Blog

Dr. Ndisha Conte, usanzwe ari umunyeshuri wa PhD mu buzima rusange muri University of KwaZulu-Natal muri Afurika y’Epfo, yagaragaje ko ibihugu byinshi bikiri inyuma mu guhuza ubuvuzi bwa VIH n’ubufasha bwo mu mutwe. yagize Ati “Nta buzima bwuzuye budafite ubuzima bwo mu mutwe,”

nukuvuga ngo tugere kuri 95-95-95 (gupima, gutanga imiti, no kugenzura virusi) ariko tugasiga ku ruhande ihuriro ry’umubiri n’ubwonko. Kandi nibyo bituma benshi bata imiti, ntibayigumeho  cyangwa ntibanayitangeho amakuru.”

Dr. Conte yagaragaje ko ubushakashatsi bwe mu gihugu cye cya Namibia, bwerekanye ko abaturage bafite VIH ariko batabona ubufasha bwo mu mutwe, bagira ibibazo birimo:

• Kudakurikiza gahunda y’imiti ya ART
• Kudashaka ubufasha
• Guta gahunda y’ubuvuzi
• Kubaho mu bwigunge n’ipfunwe

Yongeyeho ko inzego z’ubuzima z’ibanze (Primary Health Care) ari ho hakwiye gushyirwa imbaraga zo gukorera isuzuma ry’indwara zo mu mutwe, binyuze mu buryo bworoshye bwo gusangira inshingano n’abandi (task-sharing), aho nko mu Rwanda hari umubare ugereranije wa psychologists 508 gusa mu gihugu hose.

Dr. Lima, yakoze ubushakashatsi mu rubyiruko rufite VIH muri  Uganda, yagaragaje uburyo bwo kuvura hakoreshejwe Acceptance and Commitment Therapy (ACT) bufasha gutuza no kwemera ibihe bikomeye.

Yakoresheje DNAV Model:

1. Discoverer – Kwiga binyuze mu makosa no kugerageza ibintu bishya
2. Noticer – Kumenya amarangamutima no kwimenya neza
3. Advisor – Kuganira n’ijwi ryo mu mutwe (self-dialogue) ryubaka
4. Values – Kugendera ku ndangagaciro wihitiyemo

Iyi model, nk’uko yayisobanuye, yagaragaje igabanuka ry’ihungabana, agahinda gakabije (depression), n’ubwigunge mu rubyiruko.

Yagize ati: “Twakoze ubushakashatsi bushingiye ku bana bafite VIH. Nubwo twakoresheje uburyo bwitwa self-therapy, twasanze bukwiye kongerwaho ubundi buryo bushya bwita ku marangamutima akomeye y’urubyiruko.”

Yashimangiye ko gukoresha imvugo z’umuco, ibisakuzo, amagambo y’ikinyarwanda cyangwa ligands byongera kwemerwa kw’ubu buryo n’uruhare rw’imiryango, bityo bikazamura ireme ry’ubuvuzi.

Dr. Lima kandi yagaragaje ko hari gahunda zishingiye ku ikoranabuhanga n’imbuga nkoranyambaga zakozwe n’urubyiruko rwo muri Uganda, aho bagiye bahanga uburyo bwo kugeza ubutumwa ku bandi bafite VIH mu buryo bworoshye, butabacira urubanza, kandi bunyuze mu mashusho n’amajwi bakunda.

Yatanze urugero rwa gahunda zifashisha peer-led initiatives, aho urubyiruko rufasha urundi mu buryo bwo kumva ko batari bonyine, gutanga amakuru ku kwirinda, no guhangana n’agahinda.

Impuguke zombi zagaragaje ko nta mpinduka zibaho hatabayeho uruhare rw’abaturage. Gushyiraho ibigo bitanga ubufasha bwo mu mutwe, ariko ntibihuzwe n’imiryango n’abaturanyi, ntacyo byageraho.

Gushyira imbere ubuzima bwo mu mutwe, cyane cyane ku bafite VIH, si ibintu bishyirwa ku ruhande. Ni igice cy’umusingi w’iterambere ry’abantu mu mibereho yabo ya buri munsi. Ibi biganiro bigaragaza ko igihe kigeze ngo Afurika, nko mu Rwanda na Namibia, yubake urwego rw’ubuzima rushingiye ku mutima w’umuntu — aho kuvura VIH atari ugutanga ibinini gusa, ahubwo ari ugufasha umuntu kwiyakira, kubaho no gukira mu by’ukuri.

