The post Gicumbi: Urubyiruko rwatanze inkunga y’amabati kubatishoboye. first appeared on IMENA NEWS.
]]>Abahawe ubu bufasha bavuga ko bwabagezeho mu gihe bari babukeneye cyane. Nyiramariro Gaudence wo mu Murenge wa Cyumba yavuze ko inzu ye yari yarasenyutse, ubuyobozi bukamufasha kongera kuyubaka, ariko agasigara adafite ubushobozi bwo kuyisakara. Yashimiye urubyiruko rwamuhaye amabati, anashimira Perezida wa Repubulika ku miyoborere ituma abaturage bafite ibibazo bagerwaho n’ubufasha.
Yagize ati: “Inzu yanjye yarahirimye, ubuyobozi buramfasha buranyubakira, ariko nari nsigaje kuyisakara. Ndashimira uru rubyiruko rwamfashije ndetse na Perezida wa Repubulika ukomeza kwita ku baturage.”
Undi wafashijwe, Tabu Marie Chantal wo mu Murenge wa Giti, yavuze ko yabaye imfubyi afite imyaka icyenda, akaba yari atuye mu nzu ishaje yari yarasizwe n’ababyeyi be. Yavuze ko imvura yamutezaga ibibazo bikomeye kuko inzu yari ishaje kandi ishobora kugwa. Yishimiye guhabwa amabati 25, avuga ko yari amaze igihe yifuza kubona ubushobozi bwo gusakara inzu ye.
Umuhuzabikorwa w’Inama y’Igihugu y’Urubyiruko mu Karere ka Gicumbi, Basesayose Télésphore, yavuze ko iki gikorwa ari kimwe mu bigaragaza uruhare rw’urubyiruko mu guteza imbere imibereho y’abaturage. Yavuze ko usibye aya mabati, hanatanzwe ibiribwa ku miryango ifite ibibazo kugira ngo abaturage bumve ko urubyiruko rubitayeho kandi rubari hafi.
Umuyobozi w’Akarere ka Gicumbi, Nzabonimpa Emmanuel, yavuze ko igihugu gikomeje gushyira imbaraga mu guteza imbere urubyiruko binyuze mu ikoranabuhanga, guhanga udushya no kwihangira imirimo. Yasobanuye ko akarere kari gutegura imishinga yo kubaka Smart Areas, ahazajya haboneka internet ku buntu kugira ngo urubyiruko rubashe kubona serivisi no gukoresha ikoranabuhanga mu kwiteza imbere. Yanavuze ko hazubakwa ibigo by’udushya (Innovation Hubs) bizafasha ba rwiyemezamirimo bato guteza imbere imishinga yabo.
Yasabye urubyiruko gukomeza gukorera hamwe, guhanga udushya no kubyaza umusaruro amahirwe leta irushyiriraho, agaragaza ko ari rwo rufite uruhare rukomeye mu kugera ku ntego z’Igihugu mu Cyerekezo 2050.
Akarere ka Gicumbi gafite urubyiruko rugera ku 124,259, aho abarenga 54.8% bafite akazi, mu gihe abandi ari ba rwiyemezamirimo. Kwishyira hamwe kwabo byatumye akarere kava ku mwanya wa 25 mu mihigo kakagera ku mwanya wa mbere ku rwego rw’igihugu.
Mu bikorwa bibinjiriza amafaranga harimo inyubako zikodeshwa zifite agaciro ka miliyoni 18 z’amafaranga y’u Rwanda, imirima y’icyayi ya hegitari umunani, amakompanyi ahinga inanasi, acunga imiyoboro y’amazi, inganda zitunganya ubwatsi n’ibikomoka ku bigori, ibikorwa by’ubuvumvu n’ubuhinzi bw’ibirayi. Aya mishinga ni yo ifasha urubyiruko kubona ubushobozi bwo gutera inkunga ibikorwa by’imibereho myiza, birimo gufasha abatishoboye kubona amacumbi meza no gukomeza gutanga umusanzu mu iterambere ry’igih
By:Florence Uwamaliya
The post Gicumbi: Urubyiruko rwatanze inkunga y’amabati kubatishoboye. first appeared on IMENA NEWS.
]]>The post Imodoka z’Amashanyarazi Zageze Mukinigi murwego rwo kubungabunga Ibidukikije first appeared on IMENA NEWS.
]]>
Iki gikorwa cyabereye mu Murenge wa Kinigi, ahakunze gusurwa n’abakerarugendo baturuka hirya no hino ku isi baza gusura Pariki y’Igihugu y’Ibirunga ndetse n’ingagi zo mu misozi. Abitabiriye iri murika bagize umwanya wo gusobanurirwa uburyo imodoka zikoresha amashanyarazi zikora n’uruhare rwazo mu kurengera ibidukikije.
