Golf: Gatera Jack yegukanye ’MTN Y’ello Tee-Off’ ikinwe bwa mbere
Gatera Jack yegukanye irushanwa rya Golf ritegurwa na MTN Rwanda rya ’MTN Y’ello Tee-Off’, ryakinwe bwa mbere nyuma y’imyaka irindwi iyi sosiyete y’itumanaho idategura irushanwa rikomeye, ubuyobozi bwayo buvuga ko ari intambwe idasubira inyuma.
Ku wa Gatandatu, tariki ya 3 Ukwakira 2026, ni bwo iri rushanwa ryakiniwe ku kibuga cya Kigali Golf Resorts & Villas, ryitabirwa n’abakinnyi 202 biganjemo abasanzwe bakinira kuri iki kibuga.
Wari umwanya mwiza wo kongera kwihugura ku mukino wa Golf kuri bamwe mu bakozi ba MTN Rwanda, ariko nanone abakinnyi bakomeye bagahatanira amanota meza mu myobo 18 igize iki kibuga.
Abakinnyi 26 bo mu byiciro bitandukanye birimo iby’abagore, abagabo ndetse n’abakuze ni byo byahembewe mu mugoroba wo gutanga ibihembo na wo wabereye kuri iki kibuga.
Muri rusange irushanwa ryegukanwe na Gatera Jack wahawe igikombe ndetse n‘itike y’indege [Business Ticket] ya Sosiyete ya Turkish Airlines. Yafashe igihembo cye ari kumwe n’umugore we, Miss Kayibanda Mutesi Aurore.
Ibindi bihembo byatanzwe harimo amatike yo kurara muri Mantis Kivu Marina Bay Hotel, ayo kurara muri The Manor Hotel, ayo kurara muri Emeraude Kivu Resort, ayo gufata amafunguro muri Pearl Lounge, ayo gukoresha imodoka muri Garage ATECAR, telefoni zigezweho zikorwa n’uruganda rwa Samsung.
Umuyobozi w’Ishami ry’Ubucuruzi muri MTN Rwanda, Ndoli Didas, yavuze ko iri rushanwa rifite imbaraga ku buryo rigiye kujya riba buri mwaka.
Ati “MTN Rwanda twagarutse kandi tugarukana imbaraga zituma irushanwa rizajya riba inshuro nyinshi, kuko ni ingenzi cyane kuko riduhuza n’abakiliya bacu kuko buri wese uri hano hari uburyo yafashije sosiyete yacu gutera imbere.”
MTN Rwanda isanzwe itegura andi marushanwa ya Golf nka MTN Y’ello Golf Challenge, ndetse igatera inkunga n’andi marushanwa ategurwa n’ibindi bigo muri uyu mukino.
Abitwaye neza ’MTN Y’ello Tee-Off’
Nearest to the pin ladies: Roshni Shah
Nearest to the pin seniors: Byusa Alphonse
Nearest to the pin men: Musaare Steven
Longest drive ladies: Alice Rwigema
Longest drive seniors: Kayinamura Gedeon
Longest drive men: Tuyishime Emmanuel
Ladies HCP 19-36
2nd Runner up: Roshni Shah 34
Runner up: Diane Mukunde 40
Winner: Cynthia Fayman 48
Ladies HCP 0-18
2nd Runner up: Lee Jyung Ja 76
Runner up: Irene Wanjiku 74
Winner: Olivia Ntambara 68
Seniors
2nd Runner up: Andrew Kanyonya 75
Runner up: Bakul Batavia 74
Winner: Kamanzi Louis 73
Men HCP 19-28
2nd Runner up: Maurice Toroitich 37
Runner up: Tresor Senga 38
Winner: Mark Nkurunziza 39
Men HCP 10-18
2nd Runner up: Dieuodone Nzafashwanayo 72
Runner up: Byishimo Alnaurd 69
Winner: Emmanuel Wuver 65
Men HCP 0-9
2nd Runner up: Paul Ntaganda 72
Runner up: Kabatende Darlington 72
Winner: Darran Johnson 72
Runner up Gross: David Rwiyamirira 75
Overall winner: Gatera Jack 73
Abakinnyi batangiye gukina mu masaha ya mu gitondo cya kare
Irushanwa ryakiniwe kuri Kigali Golf Resorts & Villas
Abakinnyi bari bashyiriweho imodoka nk’igihembo gikuru
Abakinnyi bakinaga bari mu matsinda atandukanye y’abatarenze bane
Umuyobozi Mukuru wa MTN Rwanda, Monzer Ali, na we ari mu bakinnye iri rushanwa
Usibye irushanwa rya MTN Y’ello Tee-Off, MTN Rwanda izakomeza gutera inkunga n’andi marushanwa
Miss Mutesi Aurore na we yitabiriye irushanwa
Irushanwa rya MTN Y’ello Tee-Off rizajya rikinwa buri mwaka
MTN Y’ello Tee-Off ryari irushanwa rikinwe bwa mbere
Abakinnyi bakinnye imyobo 18 y’ikibuga cy Golf
Iri rushanwa rizajya rikinwa buri mwaka
Umuyobozi Mukuru wa MTN Rwanda, Monzer Ali, na Ndoli Didas ushinzwe ubucuruzi bakurikiye irushanwa mu gihe bo bamaze gukina
Umuyobozi Mukuru wa MTN Rwanda, Monzer Ali, yari mu muhango wo gutanga ibihembo
Alain Numa ukorera MTN Rwanda yayoboye umuhango wo gutanga ibihembo
Sugi Felix yafatiye igihembo David Rwiyamirira
MTN Y’ello Tee-Off yakinwe n’abarimo abagore n’abagabo
Ibirori byo gutanga ibihembo byabereye kuri Kigali Golf Resorts & Villas