By:Florence Uwamaliya

Mu nama mpuzamahanga yabereye i Kigali yibanze ku iterambere mu kurwanya Virusi itera SIDA (VIH) muri Afurika, amagambo yaturutse ku witwa Rosemary Mburu, Umuyobozi Mukuru wa Health Global Advocacy Project,yabakoze k’umutima.

Yagize Ati.”Ni kinini. Birambabaza kuko njye ubwanjye mbana na VIH. Ariko kubera ubufatanye bw’abafatanyabikorwa mpuzamahanga, ubu ndi undetectable, kandi umugabo wanjye nta virusi afite. Iyo gahunda zose zitarabaho, nari kuba ntakiriho.”

Uyu mugore yashimangiye ko nta ngamba n’imwe yonyine yahinduye ubuzima bwe, ahubwo ko ari ishyirahamwe ry’ingamba zitandukanye n’ubufatanye bw’ibihugu, imiryango n’inzego z’ubuzima byagize icyo bimarira Afurika.

“Iyo tutaza gukorera hamwe, muri miliyoni 25 z’abantu bo muri aka karere barwaye VIH, ubuzima bwanjye ntibuba bukiriho. Twakoze byinshi, kandi tugomba kubirinda. Ntabwo dushobora kubipfusha ubusa.”

Yagarutse cyane ku bana, avuga ko 76% by’abantu bafite virusi muri Afurika bataragera ku rwego rwo kugenzura virusi neza, kandi abana bakiri inyuma cyane.

“Abana ntibashobora gutegereza. Turimo kubohereza mu gihano. Twiyemeje ejo hazaza hadafite abana bashya wanduye VIH – ariko ntabwo turimo gukora bihagije. Turimo kubeshya.”

Mu izina rya sosiyete sivile yo muri Afurika y’Epfo, Rosemary yashimye cyane ubuyobozi bwa Leta y’u Bwongereza n’Afurika y’Epfo, abashimira ko bihagazeho mu bihe bikomeye, aho ibindi bihugu byinshi byatinye kwigaragaza.

 u Bwongereza n’Afurika y’Epfo, kuba mwaravuze ngo ‘turahari’ igihe abandi batinyaga kuboneka. Iyo ni leadership nyayo.”

Yavuze ko ubushake bwa politiki n’imikoranire n’abaturage bigomba gufatwa nk’urufunguzo, kuko ari bwo buryo bwonyine bwo kugeza serivisi ku baturage bakeneye ubuvuzi.

“Dufite ibikoresho byose. Dufite imiti. Dufite ubushobozi bwo kugira Afurika itarimo abana bandura VIH. Ariko dukeneye ibikorwa, si amagambo.”

Eugene Kinyanda, umwe mu bagize panel, yagaragaje ko hari uguhangayika ku ngaruka z’imiyoborere n’imbogamizi mu kubona inkunga.

“Hari byinshi bibera ku isi: Ukraine, Gaza, Sudan… ariko ibyo ntibikwiye kudukuraho ubushake bwo gukomeza kurokora ubuzima muri Afurika. Global Fund igomba kugumaho, twese dukwiye gushakisha uko twongera inkunga.”

Abandi bayobozi bavuze ku buryo bwo gushora imari imbere mu bihugu (domestic financing), aho hifuzwa ko ibihugu bikwiye gushyira amafaranga mu bikorwa by’ubuzima aturutse mu ngengo y’imari yabyo.

“Ntituvuga bihagije ku ruhare rw’abaturage mu igenamigambi ry’ubuzima. Transparency, accountability, no gukorera abaturage ni byo bizatugeza ku ntsinzi.”

Bashimangiye ko ubufatanye n’abikorera n’amabanki y’ishoramari ari ingenzi, ndetse ko habayeho kwiga ku buryo bwo kuzana ibikoresho bihendutse binyuze mu buhanga n’ikoranabuhanga.

Inama yasojwe hasabwa ko ibyo byavuzwe bihinduka ibikorwa bifatika:

“2025 turi hafi. Tuzabazwa ibyo twakoze. Tuzabazwa icyo twakoze ku buzima bw’abana. Tuzabazwa niba koko twashoboye kurandura VIH cyangwa niba twarirengagije amahirwe twari dufite.”

