Perezida Kagame yakiriye intumwa za AU zirimo Kenyatta

Ku gicamunsi cyo kuri uyu wa Gatatu, itariki 7 Ukwakira 2026, Perezida w’u Rwanda, Paul Kagame, yakiriye muri Village Urugwiro, intumwa z’abagize Akanama k’Abahuza ba Afurika Yunze Ubumwe mu biganiro bigamije kugarura amahoro mu burasirazuba bwa DRC muribo hakabamo abahoze ari abakuru bibihugu.
‎
‎Izo ntumwa ni; Perezida Sahle-Work Zewde wahoze ayobora Ethiopia, Uhuru Kenyatta wahoze ayobora Kenya, Mokgweetsi Masisi wahoze ayobora Botswana, ndetse na Yackoley Kokou Johnson, Minisitiri wungirije w’Ububanyi n’Amahanga wa Togo.
‎
Ibiganiro byabo byibanze ku biganiro by’amahoro birangajwe imbere na AU n’intambwe zizakurikiraho mu kugera ku mahoro arambye n’ituze mu burasirazuba bwa DRC, harimo no gukemura impamvu muzi z’amakimbirane.