Urukingo rwa coronavirus: Ibipimo ku nkende bitanga icyizere

Urukingo rwa coronavirus bisa nk’uko rwakingiye indwara ya Covid-19 inkende esheshatu zo mu bwoko bwa “rhesus macaque”.

Ibi byatanze icyizere kuri urwo rukingo, kuri ubu rukaba rurimo rurageragezwa ku bantu.

Ariko nubwo biri uku, nta cyemeza ko ibyagezweho ku nkende ari byo bizagerwaho no  ku bantu.

Ibikoko byahawe urwo rukingo, hanyuma bikanduzwa virusi ya SARS-Cov-2, basanze bifite virusi nke cyane mu bihaha no mubuhumekero.

Aho bagereranije n’irindi tsinda ry’izindi nkende zo zitahawe urwo rukingo.

Uku  kugerageza kwakorewe muri Amerika, kujyamo abashakashatsi b’ikigo cya leta ya Amerika, National Institutes of Health (NIH) hamwe n’abo muri Kaminuza ya Oxford mu Bwongereza.

Urwo rukingo byagaragaye ko rukingira ibikoko ntibifatwe n’umusonga.

Inkende zo mubwoko bwa  “rhesus macaques” zifite uburyo bw’umubiri bwo kwikingira indwara busa neza  nk’ubw’umuntu.

Ku buryo bwokwizerwa, ntizafashwe n’indwara zituruka ku kwirwanako kw’abasirikari b’umubiri – bigera igihe urukingo rwakiriwe nabi n’umubiri ku rugero rubi cyane.

Ibi byabayeho  mu magerageza ya mbere ku bikoko aho byaterwaga urukingo rwa SARS – ubundi bwoko bwa coronavirus – bihita biba inkingi ikomeye mu gutunganya urukingo rw’iyo ndwara.

Iri geragezwa ntiriranononsorwa  cyane  n’abashakashatsi kugirango rishyirwe ahagaragara nko   mu binyamakuru, ariko Prof Stephen Evans wo kw’ishuri rya London School of Hygiene and Tropical Medicine, yavuze ko ari byo “ku rwego rwo hejuru” kandi “bitera umuhate  cyane”.

Hagati aho mu Bwongereza abakorerabushake bagera ku 1000 barimo barageragerezwaho urukingo kuri Kaminuza ya Oxford.

Kuri ubu hari inkingo zirenga 100 za coronavirus zirimo zirageragezwa.

 

Src:BBC