Perezida wa DAJF,Mugabukomeye Benjamin yavuze ko gukoresha imodoka zikoresha amashanyarazi ari imwe mu ngamba zikomeye zo kugabanya imyuka ihumanya ikirere no kubungabunga urusobe rw’ibinyabuzima, cyane cyane mu bice bikikije pariki n’ahandi hakorerwa ibikorwa by’ubukerarugendo.
Perezida wa DAJF,Mugabukomeye Benjamin
Yagize ati: “Izi modoka zifasha kugabanya imyuka yangiza ikirere ituruka ku binyabiziga bisanzwe bikoresha lisansi cyangwa mazutu. Ibi ni ingenzi cyane hano muKinigi no mu Karere ka Musanze, ahaza abakerarugendo benshi baza gusura ibirunga n’ingagi. Kubungabunga ibidukikije ni inshingano za buri wese kuko ari byo shingiro ry’iterambere rirambye.”
Yakomeje avuga ko ikoreshwa ry’imodoka z’amashanyarazi rizanafasha abaturage kugabanya amafaranga bakoreshaga kuri lisansi, bityo rikabafasha kubona uburyo bwo gutwara abantu n’ibintu bitangiza ibidukikije kandi bjhendutse.
Perezida wa DAJF yagaragaje ko abakerarugendo basura ibirunga bakomeje kwiyongera, bityo hakaba hakenewe uburyo bwo gutwara abantu butabangamira ibidukikije. Yavuze ko gukoresha imodoka z’amashanyarazi bizafasha kurushaho kubungabunga ubwiza nyaburanga bw’akarere no kugabanya urusaku rushobora kubangamira inyamaswa n’ibindi binyabuzima bibarizwa muri Pariki y’Igihugu y’Ibirunga.
Mu ijambo rye, Umuyobozi w’Akarere ka Musanze Nsengimana Claudien yashimiye abafatanyabikorwa bose bakorera mu Karere uruhare rwabo mu guteza imbere imibereho myiza y’abaturage no kubafasha kugera ku iterambere rirambye.
Umuyobozi w’Akarere ka Musanze Nsengimana Claudien
Yagize ati: “Turashimira cyane abafatanyabikorwa bose bakomeje gukorera mu Karere ka Musanze no kudufasha mu bikorwa bitandukanye by’iterambere. Ubufatanye bwanyu ni ingenzi mu rugendo rwo kubaka Akarere gafite abaturage bateye imbere kandi bafite imibereho myiza.”
Meya yakomeje ashimira abaturage bitabiriye Open Day ndetse n’abaje kwandikisha abana mwiranga mimerere ,, avuga ko ari kimwe mu bikorwa bishya byitabiriwe na benshi byateguwe mu iri murika bikorwa ryahuje, abaturage benshi bagannye site yaho babarurira ko aribyagaciro kwandikisha abana bavutse.
Nsengimana Yagize ati: “Turashimira ababyeyi n’abaturage bitabiriye gahunda yo kwandikisha abana mu iranga mimerere . Ni igikorwa gishya twahisemo gushyira muri iri murika bikorwa ngo abaturage babone serivisi zitandukanye ahantu hamwe. Ibi bigaragaza ko abaturage bagenda barushaho gusobanukirwa akamaro ko kwandikisha abana no kubategurira ejo hazaza heza.”
Abaturage bitabiriye iki gikorwa bagaragaje ko bishimiye kubona uburyo bushya bw’ikoranabuhanga bwo gutwara abantu n’ibintu, bavuga ko bizafasha igihugu kugera ku ntego zo kurengera ibidukikije no kugabanya ihumana ry’ikirere.
Open Day y’Akarere ka Musanze yabaye umwanya mwiza wo guhuriza hamwe abaturage, abafatanyabikorwa n’inzego zitandukanye, hagamijwe kumenyekanisha ibikorwa by’iterambere no gushakira hamwe ibisubizo birambye bifasha abaturage ndetse n’ibidukikije. Abitabiriye basoje bagaragaza ko gukoresha imodoka z’amashanyarazi ari intambwe ikomeye mu rugendo rwo kubaka u Rwanda rubungabunga ibidukikije kandi ruteza imbere ubukerarugendo burambye.
By: Florence Uwamaliya
The post Imodoka z’Amashanyarazi Zageze Mukinigi murwego rwo kubungabunga Ibidukikije first appeared on IMENA NEWS.
]]>The post Nick Barigye yasabye itangazamakuru guteza imbere ubumenyi ku bukungu n’imari first appeared on IMENA NEWS.
