Niki Cyo Kwitega Mu Nama Mpuzamahanga y’ Abaminisitiri b’ Ubuzima Igiye Kubera I Kigali Kunshuro ya Mbere

Ikigo Informa Markets ku bufatanye na Minisiteri y’Ubuzima n’abategura inama mu Rwanda bateguye ku nshuro ya mbere Inama mpuzamahanga y’abaminisitiri b’ubuzima baturutse hirya no hino ku isi bakaba bagiye guhurira mu Rwanda basuzumira hamwe ibijyanye n’urwego rw’Ubuvuzi by’Umwihariko ku mugabane w’Afurika.

Iyi nama y’Iminsi ibiri izabera i Kigali muri Marriott Hotel kuva Tariki ya 4 kugeza tariki ya 5 Ukuboza 2024.

Inama izahuza abayobozi n’impuguke mu buvuzi hagamijwe gushakira ibisubizo ibibazo bikomeye byugarije urwego rw’ubuzima ndetse no guteza imbere uru rwego.

Hazasuzumwa ibijyanye na za Farumasi, inganda zikora imiti, ibijyanye no kwisuzumisha, virusi itera SIDA, Guhangana n’Ubusumbane mu by’Ubuzima, Ubuzima bw’abagore n’abana n’ibindi. Hazanarebwa ku bikorwa byihariye bya Afurika byongera ubuvuzi, Ikoranabuhanga mu buvuzi no guhanga udushya, ndetse hanarebwe ku ishoramari mu buvuzi by’Umwihariko ku mugabane w’Afurika.

Iyi nama ikubiyemo ibiganiro by’ibanze by’abavuga rikijyana mu gukemura ibibazo by’ubuzima ndetse n’ibiganiro nyunguranabitekerezo mu buryo bwimbitse aho bazajya impaka hagamijwe gushaka ibisubizo bifatika mu rwego rw’Ubuzima.

U Rwanda rwatoranyijwe kwakira iyi nama bitewe ahanini na politiki yarwo yibanda ku buzima rusange bw’abaturage, gahunda zihamye zo gukingira no gukumira ibyorezo ndetse na politiki ihamye igaragaza ahazaza h’ubuvuzi muri Iki gihugu.

Mu bbayobozi bategerejwe muri iyi nama harimo abayobozi bashinzwe ubuzima ku isi n’abanyacyubahiro batandukanye barimo

Hon. Dr. Sabin Nsanzimana, Minisitiri w’ubuzima, u Rwanda

H.E. Dr. Ahmed El-Sobky, Umuyobozi, Ikigo cy’ubuzima cya Misiri, Cairo, Misiri

Hon. Benjamin Hounkpatin, Minisitiri w’ubuzima, Bénin

Hon. Dr. Charles Senessie, Minisitiri w’ubuzima wungirije, Siyera Lewone

Hon. Dr. Deborah M. Barasa, Umunyamabanga wa Guverinoma, Minisiteri y’Ubuzima, Kenya

Hon. Dr. Douglas Mombeshora, Minisitiri w’ubuzima, Zimbabwe

Hon. Dr. Esther Utjiua Muinjangue, Minisitiri w’ubuzima wungirije, Namibiya

Hon. Prof. Dr. Ibrahima Sy, Minisitiri w’ubuzima, Senegali

Hon. Malayah Tamba Chieyoe, Minisitiri wungirije ushinzwe igenamigambi & politiki, Liberiya

Hon. Pedro Tipote, Minisitiri w’ubuzima, Gineya-Bissau

Hon. Pierre N’gou DIMBA, Minisitiri w’ubuzima, Côte d’Ivoire

Dr. Robert Lucien Kargougou, Minisitiri w’ubuzima, Burkina Faso

Hon. Selibe Mochoboroane, Minisitiri w’ubuzima, Lesotho

Hon. Yolanda Awel Deng, Minisitiri w’ubuzima, Sudani y’Amajyepfo

Dr. Allan Pamba, uzava muri Kenya

Dr. Ahmed Ogwell, Visi Perezida wa Global Health Strategy, UN Foundation, Washington, USA

Dr. Mazyanga Lucy Mazaba, Umuyobozi w’Ishami rya CDC muri Afurika rifite icyicaro i Nairobi muri Kenya

Bwana Peter Hall, Perezida wa Informa Markets mu Buhinde, Uburasirazuba bwo hagati, Afurika na TurukiyaAti: “Iyi nama mpuzamahanga izerekana intambwe imaze guterwa ku mugabane wa Afurika, ikazahuza abayobozi bashinzwe ubuzima ku isi kugira ngo baganire kandi bungurane ibitekerezo kuri gahunda z’ubuvuzi ku mugabane wa Afurika ndetse no ku isi yose.”

Umwanditsi: Imena