RDC: Haribazwa Irengero rya Miliyoni 762 z’Amadolari yagenewe kurwanya Ebola
Mu Repubulika Iharanira Demokarasi ya Congo (RDC), haribazwa uko amafaranga angana na za miliyoni z’amadolari ya Amerika yakoreshejwe, mu bikorwa byo kurwanya icyorezo cya Ebola, aho arenga miliyoni 700 z’Amadorali yaburiwe irengero.
Mu Repubulika Iharanira Demokarasi ya Congo (RDC), haribazwa uko amafaranga angana na za miliyoni z’amadolari ya Amerika yakoreshejwe, mu bikorwa byo kurwanya icyorezo cya Ebola.
ku wa Gatatu tariki 14 Ukwakira 2026, i Kinshasa, Umuyobozi Mukuru w’Ikigo Nyafurika gishinzwe kurwanya no gukumira indwara (Africa CDC), Dr. Jean Kaseya, yatangaje ko mu mafaranga miliyoni 962 z’amadolari ya Amerika yatanzwe n’abafatanyabikorwa mpuzamahanga mu kurwanya Ebola muri Repubulika Iharanira Demokarasi ya Congo (RDC), miliyoni 200 zonyine ari zo zashoboye gukurikiranwa, izindi miliyoni 762 ziburiwa irengero.
Dr. Kaseya yasabye ko hatangwa ibisobanuro birambuye ku micungire y’inkunga yagenewe kurwanya iki cyorezo, kugira ngo hamenyekane uko amafaranga yatanzwe n’abafatanyabikorwa yakoreshejwe. Kugeza ubu, haracyategerejwe ibisobanuro ku bigo n’inzego byahawe ayo mafaranga kugira ngo bigaragaze uko yakoreshejwe, imishinga yashowemo n’irengero ry’asigaye.
Ibi bibaye mu gihe Ebola yo mu bwoko bwa Bundibugyo ikomeje gukwirakwira muri RDC. Amakuru agezweho yatangajwe n’Ikigo cy’u Burayi gishinzwe gukumira no kurwanya indwara (ECDC) ku wa 14 Ukwakira 2026, agaragaza ko kugeza ku wa 12 Ukwakira, iki gihugu cyari kimaze kwemeza abantu 9.144 banduye, barimo 4.410 bamaze guhitanwa na yo. Iyi mibare igaragaza ko icyorezo gikomeje guteza impungenge muri iki gihugu.