]]>Ibi yabigarutseho mu gikorwa cya Media Open Day cyateguwe na Banki Nkuru y’u Rwanda, kigamije kongera ubufatanye hagati y’iyi banki n’itangazamakuru, ndetse no gufasha abanyamakuru gusobanukirwa neza uko ubukungu bw’igihugu n’urwego rw’imari bikora.
Mu ijambo rye, Nick Barigye yavuze ko umubare munini w’abasabye kwitabira iki gikorwa ugaragaza ko hari inyota ikomeje kwiyongera mu gusobanukirwa uko ubukungu bw’u Rwanda bukora ndetse n’ingaruka ibyemezo bifatwa bigira ku mibereho y’abaturage.
Umuyobozi Wungirije wa Banki Nkuru y’u Rwanda (BNR), Nick Barigye
Yagize ati: “Hari ubushake bugenda bwiyongera bwo gusobanukirwa uko ubukungu bw’u Rwanda bukora, uko ibyemezo bifatwa n’uko bigira ingaruka ku buzima bwa buri munsi bw’abaturage. Ni yo mpamvu ibikorwa nk’ibi ari ingenzi cyane.”
Yasobanuye ko inshingano za Banki Nkuru y’u Rwanda zishingiye ku nkingi eshatu z’ingenzi zirimo kubungabunga ihagaze ry’ibiciro ku isoko, kurinda ituze ry’urwego rw’imari no guteza imbere ubwisungane mu by’imari.
Nk’uko yabivuze, ihagaze ry’ibiciro rifasha imiryango guteganya ejo hazaza idafite impungenge z’ihindagurika rikabije ry’ibiciro, mu gihe urwego rw’imari ruhamye rutuma abikorera n’abashoramari babasha kwagura ibikorwa byabo bafite icyizere cy’ejo hazaza.
Yongeyeho ko serivisi z’imari zigeze kuri benshi zituma abaturage babona amahirwe yo kwiteza imbere binyuze mu kubitsa, kwizigamira, kugurizwa no gukoresha uburyo bw’ikoranabuhanga mu bikorwa by’imari.
Nick Barigye yavuze ko amakuru afitiwe icyizere ari ingenzi mu kubaka ubukungu bukomeye kuko abaturage, ibigo n’abashoramari bafata ibyemezo bishingiye ku byo bazi ndetse n’ibyo biteze mu gihe kiri imbere.
Yagize ati: “Iyo amakuru asobanutse kandi ari ukuri yubaka icyizere mu bukungu no mu nzego ziwuyobora. Iyo abaturage basobanukiwe neza politiki z’ubukungu, bituma bagira icyizere kandi bikagabanya urujijo.”
Yashimangiye kandi ko itangazamakuru rifite uruhare rukomeye mu guhuza inzego za Leta n’abaturage, cyane cyane mu gusobanura ingingo ziba zisa n’izikomeye zirimo izamuka ry’ibiciro ku isoko, ikoreshwa ry’ikoranabuhanga mu by’imari, inyungu z’amabanki ndetse n’ituze ry’urwego rw’imari.
Mu rwego rwo gukomeza guteza imbere ubu bufatanye, yavuze ko Media Open Day yubakiye ku ntego eshatu zirimo guha abanyamakuru amakuru binyuze mu biganiro n’inzobere za BNR, kungurana ibitekerezo mu buryo bwisanzuye ndetse no gukomeza gushimangira ubufatanye hagati ya BNR n’itangazamakuru.
Yanashishikarije abanyamakuru kutagira impungenge zo kubaza ibibazo no gutanga ibitekerezo kuko ari bwo buryo bwo kurushaho gusobanukirwa no gufasha abaturage kubona amakuru yizewe kandi asobanutse.
Yavuze ko Banki Nkuru y’u Rwanda ishaka gukomeza kubaka urubuga rutuma ubunyamwuga mu itangazamakuru ryandika ku bukungu burushaho gutera imbere, abaturage bakagira ubumenyi bwimbitse ku bijyanye n’imari ndetse n’ubukungu bw’igihugu.
Nick Barigye yagaragaje ko urwego rw’imari rukomeye rushingira ku bintu bitatu by’ingenzi birimo politiki nziza, ibigo bikomeye ndetse n’abaturage bafite ubumenyi n’ubusobanuro buhagije ku mikorere y’ubukungu n’imari.
Yasabye abanyamakuru gukoresha neza aya mahirwe yo kwiga no kunguka ubumenyi kugira ngo bakomeze gufasha Abanyarwanda gusobanukirwa neza ibijyanye n’ubukungu, bityo bagire uruhare rufatika mu iterambere ry’igihugu.
