Amagare: Shampiyona y’igihugu ntikibaye

Spread the love

Mu mpera z’iki cyumweru tariki 19 na 20 Ukuboza 2020 hari hateganyijwe shampiyona y’umukino wo gusiganwa ku magare “National Championships 2020” ariko kubera gahunda yo kubahiriza  amabwiriza yo kwirinda COVID-19 iyi shampiyona nta bwo ikibaye.

Ibi byemejwe n’ishyirahamwe  ry’umukino w’amagare mu Rwanda “FERWACY” aho babinyujije ku rubuga rwa “ Twitter” bagize bati :“ Mu rwego rwo kubahiriza amabwiriza mashya yo kwirinda ikwirakwira  rya COVID-19, shampiyona y’igihugu y’umukino w’amagare 2020 yari iteganyijwe ku wa Gatandatu tariki ya 19 Ukuboza 2020 no ku Cyumweru 20 Ukuboza 2020 ntikibaye.”

Iyi shampiyona y’igihugu  yari igiye kuba mu rwego rwo gufasha abakinnyi kwitegura Tour du Rwanda 2021   biteganyijwe ko izaba tariki 21 kugeza 28 Gashyantare 2021.

Umukino w’amagare usanzwe unyura benshi wakomwe imbere na Covid-19

Leave a Reply

Your email address will not be published. Required fields are marked *