 “Ubufatanye bwarankijije. Nibwo bwabaye umuseke mushya ku buzima bwanjye. Nibudakomeza, abandi benshi bashobora kutagira amahirwe nari nagize.

By:Florence Uwamaliya 

Mu nama mpuzamahanga ya IAS 2025 yabereye i Kigali kuva ku ya 13 kugeza ku ya 17 Nyakanga, bamwe mu bayobozi b’ikirenga bahagurutse bagaragaza ishusho nyakuri y’uko ubuzima bw’abakobwa n’abagore bakiri bato babana na Virusi Itera SIDA (VIH) bugenda burushaho kugorana, ariko kandi hanagaragazwa intambwe iri guterwa n’intwari zifite umutima wo guhindura amateka yabo.

Muri aba, hazamuye ijwi ry’icyizere Maximina Jokonya, Umuyobozi Mukuru w’umuryango wo muri Zimbabwe urengera uburenganzira bw’abakobwa banduye VIH, bakabyarira iwabo, rimwe na rimwe batagira inkunga cyangwa serivisi zihamye zibafasha gukomeza ubuzima. Maximina ni icyitegererezo cy’umugore w’intwari warokotse, wacanye urumuri mu mwijima, ubu akaba yaramaze  igihe cye akora  impinduka.

Maximina yagaragaje ko abakobwa n’abagore bari hagati y’imyaka 15-24 bakomeje kuba mu byago byinshi byo kwandura VIH, kandi ko umubare munini w’abandura ari abakobwa. Yavuze  Ati:

Iyo urebye uko imibare Ihagaze muri Afurika yo munsi y’ubutayu bwa Sahara  Abakobwa b’abangavu bahuye n’ingaruka zishingiye ku bushobozi buke bwo kwifatira ibyemezo ,

Ihungabana ry’imibereho ,ihohoterwa rishingiye ku gitsina no kutitabwaho mu Igenamigambi rya gahunda z’ubuvuzi.”

“I

Maximina yavuze ko 6 kuri 7 mu bandura VIH mu rubyiruko rw’imyaka 15-19 ari abakobwa. Ikindi, abakobwa babyaye bafite VIH bafite amahirwe make yo gukomeza imiti ya ART nyuma yo kubyara – kuko ubushakashatsi bwagaragaje ko 50% muri bo bayihagarika bitarenze imyaka ibiri nyuma yo kubyara.

Yavuze ko ari ngombwa gushyira ijwi ry’abagore mu igenamigambi: “Uburyo bworoshye bwo kugira impinduka ni ugushyira umukobwa n’umugore mu mwanya w’ijambo. Ubu 1 mu bihugu 5 gusa muri Afurika bifite politiki za VIH zifite uburyo bunoze bwo kwumva ijwi ry’abakobwa babana na VIH. Ibi bigomba guhinduka.”

Mu gusoza, Maximina yasabye abari mu nama ko bagomba kuva mu nama batwaye inshingano zo guhindura ibyo bihugu byabo, bakubaka gahunda zita ku bibazo bifatika by’abakobwa, zirimo uburezi, ubuvuzi burambye, no kwirinda guta abana banduye VIH mu rungabangabo.

Inama ya IAS 2025 i Kigali ntiyabaye gusa umwanya wo kugaragaza ibibazo, ahubwo yari n’igihe cyo kwigira ku bikorwa by’indashyikirwa nk’ibya Maximina. Ubutumwa bwe bwanyuze benshi, kuko bwari ubuhamya bw’ukuri bugaragaza ko hari icyizere nubwo urugendo rukiri rurerure.

ijambo rya, Maximina Jokonya yasize abari aho baguye mu rungano rumwe: “Nimureke tubane n’ukuri. Igihe cyarageze ngo twemere ko ubuzima bw’umwana w’umukobwa bufite agaciro karuta imbwirwaruhame.”

IAS 2025 izasiga amateka ku buryo ubuvugizi bwimbitse nk’ubwa Maximina buzafasha isi kugera ku ntego yo gusiga ntawe inyuma mu rugamba rwo kurandura SIDA burundu.

By: Florence Uwamaliya