By: Florence Uwamaliya
The post Nick Barigye yasabye itangazamakuru guteza imbere ubumenyi ku bukungu n’imari first appeared on IMENA NEWS.
]]>The post Rubavu: Music Awards yatanze icyizere ku bahanzi first appeared on IMENA NEWS.
]]>Abitabiriye iki gikorwa bagaragaje ko ari amahirwe akomeye ku rubyiruko rufite impano ariko rutarabona uburyo bwo kuzimenyekanisha. Abahanzi benshi bakizamuka bahawe umwanya wo kuririmba imbere y’imbaga y’abafana, ibintu bavuga ko byabongereye icyizere ndetse bikabafasha kubona ababakurikira benshi.
Mu ijambo ryatanzwe n’Umuyobozi w’Akarere ka Rubavu, yashimangiye ko ubuhanzi ari imwe mu nkingi z’iterambere ry’urubyiruko ndetse n’ubukungu bw’akarere. Yavuze ko ibikorwa nk’ibi bituma urubyiruko rugaragaza ubushobozi bwarwo aho kwishora mu bikorwa bidafitiye igihugu akamaro.
Yagize ati: “Iyo duha urubyiruko amahirwe yo kwerekana impano zarwo, tuba turwubakira ejo hazaza heza. Rubavu ifite impano nyinshi kandi tuzakomeza gushyigikira ibikorwa bibafasha kuzamuka no kugera ku rwego mpuzamahanga.”
Minisitiri w’umuco Dr.Utumatwishima Abudala nawe yagaragaje ko Guverinoma y’u Rwanda ikomeje gushyira imbaraga mu guteza imbere impano z’abakiri bato. Yashimye abateguye Rubavu Music Awards kubera uruhare rwabo mu gufasha urubyiruko kubona amahirwe yo kwiteza imbere binyuze mu buhanzi.
Yagize ati: “Impano ni umutungo w’igihugu. Iyo urubyiruko rubonye urubuga rwo kwigaragaza, igihugu cyose kirunguka. Turashimira abateguye iri rushanwa kuko rifasha urubyiruko kugira icyizere, gukora cyane no gutekereza ejo hazaza habo.”
Abahanzi batandukanye bitabiriye iri rushanwa bagaragaje ko bishimiye uburyo ryateguwe ndetse n’amahirwe ryabahaye. Umuhanzikazi Bwiza wari umwe mu batumirwa b’imena yavuze ko yishimiye kubona urubyiruko rufite impano rwigirira icyizere kandi rugaharanira kugera kure.
Yagize ati: “Nanjye natangiye nkiri umuhanzi ukizamuka. Iyo mbona urubyiruko ruhabwa amahirwe nk’aya numva nishimye cyane kuko hari benshi bazavamo ibyamamare by’ejo.”
Umuhanzi Lederman na Bwiza bashimye abafana n’abateguye iki gikorwa, avuga ko ari urubuga rwiza rwo gufasha impano nshya kugera ku rwego rwo hejuru.
Abafana bari bitabiriye ku bwinshi bagaragaje ibyishimo byinshi, bavuga ko bishimiye kubona impano nshya ndetse no guhura n’abahanzi bakunda. Bamwe mu bahanzi bari mu marushanwa bavuze ko kuba bararirimbiye imbere y’imbaga nk’iyo byabahaye imbaraga zo gukomeza gukora umuziki.
Abasesenguzi b’ibijyanye n’imyidagaduro bavuga ko ibikorwa nk’ibi bishobora kugira uruhare rukomeye mu kuzamura urwego rw’umuziki wo mu Ntara y’Iburengerazuba, cyane cyane mu Karere ka Rubavu kamaze kugaragaza impano nyinshi mu myaka ishize.
Rubavu Music Awards and Talent Detection ntabwo yari igamije gutanga ibihembo gusa, ahubwo yari uburyo bwo guhuza impano, abafana, abaterankunga n’inzego z’ubuyobozi kugira ngo hubakwe urwego rw’ubuhanzi rutanga akazi, rwinjiza amafaranga kandi rugafasha urubyiruko kwiteza imbere.
Abitabiriye iki gikorwa basabye ko cyakomeza kuba ngarukamwaka, kuko gifasha impano nyinshi kubona urubuga rwo kwigaragaza no kugera ku nzozi zabo. Bagaragaje ko Rubavu ifite ubushobozi bwo kuba kimwe mu bigo bikomeye by’imyidagaduro n’umuziki mu Rwanda, mu gihe ibikorwa nk’ibi byakomeza gushyigikirwa.
Ku bahanzi bakizamuka, Rubavu Music Awards yabaye ikimenyetso cy’icyizere n’intangiriro y’urugendo rushya ruganisha ku ntsinzi no kumenyekana mu muziki nyarwanda.
