ubutumwa burakomeza Uti. “Ngo ko abayobozi byananiye bari kujya kwa Grand-Frère bakamwereka proposal yo kumuha ibirombe by’amabuye y’agaciro (mineral deals), twebwe u Rwanda ubwo tuzajyanayo iki mu by’ukuri turi Abadaheranwa, inzara n’ubujyahabi byaturuka ku batatwumva cyangwa abirengagiza ukuri ntibizatugamburuza, mukomeze kwerekana ukuri kwacu nta kudohoka, ntabwo u Rwanda turi babi. Ukwishyirahamwekw’abanga u Rwandaku nyungu bahuriyeho, ntibiduhindura abanyabyaha, Ukuntu bashaka amabuye y’agaciro birenze kure kurengera uburenganzira bw’abavuga  Ikinyirwanda muri Kivu.”

    Ukuri k’u  Rwanda kubangamiye  deals (gahunda) za benshi. Nituramuka turetse gusobanura no kurwanira ukuri kwacu bizagira ingaruka no ku bazadukomokaho bose.Ingengabitekerezo ya Jenoside cyane yibasira abiswe abatusti ni umugambi wacuzwe imyaka myinshi, Abakomeza kuyikongeza bakomeje kurererwa mu mashyamba ya DRC no mu bihugu by’Iburayi (musome tweets za Jambo ASBL n’abayibamo murebe). Kurwanya iyi ngengabitekerezo ni forever (ni igihe cyose).

    Mineral deals, Mu nama y’amabuye ho ntabwo tuzajyayo. Ariko abitwaza amabuye bazatsindwa n’umutima n’urukundo hagati yacu Abanyarwanda n’urukundo dukunda Perezida wacu. Hari umwe uherutse kubwirwa ngo, “Maze ucishe make dore nta mbaraga ufite (you don’t have the cards), bati nutwubaha ugasinya deal tukweretse uraba ubonye imbaraga, with us, you will have the cards (hamwe na twe uraba ufite ikarita), Twebwe (dufite ikarita yacu ni Paul Kagame) Twebwe we have our cards inPaul Kagame.

    Ubu butumwa busoza buvuga ngo “Nta ntambara igomba kudutera ubwoba”.

    Umwanditsi: Imena

  • Umubano w’ u Rwanda n’ Ubwongereza ukomeje kuzamo agatotsi

    Umubano w’ u Rwanda n’ Ubwongereza ukomeje kuzamo agatotsi

    Ikinyamakuru The Telegraph cyanditse ko u Rwanda rwamaze gusaba u Bwongereza kurwishyura ariya mafaranga rwari rwemeye guhara ubwo ishyaka ry’abakozi mu Bwongereza ryatangazaga ko rigiye gusesa amasezerano iki gihugu cyari cyarasinyanye na rwo.

    U Rwanda biciye mu muvugizi wa Guverinoma, Yolande Makolo, ruvuga ko n’ubwo ririya shyaka ryemeye gusesa amasezerano kugeza ubu ritarayasesa mu buryo bwemewe n’amategeko, ibyatumye rusaba kwishyurwa n’ubwo nta mwimukira n’umwe rurabasha kwakira.

    Kigali irishyuza Londres aya mafaranga, mu gihe umubano w’ibihugu byombi umaze iminsi utifashe neza.

    Mu Cyumweru gishize Minisiteri y’Ububanyi n’Amahanga y’u Bwongereza yahagarikiye u Rwanda zimwe mu nkunga u Bwongereza bwaruhaga, inaruteguza ko ishobora kurufatira ibihano kubera ibibazo byo mu burasirazuba bwa Repubulika Iharanira Demokarasi ya Congo.

    Icyo gihe Minisiteri y’Ububanyi n’Amahanga y’u Rwanda yamaganiye kure ingamba z’ibihano u Bwongereza bwafashe, ibushinja kubogamira ku ruhande rwa Congo.

    Umwuka mubi hagati y’ibihugu byombi kandi warushijeho kuzamba ubwo Minisitiri w’u Bwongereza ushinzwe Afurika, Lord Collins yahuzaga u Rwanda n’umutwe w’iterabwoba wa ADF; ibyatumye u Rwanda ruhamagaza Ambasaderi w’u Bwongereza ngo atange ibisobanuro.

    Amakuru avuga ko kuva u Bwongereza bwasinyana n’u Rwanda amasezerano yerekeye abimukira bwishyuye abarirwa muri miliyoni 700 z’ama-Pounds; arimo miliyoni 220 bwishyuye mu mwaka ushize wa 2024.

    U Bwongereza kandi bwagombaga kujya bwishyura miliyoni 50 muri buri kwezi kwa Mata, hagati ya 2024 na 2026.

    Umwanditsi: Imena