#COVID-19: Habonetse abarwayi bashya 47, naho abakize ni 4
Minisiteri y’Ubuzima yatangaje ko kuri uyu wa Mbere tariki 20 Nyakanga 2020, mu Rwanda habonetse abarwayi bashya 47 banduye COVID-19.
Abo barwayi 47 babonetse mu bipimo 3,764, abamaze kuboneka mu Rwanda banduye icyo cyorezo bose hamwe baba 1,629.
Minisiteri y’Ubuzima yasobanuye ko abo barwayi bashya 47 bari mu gace kari kwitabwaho by’umwihariko muri Kigali hapimwa abantu benshi.
Abantu bane mu bari barwaye bakize kuri uyu wa Mbere, naho abamaze gukira bose hamwe baba 838, mu gihe abakirwaye ari 786.
Abamaze kwicwa n’icyo cyorezo mu Rwanda ni batanu.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