By: Florence Uwamaliya
The post Rubavu: Music Awards yatanze icyizere ku bahanzi first appeared on IMENA NEWS.
]]>The post Trump yanenze bikomeye Israel yarogoye isinywa ry’amasezerano na Iran first appeared on IMENA NEWS.
]]>Umunya-Iran uri muri ibi biganiro byo guhagarika intambara, Mohammad Baqer Qalibaf, yatangaje ko ibitero Israel yagabye mu bice by’amajyepfo y’Umujyi wa Beirut, bigaragaza ko Amerika nta bushake ifite bwo kubahiriza ibyo yiyemeje.
Ati “Niba nta bushake n’ubushobozi bwo kubahiriza ibyo mwiyemeje, kuvuga ibijyanye no gukomeza inzira [y’amasezerano] ntibishoboka.”
Ni ibitero byagabwe muri Liban ku wa 14 Kamena 2026, byahitanye abantu batatu abandi 15 barakomereka, icyakora Trump yabinenze cyane.
Abinyujije kuri Truth Social, Perezida wa Amerika yagize ati “Ibitero byagabwe mu gitondo kuri Beirut ntabwo byari bikwiriye kuba byagabwe, by’umwihariko kuri uyu munsi udasanzwe aho twagombaga gusoza amasezerano y’amahoro na Iran. Turi hafi gusinya amasezerano azazana amahoro mu Karere harimo na Liban ndetse impande zombi zigomba guhagarika imirwano.”
Iyi ntambara yatangiye ku wa 28 Gashyantare 2026 yahungabanyije ubukungu bw’Isi kuko yafunze inzira ya Hormuz inyuzwamo 20% by’ibikomoka kuri peteroli.
Israel ikimara kwica abayobozi bakuru ba Iran barimo na Ali Khamenei wari Umuyobozi w’Ikirenga, umutwe wa Hezbollah wahise urasa kuri Israel ugamije guhorera Iran, Israel na yo ihita iwugabaho ibitero na n’ubu ikavuga ko ibi bikorwa bitareba amasezerano ya Amerika na Iran.
Umwe mu bayobozi bakuru mu Ngabo za Iran, Mohammad Jafar Assadi, yavuze ko ibyo Israel iri gukora i Beirut batazabirebera.
Abayobozi ba Leta Zunze Ubumwe za Amerika na Pakistan batangaje ko bagiye gushyira umukono ku masezerano yo guhagarika intambara na Iran, ndetse bavuga Iran itari yemeza ko iribujye kuyasinya kubera ko muri iki gihugu bakomeje kuyamagana.
Icyakora Umuvugizi wa Minisitiri w’Ububanyi n’Amahanga w’iki gihugu, Esmail Baghaei yavuze ko bigoye ko bayasinya kuri iki Cyumweru, gusa ashimangira ko bashobora kuyasinya mu minsi izakurikiraho.
Trump yanenze bikomeye Israel yarogoye isinywa ry’amasezerano na Iran
The post Trump yanenze bikomeye Israel yarogoye isinywa ry’amasezerano na Iran first appeared on IMENA NEWS.
]]>The post U Rwanda rwakiriye Abanya-Israel b’inzobere mu kuvura indwara z’umutima zifata abana first appeared on IMENA NEWS.
]]>Iri tsinda ryageze i Kigali mu gitondo cyo kuri uyu wa 14 Kamena 2026. Ryazanywe n’Umuryango Save a Child Heart wo muri Israel.
Save a Child’s Heart yazanye izi nzobere binyuze mu bufatanye isanzwe ifitanye na Minisiteri y’Ubuzima y’u Rwanda, mu rwego rwo guteza imbere ubuvuzi bw’umutima mu bana.
Binyuze muri iyi gahunda, abaganga b’inzobere mu kuvura izi ndwara boherezwa mu Rwanda kuvura abana bafite ibibazo, guhugura abaganga bo mu Rwanda ndetse no kohereza abo bana muri Israel kugira ngo bavurirweyo.
Kuri iyi nshuro aba baganga baje mu Rwanda kuvura abana bafite ibibazo by’umutima, aho bazabavura hifashishijwe ikoranabuhanga rituma badafungura igituza, ahubwo hakanyuzwa utwuma mu mitsi, rizwi nka ‘catheterization’.
Catheterization ni uburyo bugezweho, aho kugira ngo umwana bamubage, bifashisha utwuma tujya kumera nk’urusinga bakakanyuza mu mitsi hanyuma bakagenzura hifashishijwe ibyuma byabugenewe biba binafite za ecran nini, ikibazo umwana afite kigakosorwa.
