Abarwanyi ba AFC/M23-Twirwaneho bakomeje gusatira Uvira

Amakuru aturuka muri Kivu y’Amajyepfo yemejwe n’abaturage ba Rubarati, muri Teritwari ya Uvira, aravuga ko Ingabo za MRDP-Twirwaneho, ku bufatanye na AFC / M23, zafashe imisozi imwe n’imwe yitegeye umujyi wa Uvira kuri uyu wa Mbere ushize, itariki ya 12 Ukwakira 2026.

Nk’uko ayo makuru akomeje kugaragara ku mbuga nkoranyambaga avuga, agace ka Munanira kafashwe n’abarwanyi ba AFC / M23-Twirwaneho nyuma yo guhangana na wazalendo, FDLR, FARDC, ndetse n’Abanyatanzaniya.

Abatanga amakuru baributsa ko kuva i Munanira ujya muri Uvira, ari urugendo rw’amasaha 3 n’amaguru.

Nk’uko aba baturage babitangaza, ngo izo ngabo zafashe aho hantu nyuma yo gusubiza inyuma ihuriro ry’ingabo zirwanira ubutegetsi bwa Kinshasa, zirimo FARDC, FDLR, Wazalendo, n’Ingabo z’Abarundi.

Izi ngabo zikaba zasubijwe inyuma zerekeza mu duce twa Ruhuha, Marimba, n’utundi turere twegereye imisozi yitegeye Umujyi wa Uvira.

Amakuru akomeje gukwirakwizwa muri kariya karere, Bwiza idashobora kugenzura mu bwisanzure yerekana ko umutekano ushobora kurushaho guhungabana muri Uvira niba imirwano ikomeje gusatira umujyi.