Cristiano Ronaldo na Harry Maguire bayoboye abakinnyi batutswe cyane kuri Twitter mu mwaka w’imikino ushize [URUTONDE]
Raporo ivuga ko abakinnyi babiri ba Manchester United, Cristiano Ronaldo na Harry Maguire aribo bakiriye ubutumwa bwinshi bubatuka kuri Twitter kuruhsha abandi bakinnyi bose bo muri Premier League mu gice cya mbere cy’umwaka w’imikino ushize.
Ofcom yasabye abashakashatsi bo mu kigo cya Alan Turing Institute, ikigo cy’igihugu gishinzwe gukusanya amakuru ya siyansi n’ubukorikori,kubakorera isesengura ku butumwa bwo kuri Twitter bwoherejwe mu mezi atanu ya mbere y’umwaka w’imikino w’umupira wamaguru 2021-22 guhera kuwa 13 Kanama 2021 kugeza 24 Mutarama 2022.
Isesengura ryabo ryerekanye ko hari ubutumwa 60.000 butuka abakinnyi bwashyizwe kuri Twitter muri miliyoni 2.3 z’ubutumwa bwasohotse mu gice cya mbere cy’umwaka w’imikino ushize.
Kimwe cya kabiri cy’ubwo butumwa butukana bwohererejwe ku bakinnyi 12 barimo umunani bakinira Manchester United.Ubutumwa bwa Twitter burenga 300 butukana bwohererezwa abakinnyi b’umupira w’amaguru muri Premier League buri munsi.
Umuyobozi wa Ofcom ushinzwe gutangaza amakuru n’ibica kuri murandasi,Kevin Bakhurst yagize ati: “Ibyavuye mu bushakashatsi byacanye urumuri ku gice cy’umwijima cy’umukino mwiza.”
Gutukana gukorerwa kuri interineti nta mwanya gufite muri siporo, ndetse no muri sosiyete yagutse, kandi kubikemura bisaba imbaraga zihuriweho.”
Hari impande 2 zibasiwe cyane kuri Twitter.Urwa mbere ni urwa Ronaldo ubwo yinjiraga muri Manchester United ku ya 27 Kanama 2021.Yakiriye ubutumwa bubi 3.961.
Urwa kabiri ni igihe Harry Maguire yanditse kuri Twitter asaba imbabazi nyuma y’uko Manchester United abereye kapiteni itsinzwe na Manchester City ibitego 2-0 ku ya 7 Ugushyingo.
Abakinnyi 10 batutswe cyane kurusha abandi mu gice cya mbere cy’umwaka w’imikino 2021/2022:
1.Cristiano Ronaldo – 12,520
2.Harry Maguire – 8,954
3.Marcus Rashford – 2,557
4.Bruno Fernandes – 2,464
5.Harry Kane – 2,127
6.Fred – 1,924
7.Jesse Lingard – 1,605
8.Jack Grealish – 1,538
9.Paul Pogba – 1,446
10.David de Gea – 1,394