Mu gihe bishobora gufata icyumweru ngo uwabazwe umutima atangire gukira, uwavuwe hifashishijwe ubu buryo we bisaba amasaha atageze kuri 24 akaba yakize.
Ni uburyo buhenda cyane kuko nko ku mwana umwe muri rusange, kumuvura bidashobora kujya munsi ya miliyoni 5 Frw, icyiza kikaba ko abavurirwa muri KFH, bifashisha ubwishingizi, nko ku muntu ukoresha Mituweli akishyura 10% asabwa.
Umuyobozi Mukuru wa Save a Child’s Heart, Simon Fisher, yavuze ko aba baganga bazamara icyumweru mu bitaro bya Faisal bavura abana bafite indwara z’umutima bagera kuri 25.
Ati “Muri iki cyumweru tuzakora ibikorwa byo kuvura indwara z’umutima zifata bana. Tuzafasha byibuze abana bari hagati ya 15 na 25 mu bitaro byitiriwe Umwami Faisal.”
Yakomeje avuga ko ibi bikorwa bazabikora bafatanyije n’abaganga b’Abanyarwanda bahuguriwe muri Israel, ndetse ko ari bo bazaba bayoboye ibi bikorwa byo kuvura indwara z’umutima z’abana.
Ati “Icy’ingenzi ni uko uru rugendo tujemo rwo kuvura indwara z’umutima zifata abana, mu bikorwa tuzakora byo kubavura bizaba biyobowe n’abaganga b’Abanyarwanda bahawe ubumenyi muri Israel.”
Muri uru rugendo, aba baganga bazanye n’Umuganga w’Umunyarwanda witwa Nsanzimana Jean de Dieu uri kwihugura ku bijyanye no kubaga umutima w’abana muri Israel.
Dr. Nsansimana Jean de Dieu, yavuze ko ikibazo cy’indwara z’umutima mu bana gihangayikishije Isi kubera ko umwana umwe mu bana 100 akivukana ndetse ko 25% muri byo biba bikenewe kubagwa.
Ati “Iyo abana bavukanye ibi bibazo by’umutima ntabwo bakura neza, bagira ibibazo byo guhumeka ndetse bakagira n’ibibazo by’ubwenge kuko usanga mu ishuri aba atameze nk’abandi.”
Yakomeje avuga ko impamvu bakomeza kujya kwihugura hanze y’u Rwanda ari mu rwego rwo kugira ngo u Rwanda rukomeze kugira abaganga b’inzobere mu kubaga indwara z’umutima z’abana, kubera ko haba hari benshi bakeneye guhabwa iyi serivisi ariko bikagorana kubera ubuke bw’abaganga babizi.
Ati “Tuba dufite nk’abana 300 cyangwa 400 batarabagwa kubera ko abaganga bakiri bake, nubwo abo bana baba bategereje dufite icyizere cy’uko mu minsi iri imbere abaganga babifitemo ubunararibonye nibamara kuba benshi, tuzajya tubaga abana benshi ndetse n’aba baganga baturuka hanze baza kudufasha batuma uwo mubare ugenda ugabanyuka.”
Itsinda ry’abaganga b’inzobere b’Abanya-Israel mu kuvura indwara z’umutima ryageze i Kigali
Iri tsinda ryakiriwe n’abakozi bo mu bitaro byitiriwe Umwami Faisal
Nyuma yo kugera i Kigali, izi nzobere zafashe ifoto y’urwibutso
Umuyobozi Mukuru wa Save a Child’s Heart, Simon Fisher, yavuze ko aba baganga bazamara icyumweru mu bitaro bya Faisal
The post U Rwanda rwakiriye Abanya-Israel b’inzobere mu kuvura indwara z’umutima zifata abana first appeared on IMENA NEWS.
]]>The post U Bwongereza bwafatiriye ubwato bwikoreye peteroli bw’u Burusiya muri English Channel first appeared on IMENA NEWS.
]]>Kuri iki Cyumweru, Starmer yagize ati: “Iki gikorwa cyagenze neza cyakubise ikindi kintu u Burusiya kandi cyibutsa abakomeza guha ingufu intambara ya Putin muri Ukraine ko tutuzabemerera kwihisha.”
Minisiteri y’Ingabo y’u Bwongereza na yo yemeje ko iki gikorwa cyakozwe mu rukerera rwo ku Cyumweru cyafatiwemo ubwato Smyrtos. Ivuga ko ubwato bwari bwashyizweho ibendera rya Cameroun, bwinjiriwe n’abakomando bo muri Royal Marine Commandos hamwe n’abakozi b’ikigo cy’igihugu gishinzwe ibyaha by’ubugizi bwa nabi ku nkunga ya kajugujugu ya Chinook n’indi ndege, ubwato bwa gisirikare bwa frigate.
Mu itangazo rye, minisitiri w’ingabo, Dan Jarvis, yagize ati: “Ibikorwa nkibi bisaba ubuhanga, ubunyamwuga n’ubutwari. Ndashimira abakozi bacu b’ingabo ndetse n’ababigizemo uruhare bose.”
Yakomeje avuga ko u Burusiya bwishingikiriza amato yabwo yahishwe kugira ngo butere inkunga intambara yabwo muri Ukraine kandi guhagarika ubu bwato ari igitego ku ntambara itemewe ya Putin.
Minisiteri yavuze ko iki gikorwa cyamaze amasaha atandatu, yongeraho ko ubwo bwato “buzimurirwa by’agateganyo ku nkombe y’amajyepfo y’u Bwongereza kandi ko buzakurikiranwa ku bijyanye n’impungenge z’ibidukikije cyangwa umutekano”.
Ubuyobozi bw’u Bufaransa bwatangaje mu kwezi gushize, ko amato y’u Bufaransa ku nkunga y’u Bwongereza yahagaritse ubwato bwikoreye peteroli nabwo bwari buriho ibendera rya Cameroun mu rwego rwo kujijisha.
The post U Bwongereza bwafatiriye ubwato bwikoreye peteroli bw’u Burusiya muri English Channel first appeared on IMENA NEWS.
]]>The post Trump yahagaritse ibitero byari biteganyijwe kuri Iran iri joro first appeared on IMENA NEWS.
]]>Ku rubuga rwe rwa Social Truth, Trump yatangaje ko yahagaritse ibitero byari biteganyijwe iri joro kuri Iran.
Yanditse ko ibitero bitakibaye akurikije ko ibiganiro na Repubulika ya Islam ya Iran byageze ku rwego rwo hejuru rw’ubuyobozi bwa Iran, kandi bikemezwa.
Ati “Nka Perezida wa Leta zunze ubumwe za America, nahagaritse ibitero byari biteganijwe kuri Iran muri iri joro.”
Perezida Trump yavuze ko ibiganiro n’ingingo za nyuma, haba mu mushinga no mu buryo burambuye, byemejwe n’impande zitandukanye zirimo, leta zunze Ubumwe za America, Israel, Saoudi Arabia, Leta zunze ubumwe z’Abarabu (UAE), Qatar, Turukiya, Pakistan, Bahrein, Kuwait, Jordan, Misiri, n’abandi.
Yavuze ko gahunda yo gukumira amato America yashyizeho mu Muhora wa Hormuz izakomeza gukurikizwa kugeza ubwo ariya masezerano asinywe.
Perezida Trump avuga ko igihe n’ahantu amasezerano azasinyirwa bizatangazwa vuba.
Donald Trump yari yatangaje ko muri iri joro Amerika izakurasa Iran “bikomeye”, kandi ko America yongeye kureba uko yagenzura isoko ryose irya petrol na gaz bya Iran mu gihe kitari icya kure.
Nyuma y’iryo terabwoba rya Trump, ubuyobozi bukuru bw’igisirikare muri Iran bwavuze ko igihe “icuruzwa rya petrol na gaz ryaba ku bantu bamwe, ubwo n’ibindi bya rorera.”
Ubuyobozi bukuru bwa gisirikare bwa Iran bunasubije America ko izabona igusubizo “gikaze kurusha mbere” nigerageza kugaba ibitero bishya kuri Iran.
Abayoboye ingabo ba Iran bavuga ko Amerika ivuga iby’amasezerano ariko nyuma igakora ibikorwa by’ubugizi bwa nabi, ibyo bita “kwivuguruza gukabije”.
The post Trump yahagaritse ibitero byari biteganyijwe kuri Iran iri joro first appeared on IMENA NEWS.
]]>The post Muri Afurika abana bari munsi y’imyaka 5 basaga 89000 bapfa buri mwaka bazize ibiribwa bibi first appeared on IMENA NEWS.
]]>Uwo muryango wemeza ko hafi kimwe cya kabiri cy’abana bo ku Mugabane w’Afurika, bafite ikibazo cy’ibura rikabije ry’intungamubiri. Uko kubura intungamubiri hamwe n’uburozi buturuka ku biribwa bihumanya umubiri, ngo bituma ubwonko bwabo budakura neza, bikagira ingaruka zikomeye ku buzima bwo mu mutwe.
OMS yasobanuye ko ingaruka z’imirire mibi ku mikurire y’abana ari nyinshi, harimo kudindira mu mikurire y’ubwonko n’ubushobozi bwo kwiga no gufata mu mashuri. Ikindi ni uko kubura intungamubiri z’ingenzi nka Fer (iron), zinc na ndetse na Iyode mu minsi 1 000 ya mbere y’ubuzima bw’umwana, NGO bishobora kwangiza ubwonko ku buryo bidashobora no gukosorwa.
Ibyo byose, kandi ngo bishobora gutera gukererwa kw’imikurire y’imyakura n’imikaya, ndetse umwana akajya ahorana ikibazo cyo kudashyira umutima ku byo arimo akora.
OMS ivuga ko kurya ibiribwa byanduye cyangwa kunywa amazi adafite isuku ari kimwe mu bitera imfu nyinshi mu bana. Uburozi buturuka mu biribwa bidafite ubuziranenge bwizewe ngo butera impiswi zikabije, zikarushaho kongera ikibazo cy’imirire mibi no gutuma ubudahangarwa bw’umubiri bugabanuka cyane.
Kubura intungamubiri ngombwa nka vitamini A cyangwa Fer bishobora gutera ubukererwe bukabije mu mikurire y’ubwenge kandi bikaba n’impamvu nyamukuru y’ubuhumyi mu bana.
Kugaburira abana hatitawe ku bigize indyo iboneye cyngwa se indyo yuzuye, ahubwo bagahabwa ibiribwa bikungahaye cyane ku isukari cyangwa se ibiribwa byatunganyijwe mu nganda, ngo byongera ikibazo gifatwa nk’uburwayi bwo kudatuza cyane (hyperactivité) ndetse n’ibindi bibazo by’imyitwarire mu bana.
Umuyobozi wa OMS, Dr Dr. Tedros Adhanom Ghebreyesus, yagize ati, “ Iyo umwana akunze kugira impiswi bitewe no kurya ibiribwa bibi, ntabwo bigira ingaruka z’ako kanya gusa ku buzima bwe, ahubwo no n’imikurire y’umubiri we, n’ubushobozi bwe bwo kwiga bugira ikibazo…”
The post Muri Afurika abana bari munsi y’imyaka 5 basaga 89000 bapfa buri mwaka bazize ibiribwa bibi first appeared on IMENA NEWS.
]]>The post Minisitiri w’Imari n’Igenamigambi yasobanuye uko Ingengo y’imari yavugruwe first appeared on IMENA NEWS.
]]>
Minisitiri Murangwa yavuze ko iyi ngengo y’imari yiyongereyeho miliyari 844,2 Frw ugereranyije n’ingengo y’imari ivuguruye y’umwaka wa 2025/2026 yari miliyari 6952,1 Frw.
Ati “Iri zamuka rishingiye ku cyerekezo cya Guverinoma cyo gukomeza gushora imari mu bikorwa byihutisha iterambere ry’ubukungu, guteza imbere imibereho myiza y’abaturage ndetse no kongera ubushobozi bw’inzego zitandukanye”
Minisitiri Murangwa yagaragaje ko ingengo y’imari y’uyu mwaka Leta iteganya gushyira imbaraga mu bikorwa remezo, ubuhinzi, uburezi, ubuzima, guhanga imirimo no guteza imbere gahunda zigamije kuzamura imibereho y’abaturage.
Minisitiri Murangwa yavuze ko ingengo y’imari ya 2026/2027 yubakiye ku ntego zo gukomeza kuzahura ubukungu no kongera umusaruro mu nzego zitandukanye zifatiye runini abaturage.
Yanagaragaje ko Guverinoma ikomeje gushyira imbere imikoreshereze inoze y’umutungo wa Leta, gukomeza gukusanya neza imisoro no kongera ubushobozi bw’igihugu bwo kwigira.
Ministiri Murangwa yavuze ko kubera ingaruka z’intambara yo mu Burasirazuba bwo hagati Leta izakomeza gukaza ingamba zo guhangana n’izamuka n’ihindagurika ry’ibiciro byo ku masoko kugira ngo bidakomeza kugira ingaruka ku baturage no ku gihugu.
Ati“Muri iyi ngengo y’imari tuzanita cyane ku guhanga n’ihindagurika y’ibihe kuko twasanze bigira ingaruka cyane ku bukungu bw’ibikomoka ku buhinzi”.
Minisitiri Murangwa yagaragaje ko amafaranga akomoka imbere mu gihugu azazamuka ku kigero cya 13.1%, mu gihe amafaranga ava hanze azazamuka ku kigero cya 10.2%. Ibi bikaba byerekana byerekana icyerekezo cyiza cyo kwigira k’ubukungu bw’u Rwanda.
The post Minisitiri w’Imari n’Igenamigambi yasobanuye uko Ingengo y’imari yavugruwe first appeared on IMENA NEWS.
]]>